1 Samueli 9

Sauloni pezu opiruri

1 # 1 Sam 14:51; 1 Sur 8:33; 9:39; ’Yeta 13:21 Te ’ba alu indi agu Benyamininiri,runi Kisi’i,Abieli mvi,Abieli mvi Zerorini, Zerori mvi Bekoratini, Bekorati mvi Afiani, eri ovu mvi agu Benyamininiri, ’ba ambo afa e’iru; 2#1 Sam 10:23eri ovu agupimva be, ru erini Saulo’i, eri karilau ndrizani. Anzi Israelini ma eselia ’ba eri agapi ndrizasi rani yo; budri erini pi dri erini be eri aga ’ba azini ’diyi dria ra zozasi. 3Te akanya Saulo ati Kisini ’diyi avi ra. Te Kisi’yo i mvi Saulo ma tia, Mi ’du ati’bo alu mi be, mi nga, mi mu akanya ’diyi ndruzu. 4#2 Opi 4:42Yi aga trei angu oniru Efiraimuaariasi, azini angu Salisa eseliasi, te yi isuni yi ke, Dika yi aga trei angu Salimu eseliasi, te yi isuni yi ’dale ku indi. Vutinia yi aga angu Benyaminini eseliasi, te yi isuni yi ku. 5#1 Sam 1:1Yi ka eca angu Zufua, Saulo ’yo ati’bo ini ovupi i beri ma tia, Mi emu, ama ma mvi, ma ati kazu e’yo akanyani kuzu ja e’yo amani egazu’i ku. 6#Azi 33:1; 1 Sam 2:27; 1 Opi 13:1; 2 Opi 6:6; 1 Tim 6:11; 1 Sam 3:19; Isa 44:26; Mat 24:35Te eri ’yo tinia, Mi ne nga, aku ’dori ma alia ’ba Munguni indi, eri ’ba inzile turi; e’yo dria erini e’yoni ’yole ’diyi yi eca ada. Ama ma mu anga ’dale; kani eri nga ama dri geri amani ’ye muzuri ece ra yani. 7#Lip 6:18; 13:17; 1 Opi 14:3; 2 Opi 4:42; 8:8Te Saulo nga ’yo ati’bo iniri ma tia, Te mi ne, ama ka mu ra, ama nga erini a’di afa ji ya? Enya de i jurua amani alia ra, afa feza azini aluni amani ngale jile ’ba Munguniri drini yo. Ama dri di a’di afani ka? 8Ati’bo omvi e’yo Saulo ma tia dika, kini, Mi lu, ma dria ’do sekeli dahabuni ma esele alu suniri indi, ma nga ’di fe ’ba Munguniri dri erini ngazu ama dri geri ecezurisi. 9#E’do 25:22; Efu 28:30; Kal 27:21; Lip 1:1; 20:18-28; 2 Sam 24:11; 2 Opi 17:13; 1 Sur 29:29; Isa 30:10; Amo 7:12(Ndra okorisi angu Israelini ma alia, ’ba alu ka le mu e’yo zizu Mungu vu, eri adri ndra ’yo ’dini, Mi emu, ama mu ’ba e’yo ndreza ndrepiri vu; a’disiku ’ba ’bani omvele curu’do nabiruri, ndra okorisi yi adri omve ’ba e’yo ndreza ndrepiri.) 10Saulo nga di ’yo i ati’bo ma tia, Mi ’yo ’yeke, mi emu, ama mu. ’Dini yi fi aku amboru ’ba Mungunini ovuzu aleniaria. 11#E’do 24:11; Efu 2:16Yini turia uru aku amboru nderia, yi isu ezoanzi yini muria yi koria, yi ’yo yi ma tia, ’Ba e’yo; ndreza ndrepiri ’doa ci ya? 12#E’do 31:54; 1 Sam 16:2; 1 Opi 3:2Te yi omvi e’yo yi tia, ’yo kini, Eri indi; emi lu, eri mi drilia ’da. Emi mu mbele mbele; a’disiku eri eca te aku amboruria andru a’disiku ’ba yi edeta fe pari uruleruria andru. 13Coti emini firia akua, emi nga eri isu ra, de nga eri tuni pari uruleruria afa nyazu ku; a’disiku ’ba ngani nya ku de nga eri ecani ku, a’disiku eri adri asi ndriza fe edeta nde drini; vutinia ’ba omvele ’diyi yi nya ra. ’Dini emi mu di uru, a’disiku emi nga eri isu curu’do. 14Te yi nga tu aku amboru nderia. Yini firia akua, mi lu, Samueli efu yi vu muzu uru pari uruleruria.

15 # 1 Sam 15:1; 20:2; Zab 25:14; Mar 11:2-4; ’Yeta 13:21 Te isu Yehova ece Samueli dri o’du alu oko de nga Saulo emuni ku, kini, 16#1 Sam 10:1; 15:1; 16:3; Efu 2:25; 3:7, 9Dru etu ’dopi ma nga ’ba alu ti epe mi vu engazu angu Benyamininiria, te mi ma osu odu drinia ovuzu ’ba mani Israelini ’diyi ma dri cepiriru. Te eri nga ’ba mani opa ’ba Filisitiaa ’diyi ma dria beni; a’disiku ma ne ’ba mani ’diyi ’bo, a’disiku wuta yini eca kpere ma vu ra. 17#1 Sam 16:12; Hos 13:11Te Samueli ka Sauloni ne, Yehova ’yo tinia, Mi ne, ’ba nde mani e’yoni ’yole mi tiari! Eri’i, eri nga ovu ’ba mani dri cezu. 18Saulo nga di esi ogogo Samueli vu kalitilia, kini, Ma zi mi tia, mi olu mani, ’ba e’yo ndreza ndrepiri ma jo eri ngoa ya? 19Te Samueli omvi e’yo Saulo ma tia, kini, Ma bani ’ba nde e’yo ndreza ndrepiri’i; emi tu ma drilia pari uruleruria, a’disiku emi nga andru afa nya ma be, azini drusi ma nga mi ku muzu, te ma nga e’yo dria ovupi mi asiari olu mi dri ra. 20Te akanya mini avipi o’du pale nani andru ’diyi ma e’yosi, mi ’ba mi asi drinia ku, a’disiku ’ba isu yi ’bo. Te Israeli dria yi ’ba yi asi a’di ma dria ya? Ovuni mi’i azini suruti dria mi atiniri’i ku ya? 21#Lip 20:46; Zab 68:27; Lip 6:15Saulo omvi e’yo ra kini, Ma ovuni ’ba Benyaminini, suruti azini Israelini dria yi agani suruti werea maniri ra ku ya? Enyati suru Benyamininia ’diyi dria yi agani enyati maniri ra ku ya? Mi di e’yo ’yo ma vu ’dini a’disi ya? 22Te Samueli ’du Saulo pi ati’bo erini be ra, ji yi jo omuniria, fe yi ri pari amboru alia ’ba ’bani omvele diyi ma eselia, yi ekile kali nale. 23Te Samueli nga di ’yo agu nyaka ’ipiri ma tia, Mi eji za esele teka mani fele mi dri, mani te ’yole, Mi ma mba nga tani ciri’i. 24#Lev 7:32; Eze 24:4; ’Yeta 10:9’Dini agu nyaka ’ipiri e’du pa, o’du za erini be, eri ’ba eri Saulo ma drilia. Te Samueli nga ’yo ra, Mi lu, afa tani mbaleri! Mi ’ba eri mi drilia, mi nya; a’disiku ama mba tani mi dri ecazu etu pele ’doria, mani ’yole, Ma omve ’ba nyazu ’borisi. ’Dini Saulo pi nya Samueli be etu ’dasi ra. 25#Azi 22:8Yini engazu pari uruleroria esizu va akua, eri ’yo e’yo Saulo be jo dri senderuri dria, 26Yi enga o’bitisi drio drio; eri nga eca ’dini anguni atiria, Samueli nga Sauloni omve jo dria uru kini, Mi enga, ma ma pe mi ti ’dale beni. Saulo nga enga ra, yi fu Samueli be amve iri tro. 27Yini esiria va aku nde ma kalatia, Samueli nga ’yo Saulo ma tia kini, Mi azi ati’bo ma aga ama drilia, (eri aga ra), te mi so anga pa ci, ma nga mi dri e’yo Munguni ece.

Currently Selected:

1 Samueli 9: LB66

Highlight

Copy

Compare