Eklesiaste 7
7
Ondua pi ma e’yo o’bizu e’yo azazari be
1 #
O’be 22:1; Fil 1:23; Eceza 14:13 Ru onyiru aga odu efiza arikariru aje nyapi turi ra; o’du draniri aga o’du ’bani osizuri ra.
2 #
Mat 5:4
Muzu ’ba awu owupi ’diyi ma joa aga muzu ’ba omu ’bapi ’diyi ma joari ra; e’yo nde eri asiza ’ba driani, te ’ba idriru ’diyi aga e’yo nde ’ba yi asia.
3 #
2 Kor 7:10
Candi aga oguta ra, a’disiku candi miliari eri asi ’ba onyiru.
4’Ba onduaru ma asi ovu ’ba awu owupi ’diyi ma joa; te ’ba ondua kokoru ma asi ovu ’ba oguta ogupi ’diyi ma joa.
5Imbata ’ba onduaru ’diyini egazu mi driari erizuri ovu onyiru aga ’bani ’ba ondua kokoru ’diyi ma ongo erizuri ra.
6A’disiku ’ba ondua kokoru ’diyi ma oguta ovu ekile eja ocirurini ofile imvu ma etiarile; e’yo ’diri indi eri e’yo tokoru.
7 #
Efu 23:8
Ada afa pazu okposiri fe ’ba onduaruni azazu ondua kokoruni, afa ’ba ti razuri ja e’yo vaza ma dri ra.
8 #
O’be 14:29
Afa ma asiza aga e’dozaniri ra; ’ba asi teza beri aga ’ba asi afururi ra,
9 #
Yak 1:19; O’be 16:32 Mi fe mi asini ovuzu adrasi mbele mbele ku, adrani ovule ’ba ondua kokoru ’diyi ma agatiarisi.
10Mi ma ’yo kini, O’du drio ’diyi onyiru aga o’du curu’do ’diyi ra a’disi ya? ’dinini ku, mini e’yo ’diri zile onduasi kurisi.
11Ondua ma onyi si i awuruso ma onyile, ada, eri onyiru aga tu ’ba etu ndrepi ’diyi dri.
12Te onduani ’ba ta mba ekile lonyini ’ba ta mbalerile; te nita ovu onyiru e’yo ’disi aga ra, erini ’ba endua beri ma idri ta mbalerisi.
13 #
Isa 14:27
Mi ega azi Munguni; a’di eco afa Munguni edele goligoliru ’bori otuzu kililiruni ya
14O’du afani efuzu trerisi mi ma ovu ayikosi, te o’du ocokonisi mi ega e’yoni; Mungu oti o’du ’diyi iri tro oti oti, ’ba ma eco ani e’yo ngapi ovupi eri vutiari ndazu nizu ku beni.
15 #
Ekl 8:14
Ma ndre e’yo ’diyi dria o’du e’yo mani tokoru ’diyinisi; ’ba kililiru indi dri japi e’yo kililiru ini ma aliari, azini ’ba onzi vini indi i ma idri ta mbapi 0’du izu azi onzi inisiri, 16#O’be 25:16; Fil 3:6; Rum 12:3Mi ma ovu onyiru aga, tu ku, mi ma ovu onduaru aga ku indi; mi le mi ngulupi dri ja a’disi ya? 17#Yob 15:32Mi ma ovu onzirikanyaru tu ku, azini mi ma ovu onduai kokoru ku indi; mi le dra de nga: ewu mini cani ku a’disi ya? 18Eri onyiru mi ma bi e’yo ’dini ra, ada mi ma nze mi dri e’yo ’dari ma aliasi, ku; a’disiku ’ba Mungu rupiri nga efu e’yo ’diyi ma aliasi dria.
19Ondua eri okpo fe ’ba ondua-E runi aga ’ba ’ba dri cepi akua mudri. li ’diyi ra.
20 #
1 Opi 8:46; 2 Sur 6:36; O’be 20:9; Rum 3:23; Gal 3:22; 1 Yoh 1:8 Ada, ’ba kililiru nyakua e’yo! onyiru ’yepi e’yo ezapi kuni yo.
21Azini indi, mi ma ’ba mi asi e’yo dria ’bani ’yoleri ma dria ku, mi kazu ati’bo mini emu erini mi otriria ku; 22a’disiku mi ni mi asia kini pale kakau mi otri ’bai azini alu indi.
23Ma o’bi e’yo ’diyi onduasi; ma ’yo ra, Ma nga onduaru; te eri ovo ma vu ziri 24#Azi 30:11-14; Yob 11:12; Zab 36:6; Isa 55:8, 9; Rum 11:33; 1 Tim 6:16Afa ovupi ziri aliru ruri, a’dini eco eri isuzaruni? 25Ma oja ma ra, ma imba ma asi e’yo nizu, e’yo ndazu, ondua pi ndruzu e’yo ndu ndu ma efi be nizu kini e’yo onzi eri e’yo ondua kokoroni, azini e’yo ondua kokoruri eri e’yo azazaruni. 26Te ma isu afa azini aga drata okangaliri ra, ada, eri okuni asini ovuzu kuruso pile emba beri, eri ma dri anzirikeleri’i; ’ba ayiko fepi Mungu driri nga apa erisini, re eri nga ’ba e’yo onzi ’yepiri bi ci. 27Mi ndre, ma isu e’yo ’diri ra, ’Ba e’yo olupiri ’yo ra, mani e’yo alu o’biria e’yo aziniri be, 28kalafe ma: asisileni ndale nga ’dani te mani isule nga kuri ndaria. Ma isu ’ba alu ’ba alifu alu ma eselia, te ’ba ’diyi ma eselia dria ma isuni oku ku. 29#E’do 1:27Mi ndre, ma isu kiri e’yo ’diri: Mungu ’ba ndra ’ba ovuzu kililiruni, te ’ba yi ndru e’yo lokiriru karakarau ’diyini.
Bible in Lugbara © United Bible Societies, 1966.