1 Samueli 31
31
Saulo pini odrazu anzipi beri
1 #
1 Sam 28:1, 15; 29:1; 1 Sur 10:1; 1 Sam 28:4 Te ’ba filisitiaa ’diyi yi ’di a’di ’ba Israelini pie; te ’ba Israelini apa ’ba Filisitiaa ’diyi ma driliarisi ra, yi ofu yi, yi o’de va oni Giliboa ma dria. 2#1 Sur 8:33Te ’ba Filisitiaa ’diyi yi dro Saulo pi ma vuti okposi anzi erini be; te ’ba Filisitiaa ’diyi yi ofu Yonatani pi Abinadabu pie, Malikisua pie, yi anzi Sauloni ’diyi. 3#2 Sam 1:6Azini a’di eca Saulo ma ruaa onzi, azini ’ba ’ye gbipi ’diyi ca eri vu ra; azini ’ba ’ye gbipi ’diyi gbi eri onzi tu. 4#Lip 9:54; 1 Sam 14:6; 17:26; 2 Sam 1:10Saulo nga di ’yo ’ba afa erini ombani ’diyi ojipiri ma tia, Mi enze sei mini, mi aso ma ale ani, ’ba agele liza a’ipi ku,’diyi kazu emuzu ma sozu ma o’dazu ku. Te ’ba afa erini ombani ’diyi ojipiri ga si; erini ovule uri be turisi. E’yo ’disi Saulo ’du di sei iniri, ’be i drinia ceni, 5Azini ’ba afa erini ombani ’diyi ojipiri ka ndre Saulo dra ’bo, eri ’be i sei i vileri ma dria ’dinile indi, dra eri be. 6#1 Sam 12:25; 1 Sur 10:6; Rum 6:23’Dini Saulo pi odra ra, anzi erini na ’diyi pie, ’ba afa erini ombani ’diyi ojipiri pie, ’ba dria erini ’diyi pie, o’du alu ’dasi tualu. 7Te ’ba Israelini ovupi e’bu ma kala azinia ’diyi, azini ’ba ovupi Yoridania ’aa’dasi ’diyi pie, yi ka ndre ’ba Israelini apa ’bo, azini Saulo pi anzipi pie odra ’bo, yi ku aku yini, apa ra; azini ’ba Filisitiaa ’diyi yi emu adrizu aku ’diyi ma aliani. 8Te eri nga eca drusi ’dini, ’ba Filisitiaa ’diyi yi ka emu ’ba yini ofule ’diyi ma afa opazu, yi isu Saulo pi anzi erini na ’diyi be, o’de oni Giliboa ma dria. 9#2 Sam 1:20Yi li eri ma dri ra, otru afa sule ayaru ombani erini ’diyi ra, yi pe tini e’yo ojizu angu ’ba Filisitiaa ’diyiniria kuru, e’yoni ojizu adrou yini ma wura ’diyi ma jo vusi, azini ’ba vusi. 10#1 Sam 21:9; Lip 2:13; Yos 17:11; Lip 1:27Te yi ’ba afa sule ayaru erini ombani ’diyi Asitaroti vile joa; azini yi ombe eri ma avu abi Beti-saniari ma ruaa. 11Te ’ba adripi Yabesi-gileadia ’diyi ka e’yo ’ba Filisitiaa ’diyini ’yele Saulo ma ruaa ’diyi eri ra, 12#1 Sam 11:1-11; 2 Sam 2:4-7; 2 Sur 16:14; Yer 34:5; Amo 6:10’ba dria asi teza be ’diyi yi enga ra, yi mu lini be rra, yi o’du Saulo pi ma ave, anzi erini ’diyi ma avu pie, engazu abi Beti-sanini ma ruaasi; yi emu Yabesia, eve yi ’daa, 13#2 Sam 21:12-14; E’do 50:10; Yob 2:13Yi o’du yi ma fala ra, sa yi pati letia Yabesia, azini yi ’da nyaka o’du aziri.
Currently Selected:
1 Samueli 31: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
