2 Samueli 9
9
Daudi ma asini ndrizu Mefiboseti vuri
1 #
1 Sam 20:15-17; 18:3; O’be 27:10 Daudi nga ’yo kini, ’Ba alu ori’ba Sauloni ma eselia ace nga ra ya, ’dini ma eco asi ndriza ecezu eri vu Yonatani ma e’yosi? 2#2 Sam 16:1; 19:17Te ati’bo alu ovu Saulo ma joa, runi Ziba’i, te yi omve eri Daudi vu; opi zi eri tia, Mi Ziba’i ya? Eri ’yo eri tia, Ati’bo miniri eri’i. 3#2 Sam 4:4; Azi 10:15; 1 Sam 20:14; Mat 5:44, 45; Luk 6:36; Tit 3:3, 4Opi nga ’yo, ’Ba azini aceni nga ori’ba Sauloni ma eselia ku ya, ’dini ma eco asi ndriza Munguni ece eri vu? Ziba nga ’yo opi tia, Ace nga mva Yonatanini alu; pa emi acozaru. 4#2 Sam 17:27Opi ’yo eri tia, Eri ngoa ya? Te Ziba nga ’yo opi tia, Mi ne, eri ovu Makiri Amieli mvi vile joa Lo-debaria. 5Opi Daudi nga di ’ba ti pe eri ejizu engazu Makiri Amieli mvi vile joa Lodebariarisi. 6Te Mefiboseti Yonatani Saulo mvi ma mvi, eca Daudi vu, eco i va, su mile ini va nyakua, inzita fezu. Te Daudi ’yo, Mefiboseti! Eri omvi e’yo, Mi ne, ati’bo miniri ’do. 7#E’do 43:18, 23; 50:21; 1 Sam 12:19-24; Yer 52:33Daudi ’yo eri tia, Mi ru ku; te ma nga asi ndriza ece mi dri mi ati Yonatani ma e’yosi, ma nga angu dria ndra mi a’bi Sauloni ’diyi omvi mi dri; te mi nga nyaka nya mesa mani ma tia ’dani ’dani. 8#1 Sam 24:14; 2 Sam 16:9Eri fe inzita, kini, Ati’bo miniri a’dini, ’dini mini oce draza maleri nezu ya? 9#2 Sam 16:4; 19:29; Isa 32:8Vutinia opi nga Ziba ati’bo Sauloni omve, ’yo eri tia, Afa dria ndra ovupi Sauloni ori’ba erini ’diyi be driari, ma fe eri opi mini ma mvi dri. 10#2 Sam 19:17Te mi’i, anzi mini pie, ati’ba mini pie, emi nga amvu ’ya eri dri, emi nga afa amvuari eji, ’dini opi mini ma mvini ma ovu nyaka be, nyazaru; te Mefiboseti opi mini ma mvini nga nyaka nya mesa mani ma tia ’dani. Te Ziba ovu agupianzi be mudri drini towi, azini ati’ba be kali iri, 11#2 Sam 16:1-4; 19:24-30; O’be 12:17Ziba nga ’yo opi tia, Ati’bo minini nga ’ye dria ekile opi manini azile ati’bo erini tiarile. Te opi ’yo, Mefibosetini nga nya mesa mani ma tia ekile anzi mani ma azile, 12#1 Sur 8:34Te Mefiboseti ma mvi karilaururi indi, runi Mika’i. Te ’ba dria Ziba ma joa ’diyi ovu Mefiboseti ma ati’baru. 13#2 Sam 19:33, 36; 2 Opi 25:29; Yer 52:33, 34’Dini Mefiboseti ovu Yerusalemua; te eri nya ’dani mesa opini ma tia. Te eri ma pa aco iri tro.
Currently Selected:
2 Samueli 9: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
