2 Samueli 11

Daudi pi Bati-seba be

1 # 1 Sur 20:1 Eri nga eca ’dini, eli azini ka eca ’bo, ewu opini adrizu fuzu a’di ’dizurisi, Daudi pe Yoabu pi ma ti ati’ba erini ’diyi pie, Israeli dria pie; yi ofu Amoni anzi, ace Rabani kuru kuru. Te Daudi awu nga Yerusalemua. 2#Azi 22:8; E’do 34:2; Yob 31:1; Zab 119:37; Mat 5:28Eri nga eca ’dini ondresi, Daudi enga gbolo erini ma driasi, eri aci, jo opiru ma dri senderuria; erini aciria jo dria eri ne okuni rua ojiria; te oku nde ovu ndrizaru tu nezaru. 3#2 Sam 23:29Daudi nga ’ba ti pe oku nderi ma e’yo zizu. Te ’ba alu ’yo, ’Di ovuni Bati-seba, Eliamu zi, oku Uria ’ba Hitini vileri’i ku ya? 4#Efu 20:17; Lev 18:20; 20:10; Ebra 13:4; Yak 1:14; Lev 15:19; 18:19’Dini Daudi pe ojio ti muzu eri ejizu; eri efi eri vu, te Daudi la erisi ra. (De ’ba i alaru ondi inirisi ’bo.) Eri nga mvi i vile joa. 5#Lev 20:10Oku nderi nga ’a isu; nga ’ba ti pe oluzu Daudi tia kini, Ma curu’do mva be alia. 6Te Daudi nga ’ba ti pe Yoabu vu ’yozu kini, Mi epe Uria ’ba Hitini ma ti ma vu. Te Yoabu pe Uria ma ti Daudi vu. 7Uria ka eca eri vu ’bo, Daudi zi Yoabu pi ma e’yo, asikari nde ’diyi be, azini omba ma e’yo, 8#Zab 44:21; 55:21; E’do 18:4; 19:2Te Daudi ’yo Uria ma tia, Mi si va jo minia, mi oji mi pa. Te Uria fu opi ma joasi, te opi pe afa feza ma ti eri vutisi. 9#Yob 5:12-14Te Uria la opi vile jotilia opi eri vileri ma ati’ba ’diyi be dria, eri sini mu jo erinia ku. 10Te yi ka olu Daudi tia kini, Uria sini va jo eriniria ku, Daudi nga ’yo Uria tia kini, Mi sini va jo minia ku a’di e’yosi ya? 11#2 Sam 7:2, 6; 1 Sam 4:4; 2 Sam 20:6; Mat 10:25; 2 Tim 2:3Te Uria nga ’yo Daudi tia kini, Sanduku Munguni pi Israeli pie, Yuda pie, yi ovu boroko alia, te Yoabu ati’ba opi manini ’diyi pie, yi aso hema yini nyamukoa; ka’dini ma ma mu fi jo mania, nyaka nyazu, azini mvuzu, azini lazu oku mani be ya? Ekile mini ovule idrirurile, azini mi orindini ovule idrirurile, ma ngani e’yo ’diyi ’ye ku. 12#Yob 20:12-14; Yer 2:22, 23, 37Te Daudi ’yo Uria tia kini, Mi te ’doa andru, te dru ma nga geri fe mi dri. ’Dini Uria ovu nga Yerusalemua etu nderisi, te dru indi. 13#E’do 9:21, 22; 19:33, 35; Efu 32:21; 1 Opi 20:16-21; O’be 20:1; 23:29-35; Hos 4:11; Gal 5:21Te Daudini eri omveria, eri nya nyaka, eri mvu eri drilia, eri fe eri dri atizu; ondresi eri fu pari erini lazu gbolo erini ma dria ati’ba opi erini vile’diyi eseliaria, te eri sini va jo erinia ku.

14 # 1 Opi 21:8; Zab 19:13; 62:9; Ekl 8:11; Yer 9:1-4; 17:9; Mik 7:3-5 Eri nga eca ’dini, o’bitisi Daudi si waraga Yoabu vu, fezu Uria dri jizu. 15#2 Sam 12:9Eri si wataga nderi alia kini, Mi ’ba Uriani omba okporu agapi rari ma milia, te emi ma se emi eri vusi ra, ’dini yi ma nga eri gbi, leri ma dra ani. 16Te eri nga eca ’dini, Yoabuni teria aku nde ma kalaa, eri ’ba Uriani pari erini nile ’ba ombaru ’diyini ovuzuria. 17’Ba aku ndea ’diyi nga efu a’di ’dizu Yoabu be; asikari azini, adaru ati’ba Daudini ’diyi odra ra; azini Uria ’ba Hitiniri dra indi. 18’Di ma vutia Yoabu pe ’ba ti Daudi vu e’yo omba ndeni ecezu dria. 19Eri fe azita ojio nderi ma tia kini, Mi ka de e’yo omba ndeni ecezu dria opi tia, 20eri nga eca ’dini, opi ka ovu adrasi, te eri ka ’yo mi tia, Emi mu ogogo ’dini a’di ’dizu aku ndea a’di e’yosi ya? Emi nini ndra ku kini ’ba abi kaliru ma dria ’diyi nga emi gbi ya? 21#Lip 9:53; 2 Sam 20:21; Yob 31:3A’di fu ndra Abimeleki Yerubeseti mvinini ya? Oku alu abi kaliru ma driari ’beni oni anya ’izuri eri ma dria, ’dini erini drazu Tebeziani ku ya? A’di e’yosi emi mu ogogo ’dini abi kaliru vu ya? Mi ma nga ’yo kini, Ati’bo mini Uria ’ba Hitiniri dra indi.

22’Dini ojio nde mu ra, eri ca, eri olu Daudi tia e’yo dria Yoabuni eri ti pezu ecezu ’diyi. 23Ojio nde nga ’yo Daudi ma tia kini, ’Ba ’dayi aga ama were, yi efu ama vu nyamukoa; to ama ’di a’di yi be kpere cazu pari ’bani fizu kalitiliaria. 24Te ’ba ’ye gbipi abi kaliru dria ’diyi yi ogbi ati’ba mini; te ati’ba azini opini ’diyi odra ra; ati’bo mini Uria ’ba Hitiniri dra indi. 25’Di ma vutia Daudi nga ’yo ojio ma tia, Mi ’yo Yoabu ma tia ’dini, E’yo nde ma fe candi mi dri ku, a’disiku seini ’ba alu nya ekile erini ’ba azini nyalerile; mi ’di a’di okporu aga ra aku nderi vu, mi aga eri. Mi imba Yoabu ma asi. 26Te oku Uriani ka eri kini agupi erini Uria dra ’bo, eri owu agupi erini. 27#2 Sam 12:9; Yob 10:14; 11:11; Zab 5:4; 45:7; O’be 15:9; Hab 1:13Te ewu candini ka aga ’bo, Daudi nga ’ba ti po eri e’duzu jo inia, eri eca oku eriniru, osi agupimva eri uri. Te e’yo Daudini ’yeleri ovu onzi Yehova ma milia.

Currently Selected:

2 Samueli 11: LB66

Highlight

Copy

Compare