'Ba Efesoa 'Diyi 6

1 # Kol 3:20 Emi anzi, emi inzi ’ba emi tipi ’diyi ma e’yo Opi ma alia, te ’diniri kilili. 2#Efu 20:12; Azi 5:16Mi inzi mi ati pi mi andri be (’di azita oko e’yo azile fezaruri beri’i), 3mi ma ovu ani drilebaru, ovuzu nyakua eli be kakau beni. 4#Kol 3:21; Isa 50:5; O’be 2:2; 3:11; 19:18; Azi 6:7, 20-25; Zab 78:4Emi ata, emi enya anzi emini ma asi aokoni engazu yi ma asia ku, te emi ma te yi agei imbatasi azini asi omiza Opinisi,

5 # Kol 3:22-25; Tit 2:9, 10; 1 Pet 2:18 Emi ati’ba, emi inzi ’ba ovupi emi ma drilia opiru nyakua ’diyi ma e’yo urisi azini ma yazasi asi alusi, ekile Kristo vurile; 6kiri lu azi ngazu ’ba ma milia ekile ’ba ayiko fepi ’ba dri ’diyile ku, te ekile ati’ba i Kristoni e’yo Munguni leleri ’yepi asisi ’diyile, 7au ngazu asisile onyirusi ekile Opi dririle, te ’ba dririle ku, 8#2 Kor 5:10a’disiku emi ni ra ’ba dria alu aluni nga e’yo onyiru erini ’yeleri ma andeso isu Opi vu, eri ka teo ovu ati’boni kani kari’bani ti. 9#Azi 10:17; Kol 3:25; 4:1; 2 Sur 19:7; ’Yeta 10:34Te emi opi, emi ’ye yi vu ’dinile indi, emi ma ku uri fezu yi dri e’yo ’yozasi a, a’disiku emi ni ra Opi yini emi beri ovu ’bua, te eri openi ’ba ku.

Afa ombani Munguni ’diyi dria

10 # 1 Kor 16:13; 1 Yoh 2:14 Te e’yo acepiri ’di, emi ma ovu okporu Opi ma alia, okpo erini amboru terisi. 11#Efe 4:14; 2 Kor 10:4Emi ma su afa ombani Munguni ’diyi dria, emini ecozu ani pa sozu lokiri Satanini ogazu beni. 12#Efe 2:2; Yoh 14:30; Kol 1:13; 1 Pet 5:8, 9A’disiku afu amani fuleri ovuni ’ba rua ari be ’diyi be ku, te opi be, okpo pie, ’ba wudrikuru ma dri cepi ini ’dorini ’diyi pie, orindi onzi ongulumuru angu ’buaria ’diyi pie. 13#1 Opi 20:11E’yo ’disi emi ma o’du afa ’Ombani Munguni ’diyi dria ra, emi ma eco ani ari’ba ma dri aruzu o’du onzirisi, azini emi ka e’yo dria ’ye ’bo emi ma so di pa ci. 14#Isa 11:5; 59:17; Luk 12:35; 1 Pet 1:13; 1 Tes 5:8Te emi ma so pa ’dini, emi anzu emi opile enyiriko e’yo adanirisi, emi su gombere e’yo kililirurini emi agatia, 15#Isa 52:7; 40:3, 9emi su enyiriko edele e’yo baru asi anzururinisiri emi paa; 16#1 Pet 5:9; 1 Yoh 5:4agapini emi ma ’du gombere a’itani emi dria, emini ecozu ani ’ye aciru ’ba onzini ’diyi inyuzaru beni. 17#Isa 59:17; 11:4; 49:2; 51:16; 1 Tes 5:8; Hos 6:5Emi ’du vini biri pataniri pi, sei Orindiniri be, ’di e’yo Munguniri’i. 18#Mat 26:41; Kol 4:2, 3Emi ma zi Mungu etu dria Orindi ma alia, Mungu ziza pisi ma ’baza be dria. Emi ma ovu mile be ’dani asi driasi, Mungu zizu ’ba alatararu ’diyi ma e’yosi dria, 19#Kol 4:3; 2 Tes 3:1; ’Yeta 4:29azini masi indi, e’yo ma ovu fezaru ma dri oluzu, mani ma ti azizu asi uri kokorurisi, fezu ani ’bani e’yo baru ma e’yo vale ku zizaruri nizu, 20#2 Kor 5:20; Kol 4:4e’yo baru ’dirisi ma di ojiou arururi; ma ma olu ani e’yo ’diri asi uri kokorurisi, ekile onyiruni ma ma olu eri rarile.

E zi di emi ci ci ’yozuri

21 # ’Yeta 20:4; 2 Tim 4:12; Kol 4:7 # Kol 4:7-8 Te Tukiko adripi mani lele, azi ma aza kopi asi adaru be Opi ma aliari nga e’yo mani dria ece emi dri, emini e’yo mani ’yeleri nizu ani. 22#Kol 4:7, 8Ma pe eri ma ti bani e’yo alu ’di ma vusi, emi ma ni ani e’yo amani, azini eri ma omi emi asi beni.

23Asi anzuru ma ovu adripi vu, leta pi a’ita be, engazu Mungu Ata vu azini Opi Yesu Kristo vu. 24#1 Pet 1:8’Yeta anzutiri ma ovu ’ba dria Opi amani Yesu Kristoni lepi leta i depi kurisi ’diyi be.

Currently Selected:

'Ba Efesoa 'Diyi 6: LB66

Highlight

Copy

Compare