1 Samueli 29

’Ba Filisitiaa ’diyini Daudini gazu siri

1 # 1 Sam 28:1; 4:1; Yos 19:30; 1 Opi 20:30 ’Ba Filisitiaa ’diyi oku asikari yini ongulumuru ’diyi dria tualu Afekia; azini ’ba Israelini ’diyi ri yi a’di Yezireeliari ageia. 2#1 Sam 28:1, 2Te opi ’ba Filisitiaa ’diyini ’diyi yi aga turu vusi turu vusi, azini alifu vusi alifu vusi, te Daudi pi ’ba erini ’diyi be yi aga vilerisi Akisi pie. 3#1 Sam 27:7; Dan 6:5; Yoh 19:6; 1 Pet 3:16Opi’anzi ’ba Filisitiaa ’diyini ’diyi yi nga di ’yo, ’Ba Ebrania ’diyi ’dia a’di ’ye ya? Te Akisi ’yo opianzi ’ba Filisitiaa ’diyini ’diyi ma tia, ’Di ovuni.Daudi ati’bo Saulo opi Israelinirini, o’api ma be o’du ’diyisi, kani eli ’diyisi,mnani onzi isuzu eri ma alia ku engazu erini emuzu ma vurisiri’i ku ya? 4#1 Sur 12:19; 1 Sam 14:21Te opianzi ’ba Filisitiaa ’diyini ’diyi yi ovu ani adrasi eri be; te, opianzi ’ba Filisitiaa ’diyini ’diyi ’yo eri ma tia, Mi fe agu nderi ma mvi ra, eri ma mu pari erini mini pele eri driria; mi ku eri ma si ombaa ama be ku, eri kazu muzu i ojazu ombaa ’dale ama ari’boru ku. Te agu ’diri eco asi ndriza isuzu dika opi erini ma milia afa ngorisi ya? Erini ’ba ’doyi ma dri jilerisi ku ya? 5#1 Sam 18:7; 21:12; O’be 27:14’Di ovuni Daudi yini ndra ongo ngozu ongo tuza be kini, Saulo ofu ini alifule, Te Daudi ofu ini alifu mudrileri’i ku ya? 6#Kal 27:17; 2 Sam 3:25; 2 Opi 19:27; Zab 121:8; Isa 37:28Akisi nga-di Daudini omve ra, ’yo tinia, Ekile Yehovani ovule idri berile, mi ’ye e’yo dria kililiru, azini fuza mini pi efiza mini ma be asikari ongulumuru ma eseliari ovu onyiru ma milia; te ma isuni e’yo onzi mi alia engazu o’du mini emuzu ma vui ’dasi kpere andru ku. Te opi yi a’ini miku. 7E’yo’disi curu’domimvi; mi mu asi anzuru be, ’dini mi ma fe opi ’ba Filisitiaa ’diyini ’diyi ma ovu aokosi ku. 8Te Daudi ’yo di Akisi ma tia, Te ma ’ye nga ’dia a’di e’yoni ya? Azini mi isu a’di e’yoni ati’bo miniri ma alia, engazu mani ecaria mi vu cazu andru, mani ani fuzu a’di ’dizu ari’ba opi manirini be ku? 9#2 Sam 14:17; 19:27Te Akisi omvi e’yo ra, ’yo Daudima tia, Ma ni ra mi ovu ’ba onyiruni ma milia, ekile malaika alu Mungunirile; te ti, opianzi ’ba Filisitiaa ’diyini ’diyi yi ’yo ra, Eri ngani mu uru ombaa ama be ku. 10E’yo ’disi curu’do emi enga di o’bitisi drio drio, ati’ba ambo minirini ecapi mi be ’diyi pie; emini engaria o’biti drio drio, coti anguni ’baria atiria emi ko dri muzu. 11#Zab 37:23; 73:2; O’be 16:9; 20:24; Isa 30:21; Yer 10:23; 1 Kor 10:13; 2 Sam 4:4’Dini Daudi enga o’biti drio drio, eri’i ’ba erini ’diyi pie, dri kozu o’bitisi mvizu angu ’ba Filisitiaa ’diyiniria. Te ’ba Filisitiaa ’diyi yi mu uru Yezireelia.

Currently Selected:

1 Samueli 29: LB66

Highlight

Copy

Compare