2 Opi 2

Elisani jizu Eliya ma pariari

1 # E’do 5:24; Ebra 11:5; 1 Opi 19:21 Te eri eca ’dini, Yehovani ngazu ’yezu Eliyani ’duzu ’bua olirikosiria, isu Eliya pi mu tualu Elisa be Giligalia. 2#Rut 1:15, 16; 1 Sam 1:26; 2 Opi 4:30Eliya nga ’yo Elisa tia kini, Mi te ’doa, ma zi mi tia; Yehovani ma ti pele muzu kpere Beteliarisi. Te Elisa nga e’yo omvi kini, Ekile Yehovani ovule indirile, azini ekile orindi minini ovule indirile, ma ngani mi ku ku. ’Dini yi mu sizu va Betelia. 3#1 Sam 19:20; 1 Opi 20:35; 2 Opi 4:1, 38; 9:1Nabianzi ovupi Betelia ’diyi, yi efu Elisa vu, ’yo eri tia kini, Mi ni Yehovani nga opi mini nze mi vusi andruri ra ya? Te eri ’yo kini, E, ma ni ra; emi adri ciri. 4Te Eliya nga ’yo eri tia kini, Elisa, mi te ’doa, ma zi mi tia; Yehovani ma ti pele Yerikoarisi. Eri omvi eri tia, Ekile Yehovani ovule indirile, azini ekile orindi minini ovule indirile, ma ngani mi ku ku. Te yi ca Yerikoa. 5Nabianzi ovupi Yerikoa ’diyi yi esi ogogo Elisa vu, ’yo eri tia kini, Mi ni Yehovani nga opi mini nze mi vusi andruri ra ya? Te eri omvi e’yo kini, E, ma ni ra; emi adri ciri.

6Te Eliya nga ’yo eri tia kini, Mi te ’doa, ma zi mi tia; Yehovani ma ti pele Yoridaniarisi. Eri omvi eri tia kini, Ekile Yehovani ovule indirile, azini ekile orindi minini ovule indirile, ma ngani mi ku ku. Te yi iri mu tualu drile. 7’Ba kali towi nabianzi eselia ’diyi mu indi, yi so pa yi ageia re were, yi iri tro ’diyini pa soria Yoridani tia. 8#Efu 14:21; Yos 3:16Te Eliya nga bongo ’beza erini ’du, nga eri tra tualu, nga yi co ani, te yi nga esele co ra, ’dini yi aga yi eseliasi angu angaza driasi. 9#Kal 11:17-25Eri nga eca ’dini, yi ka zo ’bo, Eliya nga ’yo Elisa tia kini, Mi zi ma tia e’yo mini lele ma ma ’ye mi driri oko de nga nzeni ma mi vusi ku. Te Elisa ’yo ra, Mi fe orindi mini ma esele ma dri paleko iri fo. 10#’Yeta 1:10Eri ’yo ra, Mi zi e’yo ewaru; mi ka ma ne mani ovuria nzezaru mi vusiria, eri nga ovu mi dri ’dini; te ka yo, eri ngani ovu ’dini ku. 11#2 Opi 6:17; Zab 68:17; 104:4; Ebra 1:7, 14Eri eca ’dini, yini nga aciria e’yo ’yoria, mi ne, gari aciru azini akanya aciru ’diyi be, yi efu ’ba iri ’diyi esele cozu. Te Eliya tu ’bua oliriko okporusi. 12#2 Opi 13:14; ’Yeta 1:9; E’do 37:29, 34; Yos 7:6Te Elisa ndre e’yo nderi, eri owu, Ata mani, ata mani! gari Israelini ’diyi, ’ba tupi akanya dria erini ’diyi be! Eri neni eri dika ku. ’Di ma vutia eri nga bongo i ngulupini bi, nga eri asi esele iri. 13Eri nga bongo ’beza Eliyani, ibipi e’depi eri vuri ’du, eri mvi so pa Yoridani tia. 14#Yoh 14:12Eri nga bongo ’beza ibipi e’depi Eliya vuri ’du, nga yi co ani, kini, Yehova Mungu Eliyaniri ngoa ya? Eri ka yi co ’bo, yi nde awa yi esele iri ra; Elisa nga di aga eseleniasi ani. 15Nabianzi Yerikoa pa sopi eri ageia re were ’diyi ne eri, yi ’yo, Orindi Eliyaniri ovu di Elisa ma dria. Yi emu dri fuzu eri be, yi avu va nyakua eri drilia. 16#1 Opi 18:12; Eze 8:3; ’Yeta 8:39Yi ’yo eri tia, Mi ne curu’do, ’ba okporu kali towi ovu tualu ama ati’ba mini ’diyi be; ama zi mi tia, mi fe geri yi dri muzu opi mini ndazu, kani Orindi Yehovani ’du eri uru ’bezu oni dria, kani e’bu azini alia. Te eri omvi, Emi ma pe ’ba ti ku. 17Yi omi eri ’dani, eri ovu drinzasi e’yo ndesi, eri ’yo ani, Emi pe yi ti. Yi nga di ’ba kali towi ’diyi ma ti pe; yi nda eri o’du na, te ti, isuni eri ku. 18Yi emvi eri vu erini teria Yerikoa, te eri nga ’yo yi tia kini, Ma ’yoni ndra emi tia, Emi ma mu ku, ’dini ku ya? 19#Yos 6:26; 1 Opi 16:34Agupi aku ndea ’diyi yi nga ’yo Elisa tia, kini, Mi ne, ama zi mi tia, aku ’dori ma angu ovu onyiru, ekile opi manini nelerile; te yi eri ovu onzi azini nyaka kani onyiru angu ndea ku. 20Eri nga ’yo ra, Emi eji ma dri imvu o’diru, emi ’ba a’i alenia. Yi eji di eri vu ra. 21#Efu 15:25; 2 Opi 4:41; 6:6; Yoh 9:6Eri nga di mu yi a’di ndea, ’be a’i alenia, ’yo ra, Yehova ’yo ’dini, Ma ede yi nde aluzaru ’bo; dra ngani efu ani dika ku, angu ngani vini ku afa kakokoru dika ku. 22’Dini yi nde ovu onyiru ecazu kpere andru, ekile Elisani ’yolerile. 23#2 Sur 36:16; Zab 31:17, 18; 94:21-23; O’be 13:13; Isa 5:24; Yer 5:10-14; Luk 10:16; 1 Tes 4:8; 5:20; 2 Tim 3:3; Yud 1:14-18Eri nga ’dale, muzu cazu Betelia; erini muria geri ururia, agupianzi efu akuasi, yi ogu eri, ’yozu, Mi dri be tuari, mi mu uru! Mi dri be tuari, mi mu uru! 24#Azi 32:35-43; Yob 31:3; Luk 12:5; Rum 12:19; Ebra 10:30, 31Eri lu i vutia yi nezu, eri tri yi Yehova ma rusi. Nguru dubaru andriru iri ’diyi nga di efu oce aliasi, ovi agupianzi kali su drini iri yi eselia ’diyi, osi yi tra tra. 25Engazu ’dale eri mu oni Karimelia, te engazu ’dale eri mvi Samariaa.

Currently Selected:

2 Opi 2: LB66

Highlight

Copy

Compare