Habakuki 3
3
Zita Habakukini zile Mungu tiari
1A’iza nabi Habakukini, edele o’duko Sigionotini vusiri.
2Yehova la, ma eri e’yo kuza miniri ’bo, ma ovu ani urisi. Yehova la, mi ma fe idri azi miniti dri eli kakau ma eselia dika; eli kakau ma eselia mi ma eku e’yoni; adra ngare mi ma ega yikini.
3Mungu emu engazu Temaniarisi ra, Eri’i Alatararuri’i emu engazu oni Parania. Diza erini a’bu ’bu mile ci, te nyaku ga tre inzita erinisi indi.
4Diza eriniri e’da trotro kile angu ’izale, eri ma driarisi etupa adri ku zirri zirri; pari eri ma okponi i zizuri eri ’daa.
5Eri ma drilia ndindia ce drini, aciolu efu paniasini.
6 #
Efu 23:31; Azi 32:8; Kal 21:24, 34 Eri nga pa so ra, nga nyaku oya oya; eri ndre ra, api suru ma esele kpele kpele. Te oni oku drio ’dani ’diyi ere yi ndu ndu ra, azini oni ngulu ngulu ’dani ’dani ’diyi avu dria va. Acita eriniri ovu kile oku driorile.
7Ma ndre Kusani ma hemani candi isuria; bongo aliza angu Midiania ’diyi ri oya oya.
8 #
Efu 14:21, 22 Yehova ovu ndra adrasi yi raza vu ya? Adra miniri enga yi raza ma dria, kani aoko mini miri ma dria, mini nzuzu ndra akanya mini ’diyisi, gari mini patani ’diyisi indi ya?
9Mi nzo osu miniti ’bo, oyo mini sole suru ndu ndu yo’diyi eca e’yo adaru. Adaru mi asi nyaku ma ale yi razasi,
10Oni mire mi ra, yi ovu ani urisi; yi tiza aga kalasi; yi aliru ofu i ma o’duko mgboru, azini eri eju ani i ma dri uru indi.
11Etu pi mba be oso pa yi ma pari ovuzuria ci ’ye mini ’diyi ma dizasi, yini engaria, aju mini ma diza dipi nyunyurisi.
12 #
Zab 44:2, 3; Mik 4:13 Mi aci angu ma eselia asi veza be ra, mi oco suru ’diyi adra minirisi anyale ra.
13 #
2 Sam 5:20
Mi efu pata ’ba mini ’diyini ma e’yosi, pata jizu ’ba mini odu osule driniari dri. Mi fe ebi ’ba e’yo onzi ’yepiri ma ria eri vile joarisi, nduni ’bazu e’dazaru kpere ombelea.
14Mi ogba ’ba omba ’bapi eri be: ’diyi ma drifa, kali yi ma ngulupini ’diyisi ra; yi emu ekile oli piriliarurile ma erezu ndu ndu; ayiko yiniri kile yi le ’ba! alioru okizu oyokolosirile.
15Mi otu miri akanya mini ’diyisi ra, yi nde okporu adipi ngula ngulari,
16Ma eri ra, ma mani ya ya, o’dukoni ekupirisi ma tiriyaya; mazaniri fi kpere ma fala alia, azini ma ya ya pari mani ovuzuri ma alia. Ka’dinile le te di ma ma te e’yere o’du candini ngapi ecapi ’ba o’biru efipi angua a’di ’dizu ’diyi ma driarisi.
17 #
2 Kor 4:8, 9 Te elio pati ka tro nga fu zo aluni ku, kani te tro zabibu pati ovuni efi ’yaza be ku; azi mizeitu patiniri ka tro eca tokoru, ka tro amvu ngani nyaka fe ’ba dri aluni ku; anyapa nyiri o’biru ’diyi ka tro nga ovu dri jazaru joarisi, anyapa ’wara ongulumuru ’diyi ka tro ovu lico yinia yo;
18 #
Zab 42:5; Isa 61:10 te kiri ti, ma nga ovu ani ayikosi Yehova, va ma alia ra, ma nga ovu nyonasi Mungu pata fepi ma driri ma alia.
19 #
2 Sam 22:34; Zab 18:33; 27:1 Yehova, Opini, eri okpo maniri’i; eri ede ma pa ekile nyajo ma pale, azini eri nga fe ma ma aci pari mani uru ’diyi ma dria ra. (’Ba ongo dri cepiri dri: o’di cozasi.)
Bible in Lugbara © United Bible Societies, 1966.