2 'Ba Tesalonikia 'Diyi 3
3
Emi zi Mungu ama dri
1 #
Kol 4:3; 1 Tes 5:25 E’yo acepiri ’di, adripi, emi ma zi Mungu ama dri, e’yo oluza Opini ma idri i ani drile drile mbele, ma ovu inzizaru ekile emi eseliarile, 2azini Mungu ma ari ama ani ’ba e’yo ’yepi saaru ’diyi pi ma dria ’ba asi onzi be ’diyi pie; a’disiku ’ba dria ovuni a’ita be ku. 3#1 Tes 5:24Te Opini asi adaru be, emi ’bazu okporu, emi egei tezu ’ba onziri dri. 4#1 Tes 4:10; Gal 5:10; 2 Kor 7:16Ama ’ba ama asi Opi ma dria e’yo eminisi ’bo, nizu kini emi e’yo amani azile emi tia ’diyi ’ye, azini emi nga yi ’ye ’dani. 5Opi ma ce asi emini ma dri kililiru leta emini Mung lezuri ma alia, cazu asi teza Kristoniri vu.
’Ba dria ma nga azi
6 #
Mat 18:17; Rum 16:17; 1 Tes 5:14; 4:1 Ama azi di emi tia, adripi, Opi amani Yesu Kristo ma rusi, kini emi ma ona emi adripi dria alu alu acipi saaru, e’yo amani idrile emi vu emini a’ile ’diyi ma vuti bipi ku ’diyisi. 7#1 Tes 2:1; 1:6Emi ma ngulupi ni geri onyiru emini te ngazu ovuzu amaleri; a’disiku ama acini ndra emi eselia saaru ku, 8#1 Kor 4:12; Fil 3:17; 1 Tes 2:9te ama nyani ’ba azini ma nyaka tokoru aluni ku, te ama inza ama azi okporusi azi ngazu ini be etu be, e’yo amani ma fe ’ba aluni emi eseliarini andezu ku. 9#Mat 10:10; 1 Kor 4:16; 1 Tes 1:6, 7Ovuni kini ama ovuni okpo be ’yezu ’dinile ku, ’dinirii ku, te ama le ama ma ngulupi ’bazu ecetaru emi dri, emini ani ’yezu amani ’yelerile beni. 10#E’do 3:19; 1 Tes 3:4; 4:11Amani ndra nga ovuria emi be indi, ama azi e’yo ’diri emi tia, kini: Agu ka le azi nga ku, ma nya nyari ku indi. 11#1 Tes 5:14Ama eri kini ’ba azini emi eselia acipi saaru ’diyi indi, te yi ovuouru, ngani azi aluni ku, te yi ri e’yo osu ’ba ma eselia. 12#1 Tes 4:11Te ama e’yo azi ’ba ’dinile ’diyi ma ria, matu ’bazu yi vu Opi Yesu Kristo ma alia, yi ma nga azi asi e’yeresi, yi ma nya nyaka yi ma ngulupiniri’i. 13#Gal 6:9Te adripi, emi ma ande e’yo ’yaa onyirisi ku.
14 #
1 Kor 5:9, 11 ’Sa azini ka e’yo amani ’yole waraga ’diri ma aliari eri ku, emi ma ovu mile be agu nderisi, emi eci emi,eri be ku, eri ma ovu ani drinzasi beni. 15#1 Tes 5:13, 14Te emi ma ’ba eri ari’boru ’dini ku, emi ma imba eri adripile.
Yeta anzutiri
16 #
1 Tes 5:23
Curu’do Opi asi anzuruniri ma ngulupi ma fe asi anzuru emi dri o’du dria geri driasi. Opi ma ovu emi be dria.
17 #
1 Kor 16:21
Ma’i Paulo, ma si zita emi zizu ci ci ’diri ma drisi ma’i. ’Di eceta mani sile waraga mani ’diyi ma alia driari; ma adri si ’dini, 18’Yeta anzutiri Opi amani Yesu Kristoniri ma ovu emi be dria.
Currently Selected:
2 'Ba Tesalonikia 'Diyi 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
