1 Samueli 25

Daudi pi Abigaili be

1 # 1 Sam 28:3; Isa 57:1, 2; E’do 50:11; Kal 20:29; Azi 34:8; ’Yeta 8:2; E’do 14:6; Kal 12:16; Zab 120:5 Te Samueli dra ra; azini ’ba Israelini dria yi oku yi tualu, yi wu erisi, yi sa eri i vile joa Ramaa. Te Daudi enga ra, eri si va angu rokoru Parania. 2#1 Sam 23:24; Yos 15:55; E’do 38:13; 2 Sam 13:23Isu agu alu Maonia, lonyi erini yi Karimelia. Agu nderi ’ba amboni, eri ovu kabilo be alifu na, azini ndri be alifu alu. Eri ovu i ma kabilo ’biko lizu Karimelia. 3#Rut 4:11; O’be 14:1; 24:3, 4; 31:10; Isa 32:5, 7Agu nde ma ru Nabali’i; azini oku erini ma ru Abigaili’i. Oku nderi oku e’yo vapi onyiruni, azini andreti erini e’da ndrizaru tu, te agu nderi ovu ’ba mile ini beri, ’yeta erini enzi; eri ori’ba Kalebuni. 4#E’do 38:13; 2 Sam 13:23Te Daudini ovuzu roko driaria eri eri kini Nabali ovu kabilo ’biko liria, 5#1 Sam 12:22; E’do 37:14Te Daudi pe karile mudri ma ti; Daudi ’yo karile nde ’diyi ma tia, Emi tu Karimelia, emi mu Nabali vu, emi zi mani eri ci ci. 6#2 Sam 18:28; 1 Sur 12:18; Zab 122:7; Mat 10:12, 13; Luk 10:5Emi ma ’yo eri tia ’dini Asi anzuru ma ovu mi vu, asi anzuru ma ovu jo mini vu, azini asi anzuru ma ovu afa dria mini ovuzu yi be ’diyi ma dria. 7Ma eri curu’do kini mi ovu ’ba kabilo biko olipi ’diyi pie; ’ba kabilo mini ocepi ’diyi yi ovu ama be, ama ’yeni yi onzi ku, afa azini avini yi dri aluni ku o’du dria yini ovuria Karimelia, 8#Neh 8:10; Esi 9:19Emi zi karile mini ’diyi, yi nga ece mi dri ra. E’yo ’disi mi fe karile ’diyi ma isu asi ndriza mi milia; amani emule o’du onyiru aliarisi. Ma matu ’ba mi vu, mi fe afa ovupi mi dria ’diyi ati’ba mini ’diyi ma dria, azini mi mvi Daudi ma dria. 9Karile Daudini ’diyi ka eca ra, yi ’yo Nabali ma tia ekile e’yo ’diyile dria Daudi ma rusi; yi adri di ciri ndo. 10#Lip 9:28; Zab 73:7, 8; 123:3, 4Nabali omvi e’yo ati’ba Daudini ’diyi ma tia kini, Daudini a’di’i ya? Yese mvini a’di’i? Ewu ’dorisi ati’ba kakau ambo yini kupi ra ’diyi indi. 11#Lip 8:6Ma di nga enya mani ’du, yi mani pie, za mani mani lile ’ba mani kabilo ’biko olipi ’diyi driri pie, fezu ’ba mani nile ku ibipi emupi ngolea yani ’diyi dri ya? 12’Dini Daudi ma karile ’diyi atri dri mvi vile, yi emu e’yo ’diyi olu dria eri tia. 13#1 Sam 30:24Te Daudi nga ’yo ’ba ini ’diyi ma tia, Emi ’ du sei emini, ’ba dria alu alu! ’Ba dria alu alu ’du i ma sei ra Daudi indi ’du ini; ’ba tupi Daudi be ’diyi yi ovu ekile ’ba turu sule, te ’ba turu iri awu afazu ma ageia. 14Te karilau alu ’dayi ma eselia olu Abigaili Nabali vile okuri tia kini, Mi ne, Daudi pe ojio ma ti roko driasi muzu ambo amaniri zizu ci ci; te eri otre yi ma dria tu. 15Te ’ba nde ’diyi yi ’ye ndra ama onyiru tu, azini yi ’yeni ama onzi ku, afa azini avini ama dri aluni ku, ewu amani acizu yi be amani ovuria nyamukoarisi dria; 16#Efu 14:22; Yob 1:10; Zek 2:5yi adri ndra ama dri lico ama kalaarile inisi azini etusi iri tro, o’du amani adrizu yi be kabilo ocezuriarisi dria. 17E’yo ’disi curu’do mi ma ni, azini mi ega e’yo mini ngale ’yeleri; a’disiku yi ’ba e’yo onzi ambo amaniri ma ruaa, azini ’ba jo erinia ’diyi ma ruaa dria; a’disiku eri ovu ’ba asi onzi beri, ’ba econi e’yo ’yozu ani eri be aluni ku. 18#E’do 32:13; 2 Sam 17:28, 29; O’be 18:16; 21:14Abigaili nga ’ye mbele, ’du enya olemi turu iri, patiefi ma su kerea iri, azini kabilo lozaru towi, azini anya osizaru afa o’biza towi, azini pati efi a’wi ngulu ngulu turu alu, azini elio efi otuzaru otuzaru turu iri, eri o’ba yi akanya gaaru ’diyi ma dria. 19#E’do 32:16Te eri ’yo karile erini ’diyi ma tia, Emi mu ma drilia; emi ne, ma emu emi vutisi ’di. Te eri oluni e’yo agupi erini Nabali ma tia ku. 20Eri ovu ’dini, erini nzuria akanya gaaru ma dria, eri esi va oni ombetia, te mi ne, Daudi ’ba erini ’diyi pie esi eri vu; eri fu dri yi be ra. 21#E’do 44:4; Zab 35:12; 109:5; O’be 17:13; Yer 18:20; 1 Pet 2:20; 3:17Isu de Daudi ’yo ’bo, Ada, ma mba afa dria agu ’diri vile rokoa ’diyi ma ta, ’dini afa aluni afa erini ’diyi dria ma eselia avipini yo; te ti, eri omvi ma dri onzi onyi ma paria’i. 22#Rut 1:17; 1 Sam 3:17; 20:13, 16Mungu ma ’ye ma Daudiru’i ’dini, azini ’diri agapiri indi, ma ka afa dria ovupi erini ’diyi ma eselia kiri agi mva alu ku cazu o’bitisi.

23 # Yos 15:18; Lip 1:14 Te Abigaili ka Daudini ndre ’bo, eri ’ye mbele, eri esi -anya driasi va, eri avu va Daudi ma drilia, elo i andreti nyakua. 24Te eri avu eri ma palaa, eri ’yo ra, E’yo ma ovu ma dria, opi mani; ma matu ’ba mi vu, mi ku ati’bo mini okururi ma ’yo e’yo mi bilia, azini mi eri e’yo ati’bo mini okururini ’yole ’diyi. 25Ma matu ’ba mi vu, opi mani ma ega e’yo agu asi onzi be ’dirini ku, Nabali’i; eri ovu ekile ru erini ma efini ovulerile; eri ma ru Nabali’i, eri aza be indi; te ma’i, ati’bo mini okururi ndreni ndra karile opi manini, mini tini epele ’diyi ku. 26#2 Opi 2:2; E’do 20:6; Rum 12:19; 2 Sam 18:32E’yo ’disi curu’do opi mani, ekile Yehovani ovule idri berile, azini orindi minini adrile idrirurile, Yehovani mi ogale mi kazu e’yo isuzu ari adazasi kurisi, azini erini mi ogale mi kazu arioti ofezu mi ngulupi ma drisi kurisi, ’dini curu’do ari’ba mini, azini ’ba ndrupi opi mani ’yepi onzi ’diyi ma ovu ekile Nabalile. 27#E’do 33:11Te curu’do feta awa’diforu ati’bo mini okururini ejile opi mani uri ’diri, ma fe eri karile Opi mani ma vuti bipi ’diyi dri. 28#2 Sam 7:11; 1 Opi 9:5; 1 Sur 17:16; 1 Sam 24:11Ma matu ’ba mi vu, mi ku e’yo onzi ati’bo mini okururini ma avi ra; te adaru Yehovani nga opi maniri ma jo ’ba okporu, a’disiku opi manini a’di Yehovani ’ di; yi ngani e’yo onzi isu mi alia o’du mini adrizuria dria ku. 29#Azi 33:29; Zab 66:9; Mat 10:29, 30; ’Yeta 17:28; Yer 10:18’Ba yi ka enga mi vuti drozu, ndazu mi fuzu ti, ka’dini opi mani ma idrini nga ovu ombezaru ombeza idriniri ma alia Yehova Mungu miniri be; te eri nga ari’ba mini ’be amve ekile onini efule afa oni ’bezuriarisirile. 30Te eri nga eca ’dini, Yehova ka nga ’ye opi mani vu ekile e’yo onyiru dria erini ’yole mi e’yosirile ’bo, azini eri ka nga mi ’ba ’ba dri cepiriru Israeli ma drilia ’bo, 31opi maniri ngani ovu candisi ku, kani asi mini ngani li e’yo ’dirisi ku, mini ’ba ari adale e’yo kokorurisi, kani opi manini arioti ini ofezu cenirisi. Te Yehovani ngaria ’yeria onyiru opi mani be ’boria, mi ma ega di ati’bo mini okururi ma e’yo. 32#E’do 24:27; Efu 18:10; Ezr 7:27; Zab 41:12, 13; 72:18; Luk 1:68; 2 Kor 8:16Daudi ’yo di Abigaili ma tia, Yehova Mungu Israelini ma ovu inzizaru, eri’i mi ti epepi o’du ’disi dri fuzu ma beri’i! 33Azini asi ndriza ma ovu ondua mini ma dria, asi ndriza vini mi dria indi, mini ma ogale ma kazu ari adazu o’du ’ciisi ku, azini ma kazu ma arioti ofezu ma drisi kurisi! 34Te adaru ekile Yehova Mungu Israelinirini ovule idri berile, eri’i ma ogapi mi ’yezu onzi kuri, mi ka te ’ye mbele emuzu dri fuzu ma be ku, ka’dini adaru afa azini ngani dru ace Nabali dri cazu o’biti vu ekile kiri agimva alule ’dini ku. 35#1 Sam 20:42; 2 Sam 15:9; 2 Opi 5:19; Luk 7:50; E’do 19:21’Dini Daudi a’i di afa eri ma dria erini ejile eri dri ’diyi; azini eri ’yo eri ma tia, Mi tu mi vile joa asi anzuru be; mi ne, ma co bile e’duko mini vu’bo,azini ma a’i mi ra. 36#2 Sam 13:23; O’be 20:1; 23:29; Isa 5:11; 28:1-3; Hos 4:11; Luk 21:34; Efe 5:18Te Abigaili nga emu Nabali vu, te mi ne, eri ’ba omu i vile joa ekile omu opi vilerile. Te Nabali ma asi ovu ayikosi eri alia, a’disiku erini atile ewasi turisi; e’yo ’disi oku nde oluni eri tia e’yo azini aluni ku, kani gaaru, kani amboru ti, kpere o’bitisi. 37#Azi 28:28; Yob 15:21Dru ’dini, patiefi ma suni i dezu Nabali ma ruaa ’borisi, oku erini olu di eri ria e’yo ’diyi, te asi erini nga dra eri alia, eri oja i ekile onile. 38#Efu 12:29; 2 Sam 6:7; Yob 12:10; 34:14, 15; Zab 104:29; ’Yeta 12:23Eri nga eca ’dini, o’duni agaria mudri ’bori ma vutia, Yehova co Nabalini; dra ra. 39#O’be 22:23; 2 Sam 3:28, 29; 1 Opi 2:44; Esi 7:10; Zab 7:16Daudi ka eri kini Nabali dra ’bo ’dini, eri ’yo ra, Yehova ma ovu inzizaru, eri’i e’yo Nabalini driaza fezu ma dri ndrari ma arioti fepiri’i, ma ogapi ma kazu e’yo onzi ’yezu kuri’i; Yehova omvi onzi Nabalini eri ma ngulupi ma dria ’bo. Te Daudi pe ’ba ti muzu Abigailini azizu, ejizu ini okuru. 40Te ati’ba Daudini ’diyi ka eca Abigaili vu Karimelia ra, yi ’yo e’yo eri ma tia, kini, Daudi epe ama ti mi vu, mi jizu i ma okuru. 41#Rut 2:10, 13; O’be 15:33; 18:12Te eri enga ra, eri avu su i ma andreti nyakua, eri ’yo ra, Mi ne, ati’bo emini okururi ovu ati’ba opi manini ’diyi ma pa ojipiri’i. 42Azini Abigaili ’ye mbele, eri enga ra, eri nzu akanya gaaru dria, ezoanzi erini towi mupi vutinisi ’diyi be; eri mu ojio Daudini ti epele ’diyi ma vutisi, ovuzu oku eriniru. 43#Yos 15:56; 2 Sam 3:2; E’do 2:24; 1 Sam 30:5; Mat 19:5, 8Daudi ’du vini alu Ahinoamu Yezireeliari indi, yi nga ovu iri tro oku eriniru. 44#2 Sam 3:14-16; Isa 10:30Isu de Saulo fe i ma zi Mikalini oku Daudini Paliti Laisi mvi ’ba Galimuari dri okuru ’bo.

Currently Selected:

1 Samueli 25: LB66

Highlight

Copy

Compare