1 Samueli 7
7
1 #
2 Sam 6:2-4; 1 Sur 13:5-7; 1 Sam 6:21; Zab 132:6 ’Ba Kiriati-yearimua ’diyi emu ra, yi ’du sanduku Yehovani ra, ji eri Abinadabu vile joa oni dria uru; azini yi ’ba mva erini Eleazari alaru sanduku Yehovani ma ta mbazu’i. 2Eri nga eca ’dini, ewu sandukuni adriria Kirati-yearimua engazu o’du erini ecazuria, ovu ewu izuru, eri ovu eli kali iri, ’ba Israelini dria wu Yehova vu.
Samuelini ’ba Israelini ’diyi ma e’yo lizuri
3 #
Azi 30:2; 1 Opi 8:48; Isa 55:7; Hos 6:1; Yoe 2:12; E’do 35:2; Yos 24:14; Lip 2:13; 2 Sur 30:19; Mat 4:10; 15:8; Luk 4:8 Samueli nga ’yo suru Israelini dria ma tia kini, Emi ka emvi Yehova vu asi emini driasi, emi ma o’be adrou ani’bo vile ’diyi pi Asitaroti pie emi ma eseliasi ra, emi asi edezu Yehova vu, azi ngazu eri dri a’dule, te eri nga emi opa ani ’ba Filisitiaa ’diyi ma dria ra. 4’Dini anzi i Israelini o’be Baali pi Asitaroti be, ’Yi nga kiri azi Yehova dri a’dule. 5#Lip 10:17; 11:11; 1 Sam 10:17; 2 Opi 25:23Te Samueli ’yo ra, emi oku ’ba Israelini dria Mizipaa, ma nga zi Yehova tia emi dri. 6#2 Sam 14:14; Neh 9:1, 2; Dan 9:3; Yoe 2:12; Lev 26:40; Lip 10:10; 1 Opi 8:47; Yob 33:27, 28; Zab 106:6Te yi oku yi tualu Mizipaa, yi oko yi ra, yi osu eri Yehova ma drilia, azini yi ’da nyaka o’du ndesi, azini yi ’yo ’daa kini, Ama eza Yehova vu ’bo. Te Samueli nga anzi Israelini ma e’yo li Mizipaa. 7’Ba Filisitiaa ’diyi ka eri kini anzi Israelini oku yi tualu Mizipaa ra, opi Filisitiaa ’diyi tu omba ’bazu Israeli be. Azini anzi Israelini ka e’yo ’di eri ra, yi ovu ’ba Filisitiaa ’diyisi urisi. 8#Isa 37:4Anzi Israelini ’yo Samueli tia, Mi ma ku wuzu amasi Yehova Mungu amaniri vu ku, ’dini eri ma opa ama ’ba Filisitiaa ’diyi ma dria beni. 9#Zab 99:6; Yer 15:1Samueli nga kabilomva nga lesu ndrupi ndruri ’du fe pi vezaru Yehova dri, azini Samueli wu Yehova vu Israeli ma e’yosi, te Yehova eri eri ra. 10#Yos 10:10; Lip 4:15; 1 Sam 2:10; 2 Sam 22:14, 15Samuelini edeta vezaru feria, ’ba Filisitiaa ’diyi yi esi ogogo omba ’bazu Israeli be; te etu ndesi Yehova no o’duko ambosi ’ba Filisitiaa ’diyi ma dria, fe uri yi asia tre; yi ovu ofuzaru Israeli ma drilia. 11Te ’ba Israelini fu Mizipaarisi, yi dro ’ba Filisitiaa ’diyi ma voti, yi ofu yi kpere yini caria Beti-kari ma etia.
12 #
1 Sam 4:1
Samueli nga di oni alu ’du ra, i’di eri Mizipa pi ma eselia Seni beria, ’da runi Ebenezeri’i, kini, Yehova ko ama aza ecazu kpere andru ’do. 13#Lip 13:1; 1 Sam 13:5’Dini yi aga ’ba Filisitiaa ’diyi ra, te yi efini agazu lokiri sraelini alia dika ku. Te dri Yehovani ovu ’ba Filisitiaa ’diyi ma dri rizu ewu Samueli ngarerisi dria. 14Azini aku ndra ’ba Filisitiaa ’diyini opale ’ba Israelini dri ’diyi omvi yi Israeli dri vile, engazu Ekironia cazu Gatua; te angu kala ’daa ’diyi ’ba Israelini opa yi engazu ’ba Filisitiaa ’diyi ma driarisi ra. Asi anzuru ndra indi Israeli pi ma eselia ’ba Amorini ’diyi be.
15 #
1 Sam 12:11; Lip 2:16 Samueli li Israeli ma e’yo ewu erinisi dria. 16Eli vusi eli vusi eri adri aci Betelia, Giligali pie, Mizipa pie; te eri li e’yo Israelini pari ’diyi ma alia dria. 17#Lip 21:4Te eri adri mvi vile Ramaa, eri ma joni ndra ovule ’dalerisi; eri li vini Israeli ma e’yo ’dale indio Te eri si pari edeta edezuri Yehova dri’dale.
Currently Selected:
1 Samueli 7: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
