2 Samueli 15

Abisalomuni mbuzu Daudi ma ruaasi amveri

1 # 2 Sam 12:11; 1 Opi 1:5; O’be 11:2; 16:18 ’Di ma vutia eri eca ’dini. Abisalomu ede i ngulupi dri gari pi, akanya pie, ’ba kali towi nzupi eri drilia ’diyi pie. 2#O’be 1:16Te Abisalomuni adri enga o’biti kula kula, muzu pa sozu geri tia kalitilia; ’ba azini ka ovu e’yo erini lele opi ma li rari be, Abisalomuni adri eri omve, ’yozu kini, Mi aku ngoa ya? Eri ka ’yo, Ati’bo mini enga suruti alu Israeliniri eselia, 3#O’be 12:2Abisalomuni adri ’yo eri tia kini, Mi ne, e’yo miniri ovu onyiru azini kililiru; te ’ba opini pele e’yo mini erizuri aluni yo. 4#Lip 9:29Abisalomu ’yo vini kini, ’Ba ka ma ’ba e’yo lizu angu ’dori ma alia fo! ’Dini ’ba dria, ka ovu e’yo erini lele ’ba ma li rari be, kani ka ovu e’yo liza be ’diyi, yi eco te emuzu ma vu, ma eco te e’yo yini lizu kililiru ani. 5#Zab 12:2Eri eca ’dini, ’ba ngo ngori ka eca inzita fezu eri dri, eri adri dri ini eju eri vu eri bizu, eri zizu o’bolo ndruzasi. 6#Rum 16:18Abisalomu ’ye ’dini ’ba dria Israelini ecapi e’yo liza be yi dria opi vu ’diyi vu; ’dini Abisalomu ese ’ba Israelini ma asi i vu.

7 # 2 Sam 2:1 Eri eca ’dini, eli su ma vutia, Abisalomu nga ’yo opi tia kini, Ma matu ’ba mi vu, mi fe ma ma mu Hebironia oyo mani sole Yehova vuri edezu. 8#1 Sam 16:2; E’do 28:20; 1 Sam 1:11; Zab 56:12; 2 Sam 13:38; 14:23, 32A’disiku ati’bo mini so ndra oyo mani ovuria Gesuri Suriaria ’yozu, Yehova ka nga ma omvi dika Yerusalemua ada, ka’dini ma nga azi nga eri dri. 9Te opi nga ’yo eri tia, Mi mu asi anzuru be. ’Dini eri enga ra, mu Hebironia. 10Abisalomu nga ’ba ti pe ndindiru suruti Israelini ma eseliasi dria, ’yozu, Emi ka guka awu eri ra, emi ma ’yo, Abisalomuni di opiru Hebironiani. 11#1 Sam 9:13; 16:3, 5; E’do 20:5; O’be 14:15; Mat 10:16; Rum 16:18, 19’Ba turu iri erini omvele ’diyi fu mu Abisalomu be Yerusalemuasi; yi mu aniakosi, nini e’yo nderi ku. 12#Zab 41:9; 55:12; Mik 7:5, 6; Yos 15:51; Zab 3:1; 43:12Te Abisalomuni edeta ederia eri pe ’ba ti Ahitofeli ’ba Giloa e’yo amapi Daudiniri omvezu engazu aku erini Giloaria. Te e’yo otuleri eca okporu to, ’ba Abisalomu be ’diyi yi ezu ’dani.

13 # Lip 9:3 Te ojio nga eca Daudi vu ’yozu, ’Ba Israelini ma asi ovu Abisalomu vusi. 14#2 Sam 19:9Daudi nga ’yo lati’ba erini ovupi Yerusalemua ’diyi ma tia dria, kini, Ama enga, ama apa; ika’dini yo ama aluni ngani ama pa ,Abisalomu ma dria ku; ama mu mbele, eri kazu ama isuzu mbele ku, eri kazu e’yo onzi ejizu ama dria ku, Zu aku ogazu sei sisi ku. 15Ati ’ba opini ’diyi nga ’yo opi tia kini, Mi ne, ati’ba mini ovu ngonde e’yo ngoni ngori opi mani amborurini ngale peleri ’yezu. 16#2 Sam 12:11; 16:21; 20:3’Dini opi fu, ’ba dria i vile joa ’diyi be i vutia. Te opi ku oku ati’baru mudri ’diyi jo ma ta mbazu. 17Te opi fu ra, ’ba dria bi vutini; yi te Beti-merihakia. 18#2 Sam 8:18Te ati’ba erini dria aga eri ma ageiasi; ’ba Kereria ’diyi dria, ’ba Peletia ’diyi pie dria, ’ba Gitia eri vuti bipi engazu Gatua turu azia ’diyi pie dria, yi aga cazu opi ma drilia.

19 # 2 Sam 18:2 Te opi nga ’yo Itai ’ba Gitiari tia kini, Mi mu ama be a’di e’yosi ya? Mi mvi, mi ovu opi be; a’disiku mi ovu ani’boni, ’ba ofule angu eriniasiri’i indi; mi mvi angu minia. 20#1 Sam 23:13Mi eca kiri aje, onyiru ma ma bi mi andru acizu abazaru ’dole ’dale ama be ra ya? Te ma nini ma nga mu pari ngoa yari ku. Mi mvi, mi emvi mi adripi yi indi; yiki pi e’yo adani be ma ovu mi be. 21#Rut 1:16; 1 Sam 20:3; 2 Opi 2:2-6; O’be 17:17Itai nga e’yo omvi opi tia kini, Ekile Yehovani ovule idrirurile, azini ekile opi mani amborurini ovule idrirurile, adaru pari ngoni ngori opi mani amborurini ovuzuri, kani idrini kani drani ti, ati’bo minini nga ovu pari nderia indi. 22Daudi nga ’yo Itai tia, Mi mu, mi zo. ’Dini Itai ’ba Gitiari, ’ba erini pie dria, anzi nyiri ovupi eri be ’diyi pie dria, nga zo ra, 23#1 Opi 2:37; 2 Sur 30:14; Yoh 18:1; 2 Sam 16:2; Mat 3:1-3Angu nde dria wu o’duko okporusi ’ba dria ’diyini agaria, te opi ngulupi zo yi Kidroni tia indi, te ’ba dria aga mu geri roko driarisi.

24 # Kal 4:15 Te Abiatari tu ra, te mi ne, Zadoki emu indi ’ba Levini ’diyi dria eri be, sanduku aziza Mungunirini ejizu, yi ’ba sanduku aziza Mungunirini va, ecazu ’ba driani fuzu akuasi amve ’bori tezu. 25#Zab 43:3; 2 Sam 6:17Te opi nga ’yo Zadoki tia kini, Mi omvi sanduku aziza Mungunirini akua dika. Ma ka nga asi ndriza isu Yehova ma milia, eri nga ma omvi dika, nga fe ma ma ne sanduku nderi pari erini adrizuri be; 26#Kal 14:8; 2 Sam 22:20; 1 Opi 10:9; 2 Sur 9:8; Isa 62:4; 1 Sam 3:18te eri ka nga ’yo ’dini, E’yo mini ovuni ma milia onyiru ku, mi ne, ma ’do, eri ma ’ye ma vu ekile ovupi onyiru eri ma miliarile. 27#2 Sam 24:11; 1 Sam 9:9Te opi ’yo Vini indi kuhani Zadoki ma tia kini, Mi ovuni ’ba e’yo ndreza ndrepiri’i ku ya? Emi mvi asi anzuru be akua, emi’i emi anzipi iri ’diyi be, mi mvi Ahimaazi pie, azini Abiatari mvi Yonatani pie. 28Mi ne, ma nga te Iroko dria pari ’bani zozuria, e’yo mini ngale ecele ma driri tezu, 29’Dini Zadoki pi Abiatari be ji sanduku aziza Mungunirini Yerusalemua dika; yi ovu ’dale. 30#Zek 14:4; Mat 21:1; Luk 19:20; ’Yeta 1:12; Esi 6:12; Isa 20:2; Yer 14:3; Zab 126:6; Mat 5:4; Rum 12:15Te Daudi tu uru oni Mizeituniri ma dria, awu be erini turia, dri be a’buzaru, pa be pirini indi; ’ba dria alu alu ovupi eri be ’diyi a’bu dri yini ci, yi ji awu wu si yini turia. 31#Zab 3:1; 55:12; 2 Sam 16:23’Ba azini nga ’yo Daudi tia kini, Ahitofeli ovu ’ba e’yo otupi Abisalomu be ’diyi ma eselia. Te Daudi ’yo, Yehova la, ma matu ’ba mi vu, mi oja ondua Ahitofelini e’yo amazuri ma ovu toko fo. 32#2 Sam 1:2; 13:9Eri nga eca ’dini, Daudi ka era oni dri mbili pari ’bani adrizu Mungu inzizuria, mi ne, Husai ’ba Arikiari eca dri fuzu eri be, koti asizaru be, irifura be i dria. 33#2 Sam 19:35Daudi nga ’yo eri tia kini, Mi ka mu ma be ’dani, mi nga ovu ma dri ’teriru. 34Te mi ka mvi akua, mi Ika ’yo Abisalomu tia kini, Ma nga ovu ati’bo miniri fo; ekile mani ovule ati’bo mi atini okorile, ’dini ma nga ovu ati’bo mini curu’do, ’dini mi nga ondua Ahitofelini e’yo amazuri oja, toko ma dri ani. 35Kuhani Zadoki pi Abiatari be yi ovuni mi be ’daa ku ya? ’Dini e’yo ngoni ngori mini erile opi ma joari, mi nga e’yo nde ece kuhani Zadoki pi dri Abiatari be. 36Mi ne, anzipi yini iri ’diyi ovu yi be ’ daa, Ahimaazi Zadoki mvi pi Yonatani Abiatari mvi be; te mi nga e’yo dria mini erile ’diyi ti pe ma vu yi vurisi. 37#2 Sam 16:15, 16; 1 Sur 27:33; O’be 17:17’Dini Daudi agyi ,Busai fi akua, azini Abisalomu fi Yerusalemua.

Currently Selected:

2 Samueli 15: LB66

Highlight

Copy

Compare