2 Samueli 17

E’yo amaza Ahitofeli pini Husai beri

1Ahitofeli ’yo vini Abisalomu tia kini, Mi fe ma ma ope ’ba alifu mudri drini iri curu’do, ma nga enga Daudi ma vuti drozu ini ’dorisi. 2#Azi 25:18; 2 Sam 16:14; 1 Opi 22:31; Yoh 11:50; Zek 13:7; Mat 21:38Ma nga adi eri ma dria pari erini anderia de dri erinirini akazu ’boria, te ma nga uri fe eri dri; ’ba dria ovupi eri be ’diyi nga apa ra. Ma nga kiri opini fu’i a’dule, 3#Yer 6:14te ma nga ’ba dria omvi mi vu dika; ’ba mini ndale fuleri ovu ekile yi emvi mi vu dria ’borile, ’dini ’ba dria nga ovu asi anzuru be. 4E’yo amaza nderi ovu onyiru tu ’Abisalomu pi ma milia, ’ba ’wara Israelini ’diyi be. 5’Di ma vutia, Abisalomu nga ’yo, Emi omve nga Husai ’ba Arikiari, ama ma eri nga e’yo erini ’yoleri indi. 6Te Husai ka eca Abisalomu vu, Abisalomu ’yo eri tia, Ahitofeli ’yo ’dini; onyiru ama ma ’ye ekile erini ’yolerile ra ya? Ka’dini yo, mi ma ’yo. 7Husai nga di ’yo Abisalomu tia kini, E’yo amaza Ahitofelini fele ’do ovuni onyiru ku. 8#Lip 18:25; Hos 13:8Husai ’yo vini kini, Mi ni mi ati pi ’ba erini be, yi ovu ’ba okporu, azini aoko nya yi asi ekile aokoni nguru dubaru ma asi nyale ’bani anzi erini o’dule asearisirile. Te mi atini ovu ’ba ombaouni, eri ngani la ’ba azini ’diyi ma eselia ku. 9Mi ne, curu’do zi i ’bile alia, kani pari azinia ’bo. Eri nga eca ’dini, ’ba azini ka nga ’de va oko, ’ba e’yo nderi eripiri nga ’yo, Ofu ’ba Abisalomu ma vuti bipi ’diyi ma azi. 10Te ’ba ka ovu asi be ombaru kaminirile ti, eri nga aka urisi; a’disiku Israeli dria yi ni mi ati ovu ’ba okporuni, azini ’ba eri be ’diyi ovu ’ba uri kokoru ’diyi. 11#E’do 22:17Te ma ’yo ’di, mi oku Israeli dria mi vu engazu Dania cazu Beerisebaa, kakau ekile cinya miri tiarile, te mi ngulupi ma mu a’dia. 12’Dini ama nga mu ca eri vu pari azini ’bani ecozu eri isuzuria, ama nga adi eri dria ekile andralini lule nyakuarile; te eri pi ma eselia ’ba ovupi eri be ’diyi be, ama ngani ’ba aluni ku idriru ku. 13Eri ka nga i se vile fizu aku alia, ka’dini Israeli dria nga emu baka ejizu aku nderia, ama nga aku nde se yi raza alia, ’dale ’ba ngani oniefi aluni acepini isu ku. 14#2 Sam 15:31, 34; Zab 9:15Te Abisalomu pi ’ba Israelini ’diyi be dria nga ’yo kini, E’yo amaza Husai ’ba Arikiarini ovu onyiru aga e’yo amaza Ahitofeliniri ra. A’disiku Yehova pe e’yo amaza Ahitofeliniri ’bazu tokoru, ’dini Yehova ma eji candi Abisalomu ma dria. 15Te Husai nga ’yo kuhani Zadoki pi ma tia Abiatari be, Ahitofeli ama e’yo Abisalomu pi dri ’ba ’wara Israelini ’diyi be ’dini ’dini; te ma ama mani ’dini ’dini. 16E’yo ’disi curu’do mi pe ’ba ti mbele ’yozu Daudi tia kini, Ini ’dosi mi la pari ’bani zozu roko driaria ku, te mi ma ece ku zozu; opi pi ’ba dria ovupi eri be ’diyi kazu dri jazu ku. 17#2 Sam 15:27, 36; Yos 2:4; 15:7; 1 Opi 1:9Te Yonatani pi Ahimaazi be yi awu te Eni-rogelia; zamva ati’boru adri mu e’yo ’yo yi be, yi adri mu e’yo olu opi Daudi ma tia beni; a’disiku yi ma e’da yini efiria aku alia ku. 18#2 Sam 3:16; 16:5Te agupimva alu ne yi ra, ’yo Abisalomu tia; te yi enga iri tro mbele, yi eca agu Bahurimua ovupi yi ’bile be iriidri eriniari vile joa; yi si va alenia. 19#Yos 2:6Te oku nderi a’bu ’bile nderi ma ti ci, eri aja anya drinia; te ’ba aluni nini e’yo nderi ku. 20#Efu 1:19; Yos 2:4; 1 Sam 19:14-17; 21:2Ati’ba Abisalomuni ’diyi ka eca oku nderi vu joa ’bo, yi ’yo kini, Ahimaazi pi Yonatani be ngoa ya? Te oku ’yo yi tia kini, Yi zo yi tia ’aa’dasi ’bo Te yini yi ndaria ’boria, yi isuni yi ku, yi mvi Yerusalemua. 21Eri eca ’dini yini muzu ’boria, agupi ’diyi tu engazu ’bile yiniri ma aliasi, yi mu e’yo olu opi Daudi ma tia. Yi ’yo Daudi ma tia kini, Mi enga, mi zo yi mbele; a’disiku Ahitofeli fe e’yo amaza mi dri aruzu ’dini ’dini. 22’Di ma vutia Daudi enga, ’ba dria ovupi eri be ’diyi be, yi zo Yoridanini, etuni ’baria efuria ’ba aluni acepi zokokoruni yo.

23 # 2 Sam 15:12; 2 Opi 20:1; 1 Sam 31:4, 5; Zab 55:23; Yob 31:3; Mat 27:5 Te Ahitofeli ka ne yi ’yeni e’yo emi amaleri ku, eri ede enyi akanya erini ma dria, eri nga, mu i vile joa aku inia. Eri azi e’yo i vilea ’diyi dria kilili, eri ti i bakasi; dra ra, yi sa eri nyadri i ati vileri alia. 24#E’do 32:2; Yos 13:26; 2 Sam 2:8’Di ma vutia Daudi mu Mahanaimua. Te Abisalomu zo Yoridanini, eri’i ’ba dria Israelini ’diyi be. 25Te Abisalomu ’ba Amasani ovuzu asikari ongulumuru ma drilia Yoabu ma paria. Amasa ovu agu alu omvele Itira’i ’ba Israelini, Abigaili Nahasi zi jepi oku iniruri ma mvi, Abigaili nde eri Zeruiya Yoabu andri ma amvi. 26Te Israeli pi Abisalomu be yi aso hema yini angu Gileadiaria. 27#1 Sam 11:1; 2 Sam 10:1; 12:30; Ezr 2:61; 2 Sam 9:4; 19:31, 32; 1 Opi 2:7Daudini ecaria Mahanaimua, Sobi Nahasi mvi engapi Raba ’ba Amoniniriari pi eca, Makiri Amieli mvi engapi Lo-debariari pie, Barizilai ’ba Gileadiari engapi Rogelimuari pie, 28#1 Sam 25:18; O’be 11:25; Mat 5:7yi eji gbolo pi, awala pie, imvu pie, nganu pie, anya azini pie, anyafura agaruri pie, anya osiza pie, loko’di pie, akarafi pie, 29#Azi 15:7; Lip 8:4-6; Zab 34:8-10; O’be 21:26; Ekl 11:1; Isa 58:7-12; Luk 6:30-36; Rum 12:13anyu pi, buta pie, kabilo pie, lesu ombaza pie, yi eji afa ’diyi nyazaru Daudi pi dri ’ba ovupi eri be ’diyi pie dria; a’disiku yi ’yo, ’Ba nde ’diyi yi ovu abirisi, azini andezaru, azini yi avijosi roko dria.

Currently Selected:

2 Samueli 17: LB66

Highlight

Copy

Compare