Hosea 6
6
1 #
Yob 5:18; Efu 15:26; Isa 30:26; Yer 30:17; Eze 34:16 Emi emu,ama ma mvi Yehovani; eri asi ama ale ’bo, te eri nga ama ati ra; eri co ama ra, te eri nga ama ombe ra,
2Pale iri ma vutia eri nga idri fe ama dri dika; o’du pale narisi eri nga ama enga uru, te ama nga di ovu idriru eri ma milia.
3 #
O’be 2:1-9; Mat 13:11; Yob 29:23 Ama ma ni eri ra, ama ma mu drile Yehovani ni;efuta erini ovu ’dani o’bitinirile; eri nga eca ama vu ozoole, ekile ozoo ’dipi ayisi yi osupi nyakuarile.
4Efiraimu la, ma nga e’yo ngoni ’ye mi dri ra ya? Yuda la, ma nga e’yo ngoni ’ye mi dri ra ya? Onyi emini erini ovule iriti lururu o’biti berilerisi, ekile andrali afipi mbelerile,
5 #
Yer 1:10; Ebra 4:12 E’yo ’disi ma ga yi ’bani pati galerile nabi ’diyisi, ma fu yi e’yo efupi ma tiliarisi, azini e’yo liza mani ’diyi ovu ekile diza dipi amverile.
6 #
O’be 21:3; Zab 50:8; Yoh 17:3; Mat 9:13; 12:7 Te ma le yiki ale beri, ma leni edeta edeza ku, ma le nita ’bani Mungu nizuri aga edeta vezaru ’diyi ra.
7Te yi eza aziza Adamule; pari ’da ma alia yi ’ye ma vu lokirisi ra.
8Gileadi ovu amboru ’ba azi onzi ’yepi ’diyini; eri tro i arisi ’bo.
9Ekile ’ba oguouru yi okupi tualu ’diyini ’ba telerile, ’ba edeta edepi yi okupi tualu, ’diyi yi ’ba ofu ’dinile indi geri mupi Sekemuaria; adaru yi ’ye afa onzikanyaru tu.
10Suru Israelini ma alia ma ndre afa onzikanyaru tu: ma isu ali ’baza Efiraimu ma alia, Israeli ovu alatara kokoru.
11 #
Zab 126:1
Azini vini Yuda la, azi ewu anya lozuri mi dri ’bo.
Bible in Lugbara © United Bible Societies, 1966.