Efuza 17

Yini efuzu oni ma ruaari

1 # Kal 20:2-13; Efu 16:1; 19:2; Kal 33:12, 14 ’Ba ongulumuru dria anzi Israelini ’diyi yi nga roko Siniariasi dria acizu ekile Yehovani azilerile, yi aso hema Refidimua; te yi mvuza ’ba nde dri ’daa yo. 2#Kal 20:3; Azi 6:16; Zab 78:41; Isa 7:12; Mat 4:7; 1 Kor 10:9E’yo ’disi ’ba nde ’ba omba Musa be kini, Mi fe ama dri yi mvuza. Te Musa ’yo yi be, Emi omba ’ba ma be a’di e’yosi ya? Emi Yehovani o’bi a’di e’yosi ya? 3#Efu 16:2’Ba ongulumuru ovu yi avijosi ’dale, yi ono Musa dria kini, Mi ofu ama angu Misiriniasi, ama ofuzu yi avijosi anzi amani be, azini anyapa amani be a’die’yosiya? 4#1 Sam 30:6; Yoh 8:59; 10:31Musa owu Yehova vu kini, Ma nga ’ye sini ’ba nde ’diyi ma e’yosi ya? Ace were yi ’ye ma o’be onisi. 5#Eze 2:6; Kal 20:8Te Yehova ’yo Musa tia, Mi aga ’ba nde ’diyi ma drilia, mi ’du ’ba ’wara Israelini mi be tualu; mi ’du kali mini mi dria, mini ndra yi mirini cozuri, mi mu. 6#Zab 105:41; 114:8; 1 Kor 10:4Mi ne, ma nga pa so mi drilia ’dale oni dria Horebua; mi nga oni nderi co, te yini nga efu ani, ’dini ’ba nde ’diyi nga mvu ani beni. Te Musa ’ye ’ba ’wara Israelini ma milia ’dini. 7#Zab 95:8; Ebra 3:8Eri omve angu nderi ma ru Masa2 azini Meriba3, a’disiku anzi Israelini yini agata galerisi, yini Yehovani o’bilerisi kini, Yehovani ama eselia ci, kani yo ya?

A’di ’dizu Amaleki beri

8 # E’do 36:12; Kal 24:20; Azi 25:17; 1 Sam 15:2 ’Di ma vutia ’ba Amalekini emu omba ’bazu Israeli be Refidimua. 9#’Yeta 7:45; Ebra 4:8Musa ’yo Yosua tia, Mi ope ama dri agupi, emi fu a’di ’dizu ’ba Amalekini be; dru ma nga pa so oni dria kali Munguni be ma dria. 10’Dini Yosua ’ye Musani ’yole eri tiarile, eri ’di a’di ’ba Amalekini be; te Musa pi tu oni dria, Aroni pie, Huri pie. 11#Yak 5:16Eri nga eca ’dini, Musa ka i dri eju uru ra, ’ba Israelini agani; te ka i dri omvi va, ’ba Amalekini agani. 12Te Musa ma dri oro oro; yi nga di oni ’du ’ba etinia ani, eri ri drinia ani, Aroni pi Huri be edre dri erini uru, ’ba alu eje aziniria, ’ba azini eje aziniria; dri erini ovu uru kiri kiri ’dani cazu etuni ’deria. 13Yosua ja Amaleki ma dri ’ba erini be sei sisi.

14 # Azi 25:17-19; 1 Sam 15:2-9; Efu 34:27; 1 Sam 30:1; 2 Sam 8:12; Ezr 9:14 Yehova ’yo vini Musa tia, Mi si e’yo ’diri bukua e’yo egaza fezu, azini mi olu e’yo nderi Yosua ma bilia: ma nga Amaleki ini teke teke ’bu ma etiarisi ra, ’dini ’ba ngani yi ma e’yo ega dika ku. 15#Lip 6:24Musa ede pari edeta edezuri, omve runi Yehova-nisi’i, 16te eri ’yo ra, Yehova so oyo ’bo: Yehovani nga a’di ’di Amaleki be a’bianzi vusi a’bianzi vusi ’dani.

Currently Selected:

Efuza 17: LB66

Highlight

Copy

Compare