1 Samueli 12
12
Samuelini e’yo oluzu ’ba tiari
1 #
1 Sam 8:5; 10:24; 11:14 Te Samueli ’yo Israeli tia dria, Emi ne, ma eri o’duko emini e’yo dria emini ’yole ma tia ’diyisi ra, ma ’ba opi emi drilia ’bo. 2#Kal 27:17; 1 Sam 8:20Te emi ne, curu’do opi nderi aci emi drilia; te ma ovu curu’do mbazauni ozoforo be, te emi ne, anzi mani ’diyi yi ovu emi be; te ma aci emi drilia engazu mani ovuria mvaru ecazu kpere andru. 3#Kal 16:15; ’Yeta 20:33; 1 Tes 2:5; Azi 16:19Ma ’do; emi nze e’yo ma ruaa Yehova ma milia, azini ’ba erini odu osule driniari ma drilia indio Ma ’du a’di ma ti ya? Karri ma ’du a’di ma akanya ya? Kani ma ole, a’di ma silingi lokirisi ya? ’Ba mani ’yele onziri a’di’i ya? Kani ma ’du afa ’ba ti razuri a’di dria ya, ’dini mani ma mile obizu ani? Ma nga eri omvi emi dri. 4Te yi omvi e’yo kini, Mi oleni silingi amani lokirisi ku, mi ’yeni ama onzi ku, indi vini mi ’duni afa ’ba aluni ma dria ku. 5#Yoh 18:38; ’Yeta 23:9; 24:16; 2 Kor 1:12; Efu 22:4; Zab 17:3Eri ’yo ’yi ma tia kini, Yehovani ’ba e’yo eti nzepi emi ruaari’i, azini ’ba erini odu osule driniari ovu vini ’ba e’yo eti nzepi emi ruaa etu andrurisiri’i, kini emi isuni e’yo ma dria ku. Te yi omvi e’yo kini, Eri ovu ’ba e’yo eti nzepiri’i.
6 #
Efu 6:26; Neh 9:9-14; Zab 77:19, 20; Hos 12:13; Mik 6:4 Samueli nga di ’yo ’ba nde ’diyi ma tia kini, Eri Yehova’i, ndra Musa pi opepi Aroni be, emi a’bipi ejipi uru engazu angu Misiriniasiri’i. 7#Isa 1:18; 5:3; Mik 6:2, 3; Lip 5:11E’yo ’disi curu’do emi oso pa ciri, ’dini ma ma ’ba matu emi vu Yehova ma milia, ’yeta dria alatararu Yehovanisi, erini ’yele emi vu azini a’bipi emini vu ’diyi ma e’yosi. 8#Efu 2:23Yakoboni ndra emuria Misiria, emi a’bipini ndra owuzu Yehova vurisi, Yehova pe ndra ani Musa pi ma ti Aroni be, yi emi a’bipi ofupi Misiriasi fepi yini adrizu angu ’doria ’diyi. 9#Lip 3:12; 4:2; 13:1Azini yi ma dri avi ndra Yehova Mungu yinisi; te eri fe yi Sisera ambo asikari ongulumuru Hazorini ’diyi ma driliari dria, azini ’ba Filisitiaa ’diyi ma dria, azini opi Moabuari ma dria; yi ’di a’di yi pie. 10#Lip 10:10-15Te yi wu Yehova vu kini, Ama eza ra, a’disiku amani Yehovani kule, azini Baali pi inzile Asitaroti be’irisi; te curu’do mi opa ama ari’ba amani ma dria, ama nga azi nga mi dri ani beni. 11#1 Sam 3:20; Lip 4:6; 7:1; 11:29Te Yehova pe Yerubaali pi ma ti Bedani pie, Yefita pie, Samueli pie, opa emi ari’ba emini ’diyi ma dria emi kalaasi dria; te emiruni, emi ri ndra ovu e’yo ’yaasi. 12#1 Sam 8:7, 19; 10:19; Lip 8:23; E’do 17:7Te emini Nahasi opi Amonini ndreria emuria ombasi emi vu, emi ’yo ma tia kini, Yo, te opi ma nya angu ama driliani, de isu Yehova Mungu eminiri ovu opiru emi driliani. 13#Hos 13:11Te curu’do emi ndre nga opi emini peleri, emini a’ileri; emi ne, Yehova ’ba opi emi drilia ’bo. 14#Azi 6:13; 10:12; 13:4; Yos 24:14; Zab 81:13; Ekl 8:12; Isa 3:10Emi ka nga Yehovani ru, azi ngazu eri dri, o’duko erini erizu, emi ka nga mbu azita Yehovaniri vusi amve ku, emi ka nga Yehova Mungu emini ma vuti bi, opi angu nyapi emi driliari pie, eri nga ovu onyiru; 15#Lev 26:14; Azi 28:15; Yos 24:20te emi ka nga o’duko Yehovani eri ku, te emi ka nga mbu azita Yehovaniri vusi amve, ka’dini dri Yehovani nga a’di ’di emi be, ekile ndra emi atapi berile. 16E’yo ’disi curu’do emi so pa, emi ndre e’yo amboru Yehovani ngale ’yele emi miliari. 17#O’be 26:1; Yos 10:12; 1 Sam 7:9; Yak 5:16; 1 Sam 8:7; Hos 13:10Andru ovuni o’du nga nu lozuri ku ya? Ma nga Yehovani omve, eri nga angu noza ma upe ozoo be; ’dini emi ma ni, azini ne, e’yo onzi emini, emini ’yele Yehova ma milia emini opi a’izurisiri ovu ambo. 18#Efu 14:31; Ezr 10:9’Dini Samueli omve Yehovani ra, te Yehova efe angu noza pi ozoo be o’du ndesi; te ’ba dria yi, ru Yehovani tu, Samuelini indi. 19#E’do 20:7; Efu 9:28; 10:17; Zab 78:34, 35; ’Yeta 8:24; Yak 5:15; 1 Yoh 5:16Azini ’ba dria ’yo Samueli ma tia kini, Mi zi ati’ba mini ’diyisi Yehova Mungu miniri ma tia, ’dini ama ma odra ku beni; a’disiku ama o’ba e’yo onzi ’diri, amani opi a’ilerisi, onzi amani dria ’diyi ma dria ra. 20Te Samueli ’yo ’ba ’diyi ma tia kini, Emi ru ku; emi ’ye e’yo onzi ’diyi dria ra, te kiri emi ma oja emi Yehova ma vuti bikokoru ku, te emi nga azi Yehova dri asi driasi; 21#Yer 16:19; Hab 2:18; 1 Kor 8:4azini emi ma oja emi kalaa e’yo toko toko ’diyi ecopi ’ba aza kopi ku, ’ba papi ku ’diyi ma vuti bizu ku, a’disiku yi ovu toko. 22#Zab 106:8; Yer 14:21; Mal 1:2; Mat 11:26; Yoh 15:16A’disiku Yehova ngani ’ba ini yi ku ku, ru erini amboruri ma e’yosi, a’disiku eri ndra onyiru Yehova ma milia emi ’bazu ’ba ini ’diyiru. 23#1 Kor 9:16; ’Yeta 12:5; Rum 1:9; Kol 1:9; 2 Tim 1:3; 1 Opi 8:36; 2 Sur 6:27; Yer 6:16Te ma’i, econi mani e’yo onzi ’yezu, kuzu Yehovani zizu emisiri jani aluni ku; te ma nga emi dri geri onyiru azini kililiru imba’i. 24#Ezr 9:13Emi ru lu Yehovani, azini emi ma inzi eri e’yo ada ma alia, emi asi driasi; te emi ma ega e’yo amboru erini ’yele emi dri ’bo ’diyi ma e’yo’i. 25#Yos 24:20; Azi 28:36Te emi ka nga e’yo onzi ’ye ’dani, emi nga ovu dri jazaru ra, opi emini pie.
Currently Selected:
1 Samueli 12: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
