2 Samueli 4

Isibosetini fuzuri

1Isiboseti Saulo mvi ka eri Abineri dra Hebironia, dri erini aka ra, azini Israeli dria ovu urisi. 2#Yos 9:17; 18:25Te Isiboseti Saulo mvi ovu ’ba iri ovupi ambo asikari ongulumuru drilia ’diyi be; aluri ma ru Baana’i, iriri ma ru Rekabu’i yi anzi Rimoni agu Beerotia, suru Benyaminini vileri (a’disiku Beeroti yi la eri Benyaminiri; 3#Neh 11:33’ba Beerotia ’diyi apa ndra Gitaimua, yi ovu ani’baru ’dale ecazu kpere andru). 4#2 Sam 9:3; 1 Sam 29:1; 1 Sur 8:34Te Yonatani Saulo mvi ovu mva pa acozaruri be. Eli erini ovu towi e’yo kuza Saulo pini Yonatani beri ka efu Yezireeliasi; endria ’du eri, apa ra; eri eca ’dini, erini aparia ongusi, mva ’de va, pa erini aco ani. Ru erini Mefiboseti’i.

5Te Rimoni ’ba Beerotiari ma anzipi, yi Rekabu pi Baana be, yi mu, yi ca ekile etuni dri okporuria Isiboseti vile joa, erini ava liria etu agaduaria. 6#Lip 5:25; Zab 147:14; 2 Sam 2:23; 3:27Yi fi jo ’a’alesi ekile yini lezu nganu ’duzurile; te yi so eri alia; Rekabu pi adri Baana be yi apa ra, 7#1 Sam 17:54; 31:9; Mat 14:11Te yini firia joa, erini laria gbolo dria jo erini lazuri ma alia, yi co eri, fu eri ra, li eri ma dri ra, yi ’du dri erini mu geri Arabaasi ini be rra. 8#1 Sam 19:2; 23:15; 25:29Yi ji Isiboseti ma dri Daudi vu, Hebironia, ’yo opi tia kini, Mi ne, Isiboseti Saulo mvi ari’bo mini, ndrupi mi fupiri ma dri ’di; andru Yehova ofe avuari Saulo pini ori’ba erini be opi mani inzile opi ambori vu. 9#E’do 48:16; 1 Opi 1:29; Zab 31:7; 103:4; 106:10Te Daudi omvi e’yo Rekabu pi ma tia adri Baana be, yi anzi Rimoni agu Beerotiari vile ’diyi, ’yo yi tia kini, Ekile Yehova orindi mani papi candi dria ma eseliarini ovule idrirurile, 10#2 Sam 1:1-16’ba alu ka ece ndra ma tia, ’yozu kini, Mi ne, fu Sauloni, dra ’bo, yini egaria yi eji e’yo kuza onyiru, ma bi eri, fu eri Zikilagia; ’di ovu afa mani fele eri dri erini e’yo kuza ejilerisiri’i. 11#E’do 9:5, 6Agapiri, ’ba onzi ka ’ba onyiru fu gbolo erini ma dria jo erini alia, ma ngani avuari ofe emi dri, emi inizu nyakuasi ku ya? 12#2 Sam 3:32Te Daudi nga azita fe karile erini ’diyi dri, yi fu yi ra, oli yi ma dri pa pie, o’i yi yi alio Hebironiari ma tia. Te yi ’du Isiboseti ma dri, sa eri Hebironia Abineri ma nyadria.

Currently Selected:

2 Samueli 4: LB66

Highlight

Copy

Compare