Esiteri 10
10
Ambo Moridekaini
1 #
E’do 10:5; Zab 72:10; Isa 24:15 Opi Ahasueru li musoro angu nde ma dria kpere angu miri tia ’diyia indi. 2’Yeta erini ’yele okpo inisi azini ambo inisi, azini inzita ambo tu Moridekaini isule opini eri ’bale ururisi ’diyi, yi sini yi buku opi Mediaa ’diyi pi ma e’yo sizu opi Perisiaa ’diyi beri ma alia ku ya? 3#E’do 41:40; 2 Sur 28:7; Neh 2:10; Zab 122:8; O’be 12:20; Isa 26:12A’disiku agu Yahudiouru Moridekai ovu opi Ahasueru ma vutia, eri ovu amboru ’ba Yahudini ma eselia, adripi erini ongulumuru ’diyi a’i eri to, a’disiku eri nda e’yo onyiru suru ini dri, azini eri ’yo e’yo asi anzuruni ori’ba ini ’diyi ma tia dria.
Bible in Lugbara © United Bible Societies, 1966.