'Ba Ebraniani 6

1 # Ebra 9:14 E’yo ’dirisi ama ma ku imbata oko e’yo Kristonirini, ama ma aga drile drile cazu mbazu dri fuzu ci; ama ma ’ba jo eti dika dika ku, efini e’yo asi ojaza azi dratani kuzuri pi, ovuzu a’itasi Mungu vuri pie, 2imbata e’yo baputiziniri pie, e’yo dri tiza ’ba driarini pie, engata ’ba draza ma eseliari pie, e’yo liza ’ciani ’daniri pie. 3Te ama nga e’yo ’diri ’ye ra, Mungu ka le ra. 4#Ebra 10:26, 27; Mat 12:31; 1 Yoh 5:16A’disiku ’ba mira fipi diza ma alia ’bo, afa feza ’buari ma aji o’bipi ’bo, ecapi ’ba Orindi Alatararu isupi ’bo ’diyiru, 5#1 Pet 2:3e’yo onyiru Munguni ’yoleri pi ma aji o’bipi raka okpo ewu ngapi ecapirini be, 6mupi e’depi ndo ’diyi, econi ’ba ’dinile ’diyi omvizu o’diru asi ojaza vu dika ku; yini Mvi Munguni dile pati ruaa dika yi ma ngulupisi, azini yini drinza fele eri dri ’ba dria ma miliarisi. 7#E’do 1:11, 12Te angu nde ozoo ’dipi pale kakau driniari mvupi, nyaka kapi onyiru ’ba angu nde ’yapi ’diyi driri eri asi ndriza engapi Mungu vuri isu. 8#E’do 3:17-18Te eri ka oci pi ka avaefi be, ’ba yi nga eri ga si, ace were yi nga eri otri ra; asizaniri vezu acisiri’i.

9Te ’ba amani lele ’diyi la, ama ka tro ’yo ’dinile ti, ama ovu a’itasi emisi, e’yo emini ovu onyiru aga’di ra, yi e’yo patani ’diyi. 10#Ebra 10:32-34Te Mungu ovuni onyi kokoru, erini ani azi emini pi ma e’yo avizu, leta avasi emini ecele ru erinisiri be, ’dini ku, emini ndra azi ngaria ’ba alatararu ’diyi dri, azini emini azi ngaria kpere curu’do ’dani. 11#Ebra 3:14; Fil 1:6Te ama le ’ba dria alu alu emi eseliari ma ece asi avaru trotro ’dinile, e’yo tezu asi tezasi cazu kpere ewu asizuria, 12emi ma ovu ani ondua kokoru ovusi ku, te emi ma bi ’ba e’yo aziza isupi awitaru a’itasi asi teza be ’diyi ma vuti, ovuzu ani yile.

13 # E’do 22:16, 17 Te Mungu ka aziza azi Iburahimu tia, eri so oyo i ma ngulupi ma rusi, ’ba aluni eri agapi ra erini ani oyo sozu eri ma rusirini ovule yorisi, 14#E’do 22:16-17kini, Mani asi ndriza feria ma nga asi ndriza fe mi dri ra ndi ndi, mani feria mini ezuzuria ma nga fe mi ezu tre ndi ndi. 15’Dini erini teria asi tezasi ’boria, eri isu, aziza nderi ra, 16#Efu 22:10Te ’ba yi adri oyo so ’ba yi agapi rari ma rusi, azini oyo soza fe agata gaza yini dria ma tini asizu, e’yoni ’bazu okporuni. 17E’yo ’diri ma alia Mungu ka ndra le tu e’yo ecezu aga ra ’ba aziza isupi awitaru ’diyi dri, kini i ojani e’yo amaza ini ku, eri ece e’yoni oyo sozaIsi, 18#Kal 23:19; 1 Sam 15:29’dini e’yo yi ojapi ku iri, Munguni ani ecozu inzo lizaru alenia ku ’diyisi, ama ’ba apapi ’bo nzupi asi teza ovupi ’bazaru ama driliari bizu ’diyi ma isu ani asi omiza okporu. 19#Lev 16:2, 12Asi teza ’diri ovu ama dri aya nangaru oguruni pa sozu anirile ama asi bizu, eri ojakokoru, okporu, fipi pari bongo jo ale alizuri ma kala alialeruria; 20#Zab 110:4; Ebra 5:6Yesu fi pari nde ma alia amasi, ekile ’ba nzupi ’ba ma driliarile, ovupi ’bazaru ’bo atalau edeta edepi agapi ra ’dani ’daniriru, ekile peza Melekizedekini pezurile.

Currently Selected:

'Ba Ebraniani 6: LB66

Highlight

Copy

Compare