Efuza 15

Musa pi ma ongo Miriamu beri

1 # Eceza 15:3; Lip 5:1; 2 Sam 22:1 Etu nderisi Musa pi anzi Israelini be yi ngo ongo ’diri Yehova dri, ’yozu kini,

Ma nga ongo ngo Yehova dri,

erini juru agale diza be turisi;

akanya pi ’ba nzupi eri driari be,

eri o’be yi miri ma alia ’bo.

2 # Zab 118:14; Isa 12:2; 2 Sam 22:47; Zab 99:5 Yehova eri ovu okpo mani azini ongo mani,

eri oja i pata maniru indi;

’diri Mungu mani, ma nga eri inzi ra,

eri ovu Mungu ma atini, ma nga eri ’ba uru.

3 # Eceza 19:11; Zab 83:18 Yehova eri ’ba ombaniri; ru erini Yehova’i.

4Gari ombani Farau vile ’diyi azini ’ba ongulumuru erini ’diyi be, eri o’be yi miri alia ’bo;

azini ’ba asikari drilia erini opele ’diyi yi o’de Miri Ekaru etia ’bo;

5Yi aliru a’bu yi ra;

yi si va yi aliru etia ekile onile ’bo.

6 # Zab 118:15 Yehova la, mi dri ndiri eri dizaru okpo minisi,

Yehova la, mi dri ndiri eri ari’ba amani onyo nyingiriki.

7 # Zab 59:13; Azi 4:24; Ebra 12:20; Isa 5:24 Ambo mini agapi driarisi,

mi ’ba engapi mi ruaa ’diyi oze ’barra va;

mi adra mini ma ti pe, eri yi ve ekile ase a’wile.

8 # Yob 4:9; Hab 3:10 Ava efupi mi ma omvuliarisi Yi mirini oku yi tualu ngurru,

yi mirini so pa uru otukole,

yi aliruri miri ma asia ku ku.

9 # Isa 53:12; Luk 11:22 Ari’bo ’yo ra,

Ma nga yi vuti dro, ma nga yi bi,

ma nga afa yini mani opale ’diyi awa ra,

e’yo ma asini lele ’yeleri nga i ’ye yi ruaa.

Ma nga sei mani nze, ma drini nga yi dri ja ra.

10Mi fe oli mini li, miri a’bu yi ani;

yi o’de va yi amboru aliru etia ekile ’ye efile.

11 # 2 Sam 7:22; 1 Opi 8:23; Zab 86:8; Yer 49:19 Yehova la, adrou ’diyi eselia a’di ovu milenini ya?

A’di ovu mileni dizaru alatara mini ma aliasi,

uri fezu inzita alia, e’yo osutaru ’yezuni ya?

12Mi eju mi dri ndiri, nyaku oki yi ra.

13 # Zab 78:54 Asi ndriza minirisi mi ce ’ba mini onzele ’diyi ma dri,

mi ce yi dri okpo minisi cazu kpere pari alatararu mini ovuzuria.

14 # Yos 2:9; Zab 48:6 Suru yi eri ’bo, yi ya ya urisi;

rua suza bi ’ba Filistia ’diyi ra.

15 # Hab 3:7 Etu nderisi opi Edomua ’diyi ma mile oka tu;

’ba okporu Moabua ’diyi ma rua ’ba ya ya;

’ba Kanania ’diyi dria aka di ’bo.

16 # Azi 2:25; 1 Sam 25:37; Azi 32:9; Isa 43:1; Yer 31:11; Tit 2:14; 1 Pet 2:9; 2 Pet 2:1 Uri okporu ’de yi dria asi otiza be;

wu okporu minisi yi oji dri ekile onile,

ecazu ’ba minini agazu zozu ’boria,

Yehova la, ecazu ’ba mini jele ’bo ’diyini agazu zozu ’boria.

17 # Zab 44:2 Mi nga yi ofi, sa oni mini awurusoru ma dria,

Yehova la, pari nde mini edele mi dri ovuzu aleniari,

Yehova la, pari alatararu nde mi drini ’baleri.

18Yehovani nga opi nya ’dani ’danini.

19Te akanya Farauni gari ombani erini be fi miri eseliasi ’ba nzupi akanya dria ’diyi be, te Yehova omvi yi mirini yi ma dria; te anzi Israelini ri aci nyaku angazaru ma dria miri eseliasi. 20#Lip 11:34; 21:21; 1 Sur 15:16; 1 Sam 18:6; Zab 68:25; 81:2; Yer 31:4Te Miriamu nabi okuru, Aroni amvi, eri ’du arimva eri dria; oku dria efu eri vutia arianzi be, ongo inzitani tuzu indi. 21Te Miriamu omvi e’yo yi tia:

Emi ngo ongo Yehova dri,

erini juru agale diza be turisi;

akanya pi ’ba nzupi driniari be,

eri o’be yi miri alia ’bo.

Yi drazaru Maraari

22Te Musa ce Israeli dri drile engazu Miri Ekarua, yi fi roko Suri ma alia; yi ad o’du pale na, te isuni yi ku. 23#Kal 33:8; Rut 1:20Yi ka ca Maraa, isu yi econi yi Marani mvuzaru ku, yini ovule drazarurisi; e’yo ’disi ’da runi Mara’i. 24Te ’ba ongulumuru ono Musa ruaa, kini, Ama nga di a’dimvuya? 25#Efu 14:10; 17:4; Zab 50:15; 2 Opi 2:21; 4:41; Yos 24:25; Efu 16:4; Azi 8:2, 16; Zab 66:10; 81:7Te eri wu Yehova vu; Yehova nga di pati ece eri dri, eri ’be eri yi alia, yi nderi nga i oja aluzaru ani.

’Dale pari nderia eri azi azita yi dri e’yo aziza be, o’bi yi vini ’dale indi, 26#Azi 7:12; 28:27; Efu 23:25; Zab 103:3; 147:3azini eri ’yo, Mi ka o’duko Yehova Mungu minirini eri asi tezasi, mi ka e’yo ovupi onyiru eri miliari ’ye, bile cozu e’yo erini azileri vu, azita erini dria ma ta mbazu, ma ngani azo mani ’bale ’ba Misiria ’diyi ma ruaa ’diyi ’ba mi ruaa aluni ku; mani ovule Yehova mi rua atipiri’irisi. 27#Kal 33:9Te yi ca Elimua, pari yi a’di adiza mudri drini irini azini itu kali azirini ovuzuria; yi aso hema yini ’dale.

Currently Selected:

Efuza 15: LB66

Highlight

Copy

Compare