Azita Amvizu 34

Musani drazuri

1 # Yos 19:40-48; Lip 18:28 Musa nga di tu engazu angu senderu Moabuariasi cazu oni Neboa, tuzu Pisiga i otipi Yeriko beri ma dri mbiliria. Te Yehova nga di angu Gileadiari ece eri dri dria cazu Dania, 2#Efu 23:31; Kal 34:6; Azi 11:24; Yos 15:12angu dria Nafutali driri pie, angu Efiraimu pini Manase beri pie, angu dria Yudaniri pie, cazu miri etuni ’derialeruria, 3#Lip 1:16; 3:13; 2 Sur 28:15angu Uruleruria pie, angu Dala a’bu Yeriko aku itu pati beriariari pie, cazu kpere Zoaria. 4#E’do 12:7; 26:3; 28:13Te Yehova ’yo eri tia kini, ’Diri angu mani ndra oyoni sole Iburahimu pi ma tia, Isaka pie, Yakobo pieri, kini, Ma nga eri fe ori mini dri. Ma fe di mini eri ndrezu mi milesi ’do, te mi ngani zo ’aa’dale ku. 5#Azi 32:50; Yos 1:1, 2; Mal 4:4’Dini Musa ati’bo Yehovani nga di dra ’daa angu ,Moabuaria, ekile e’yo Yehovani ’yolerile. 6#Yud 1:9Sa eri a’bu angu Moabuaria, pari i otipi Beti-peori beria; te ’ba aluni nini nyadriniri ngoa yari ku ecazu kpere andru. 7#Azi 31:2; E’do 27:1; 48:10; Yos 14:10De ndra Musa ma eli ca turu alu drini kali iri erini drazurisi; mileni asani ndra ku, eri ma rua ma okpo deni ndra vini i ku indi. 8#E’do 50:3; Kal 20:29; 1 Sam 25:1; Isa 57:1; ’Yeta 8:2Anzi Israelini ’diyi ri awu wu Musasi angu senderu Moabuaria o’du kali na ’dipi; vutinia o’du ’bani awu wuzu azini lulu gazu Musasi ’diyi nga di yi de ndo.

9 # Efu 31:3; Kal 11:17; 1 Opi 9:12; Isa 11:2; Dan 6:3; Kal 27:18 Te Yosua Nuni mvi ga tre orindi onduanirisi, a’disiku isu Musa ti i ma dri eri ma dria ’bo; anzi Israelini nga di yi ma bile co eri vu, nga ’ye vini ekile Yehovani azile Musa ma tiarile. 10#Efu 33:11; Azi 18:15, 18; Kal 12:6; Azi 5:4Nabi azini engapi Israeli ma eselia Yehova pini yi nizu eri be milia milia Musaleni nga yo; 11’ba azini eceta dria ecepi erileni yo, tali osutaru dria ’diyi pie, Yehovani ani eri ti pezu ’yezu angu Misiriari ma alia, Farau pi ma ruaa, ati’ba erini be, angu erini ma alia dria, 12dri okporuri pie dria, ’yeta dria ambo uriuriru Musani ’yele Israeli dria ma milia, ’diyi pie dria.

Currently Selected:

Azita Amvizu 34: LB66

Highlight

Copy

Compare