'Ba Ebraniani 2

Pata amboru ’dopi ’donileri!

1E’yo ’dirisi ama ma ’ba asi amani e’yo amani erileri ma dria aga ra, ama kazu sizu vile e’yo nderi kuzu ku. 2#’Yeta 7:38, 53; Gal 3:19A’disiku e’yo ndra malaikani ’yoleri ka ovu ndra okporu, te ezata dria azini eritaako dria ka ndra panga kililiruri isu, 3#Ebra 10:29; 12:25ka’dini ama ka pata amboru ’dopi ’donileri ’ba afa tokoleama nga apa ngoni ngoni ya? Para nde Opini mira e’dole oluleni, ’ba eri eripi ’diyini e’yoni ’bale okporu ama driri’i, 4#Mar 16:20; 1 Kor 12:4, 11Munguni indi e’yo eti ozeria yi be tualu, eceta piyisi, tali pie, azi okporu ndu ndu ’diyi pie, erini Orindi Alatararu awaria yi dri erini lelerile.

Ambo ’ba dri cepi para ma aliari

5Te eri ’bani angu wudrikuru ngapi emupi amani e’yoni ’yoleri a malaika ma palaa ku. 6#Zab 8:4-6Te ’ba azini nze e’yo eti pari azinia, kini,

’Ba eri a’di afani, mini e’yoni egazu ’dini ya?

Kani mvi ’bani eri ngoniru, mini eri andrizu ani ya?

7Mi ’ba eri malaika ma vutia were, mi ’ba diza pi inzita be eri ma dria ekilazale, mi ’ba eri opiru azi mi drini ’yeleni ’diyi ma drilia;

8 # 1 Kor 15:27 mi ’ba afa dria va eri ma palaa. Erini afa dria ’baria va eri ma palaa ’dini, eri kuni afa aluni ’bakokoru eri ma palaa ku. Te curu’do ama ndreni nga afa dria ovu ’bazaru eri ma palaa ’dinile ku. 9#Fil 2:8, 9Te ama Yesu lu, eri ovu ndra ’bazaru malaika vutia were, ecandiza dratani ma e’yosi, te curu’do ’ba diza pi inzita be eri ma dria ekilazale, ’dini ’yeta anzutiri Mungunirisi eri ma o’bi dra ma aji ’ba driasi.

10 # Rum 11:36 ’Dini afa driani ovule ’bazaru eri ma e’yosi, azini geri eri vurisirisi, Munguni anzi kakau ejiria diza ma alia, e’yo ’di eco erisi onyiru ambo yi dri cepi pata ma aliari ’bazu ovuzu kililiru geri ecandizanirisi. 11#Mar 3:34, 35; Mat 25:40; Yoh 20:17’Dini ’ba yi ’bapi alaruri azini ’ba ’bale alaru ’diyi yi dria enga ’ba alu vu. E’yo ’dirisi eri ovuni drinzasi yi omvezu adripiru ku, 12#Zab 22:22kini,

Ma nga ru mini olu ma adripi ’diyi ma tia,

ma nga ongo ngo mi inzizu ’ba ongulumuru ma eselia.

13 # Isa 8:17, 18; 2 Sam 22:3 Azini dika, Ma nga a’ita mani ’ba eri alia. Azini vini dika,

Mi ndre, ma’i, anzi Munguni fele ma dri ’diyi be.

14 # 2 Tim 1:10; Yoh 12:31; Eceza 12:10; 1 Kor 15:56 Anzi ma rua ari berini ovule alurisi, eri’i indi eri ’du afa ’diyi tro tro, ’dini dratasi eri ma oja ’ba ovupi okpo dratani beri ovuzu tokoru, ’di ’ba asu supiri’i; 15azini eri ma otru ’ba dria dra ma urini ombele ati’baru, ewu yini ovuzu idriru ma alia dria ’diyi indi. 16#Isa 41:8, 9Adaru eri bini wura malaikani ku, te eri bi ori Iburahimuni ma wura. 17#Zab 22:22; Fil 2:7E’yo ’dirisi eri ma ovu ’bazaru tro tro adripi erini ’diyile e’yo driasi, eri ma ovu atalau edeta edepi agapi rari e’yo Mungunisi, yiki be azini asi adaru be, ’ba ’diyi ma e’yo onzi edezu. 18#Ebra 4:15’Dini erini ndra candi isule, obetasi ’borisi, eri eco ’ba ovupi obezaru ’diyi ma aza kozaru ra.

Currently Selected:

'Ba Ebraniani 2: LB66

Highlight

Copy

Compare