2 Petero 2
2
Nabi inzoru piyi ’ba ’ba imbapi inzoru ’diyi be
1 #
Mat 24:11; 1 Tim 4:1; Azi 13:1; Yud 1:4 Te nabi inzoru enga ndra ’ba ma eselia, ’dinile ’ba ’ba imbapi inzoru ’diyi nga ovu emi eselia indi, ngapi imbata inzoru dri jazaniri ofipi lokirisi ’diyi, kpere yini Opi yi jepiri gazu, yini dri jata mbeleri fezu ecazu yi ma ngulupi ma dria. 2#Isa 52:5Te ’ba kakau nga ’yeta yini onzikanyaru ’diyi ma vuti bi; e’yo yinirisi ’ba yi nga geri e’yo adaruniri o’da o’da. 3#Rum 16:18; 2 Kor 9:5; 1 Tes 2:5Te yini asi ’bale afa ma dria turisi, yi nga emi ’ba afa ozizale, afa yini erezu e’yo ’yoza lokirirurisi; te e’yo lile yi ma driari icini i dri engazu drio ku, dri jaza yini koni o’du ku.
4 #
E’do 6:1; Yud 1:6 Te Mungu ka ndra malaika e’yo ezapi ’diyi ku ku, te ka ndra vini Yi ’be ’bile iniciciru ma alia, yi ta mbazu aruru e’yo liza tezu; 5#E’do 6:1–7:24; 8:18; 2 Pet 3:6eri ka ndra wudrikuru okuri ku toko ku, te mba kiri Noa ’ba e’yo kililiruri olupiri pi ma ta ’ba azini aziri ’diyi be, erini feria yini tizu angu a’buzu ’ba alatara kokoru ’diyi ma dria; 6#E’do 19:24; Yud 1:7eri li ndra vini aku ambo ambo Sodomu pi ma e’yo Gomora be, yi ovezu kieikiei ofutaru, yi dri ja teketeke, yi ’bazu ecetaru ’ba ngapi ovupi alatara kokoru ’diyi dri; 7#E’do 19:1-16eri pa Loti ’ba kililiru i ecandipi tu adriza onzikanyaru ’ba e’yo onzi ’yepi ’diyinisiri ra 8#Eze 9:4(’ba kililiru ’diri, erini adriria yi ma eselia e’yo ndreria azini e’yo eriria, asi erini alaruri i ecandi etuzu etuzu ’yeta yini ’yele azitani lele ku ’diyisi), 9#1 Kor 10:13; Eceza 3:10; Yud 1:6ka’dini Opi ni ’ba Mungu inzipi ’diyi opazu obeta ma alia, ni vini ’ba e’yo onzi ’yepi ’diyi ma ta mbazu e’yo be yi dria, cazu kpere o’du e’yo lizuria; 10#Yud 1:7, 8, 16tuni ’ba acipi e’yo ruani ma vutia li onzikanyaru ’ba ezapiri be, dri ceza anguni ma e’yo edepi ede ’diyi.
’Ba ’dinile ’diyi ovu asi mbaza be, yi ’ye yini lelerile, yi ’yeni urisi ’ba dizaru ’diyi o’dazu ku, 11#Yud 1:9te malaika yi agapi okposi azini okpo e’yo ’yezurisi ra ’diyi esuni yi a’dataasi Mungu vu ku, 12#Yud 1:10Te ’ba ’diyi, ekile anyapa asisile kokoru, otile anyaparu ’bani ani yi obizu yi ofuzu ofu ’diyile, e’yo yini nile kuri o’dapi ’diyi, yi nga vini dri ja indi ’ba ’dayini dri jalerile; 13#Yud 1:12yi nga panga onzi isu yini e’yo onzi ’yelerisi vi ega ’yezu saaru erusiri eri ayikoni. Yi afa ondiru, ezaca drinzaru, ’yezu saaru lokiri yinirisi yini de nyaka nyaria emi be. 14Yi ma mile aci tu ali O’bazasi, yi kuni e’yo onzi ’yezu ku. 15#Kal 22:4-35#Eceza 2:14; Yud 1:11Yi ’ba asi be pa sopi okporu ku ’diyi ewi. Li ’baza afasiri si yi ma asi tu, yini ’yele ’danirisi. Yi anzi tritani! Yi ku geri piriri, yi aba ra; yini Balamu Beori mvi, lepi oya isupi e’yo onzisiri ma geri ma vuti bilerisi, 16#Kal 22:28te ega drinia e’yo onzi erini ’yele ’darisi; akanya ecopi e’yo ’yopi kuri ’yo ndra e’yo o’duko ’banisi, nabi ’nderi ma e’yo azazari ogazu.
17 #
Yud 1:12, 13 ’Ba ’diyi ovu yi a’di yi kokoru ’diyile, yi afurusa akulukuni drolerile; te mba angu bizaru iniciciri ma ta yi tezu. 18#Yud 1:16Te yi e’yo ambo ambo toko toko ’diyi ’yo afusi, yi ’ba yi papi ewasi ’ba abapi aba ’diyi ma dria ’diyi ma bile ewi, li onzikanyaru ruanisi. 19#Yoh 8:34; Rum 6:16Yi azi yi tia yi truzu kuzu ya, de yi ma ngulupini ovuria lati’ba e’yo onzikanyaruni; te ’ba ka ovu ndezaru e’yo azinisi, eri ovu le’Yo nde ma ati’boni, 20#Mat 12:45Te ’ba ka yi pa e’yo alatara kokoru nyakuni ma alia, yini Opi ’Ba ’ba Papiri. Yesu Kristoni nilerisi, te vutinia ka vini yi fe a’i e’yo nde ’diyisi dika, ka ovu ndezaru, e’yo yini vileri oja i onzi aga e’yo yini okori ra. 21#Luk 12:47, 48; Yud 1:3A’disiku yini geri e’yo kililirurini nizu kuri te ndra ovu onyiru yi dri aga yini nizu raka, yini vini yi ojazu vile azita nde alatararu ovupi fezaru yi driri kuzu ndori ra. 22#O’be 26:11Te e’yo ’ye i yi vu trotro ekile e’yo o’beza adaru ’dirile, kini, Oce mvi ogbe ini vu, azini ezoandri ojile ’bori mvi i oguzu orita alia dika.
Bible in Lugbara © United Bible Societies, 1966.