2 Timoteo 3

Adriza ’bani ewu asizurisiri

1 # 1 Tim 4:1 Te mi ma ni e’yo ’diri kini o’du vile ’diyisi ewu ewaruri nga eca ra. 2#Rum 1:29Te ’ba yi nga yi ngulupi le, yi nga yi asi ’ba silingi ma dria, yi nga yi ngulupi ma e’yo inzi, yi nga ovu asi afuru be, o’data o’dazu, ’ba yi tipi ’diyi ma e’yo erizu ku, awa’difo kokoru, alatara kokoru, 3yi nga ovu ’ba leta be yi ma asia yo ’diyi, ’ba omba kupi ku ’diyi, ’ba asuru ’diyi, ’ba nipi yi dri sipi e’yosi ku ’diyi, ’ba adraru, ’ba e’yo onyiru lepi ku ’diyi, 4#Fil 3:19’ba ’ba o’di nyapi ’diyi, ’ba e’yo ’yepi singiriru ’diyi, ’ba yi ipipi afusi ’diyi, ’ba ayiko ruani lepi aga leta yini Mungu lezuri ra ’diyi; 5#Mat 7:15, 21; Rum 2:20; Tit 1:16yi ovu eceta adriza ’bani ani Mungu inzizurini be ci, re yi ga okpo eriniri si. Mi ona mi yisi ra. 6#Mat 23:14; Tit 1:11’Ba awa’dini ’diyi ma azi adri fi jo ma alia, okua saaru gapi e’yo onzisi tre, li ndu nduni ojileni ’diyi obizu yiniru; 7#2 Tim 2:25oku ’dini ’diyi adri e’yo oni o’du dria, te econi yini ecazaru nita e’yo adaniri nizu ku. 8#Efu 7:11, 22; 1 Tim 6:5; 1:12Ekile Yane pini Musa ma dri arule agatasi Yambere berile, ’dinile yi’i indi yi agata ga e’yo adari ogazu; yi ’ba yi ma asisileni yi ezazu ’bo, dri fupi a’ita nderi ma e’yosi ku ’diyi; 9te yi ngani aga drile ku, a’disiku aza yini nga i le’da ’ba dria ma milia, ekile ’ba i’dayinirini ndra i e’dalerile.

Eyo Pauloni azile Timoteo dri asizuri

10Te mi obi imbata mani pi ma vuti ’bo, adriza pie, e’yo mani ndrule ’yeleri pie, a’ita pie, asi e’yereri pie, leta avasiri pie, asi teza pie, 11#’Yeta 13:14-52; 14:1-20; Zab 34:19inzata pie, candi pie; mi ni e’yo ecapi ma ruaa. Antiokiaa, koniaa, Lusiteraa ’diyi pie dria; ma a’i inzata ’diyi asi tezasi; te Opi pa ma yi ma alia dria. 12#Mat 16:24; ’Yeta 14:22Adaru, ’ba dria lepi acipi onyiru Kristo Yesu ma alia ’diyi nga inzata isu ra, 13#1 Tim 4:1te ’ba onzi azini ’ba inzoru ’diyi nga aga drile drile e’yo onzi ma alia, yini ’ba iciria, azini ’bani yi iciria indi. 14#2 Tim 2:2Te mi’i, mi ma ovu e’yo mini erile ’bo azini mini nile mi asia ’bo ’diyi ma alia ’dani, mini ’ba mi imbapiri a’di’i yari nile rarisi; 15#Yoh 5:39; Zab 119:99azini kini engazu mini ndra ovuria mvaru mi ni e’yo siza alatararu ecopi mi ’bazaru onduaru pata isuzu a’ita ovupi Kristo Yesu ma aliarisiri ra. 16#2 Pet 1:19-21; Rum 15:4E’yo siza dria efu Munguni i ma ava vule driniarisi, eri ovu orodriru imbatasi, egazu ’ba ma dria yi ma e’yo onzi ecezu, ’ba otuzu kililiru, azini imbata e’yo kililiruri imbazurisi, 17#1 Tim 6:11’dini ’ba Munguniri ma ovu ani edezaru ovuzu ngonde afa dria be fudri ci, erini ani ’yeta onyiru ’yezu dria.

Currently Selected:

2 Timoteo 3: LB66

Highlight

Copy

Compare