1 Opi 3
3
Sulemanini Farau zini jezuri
1 #
1 Opi 9:15
Te Sulemani pi eci ti Farau opi Misiriari be wa’diru; eri ’du Farau zini okuru, ji eri aku Daudinia, tezu o’du erini jo i ngulupini pi dezuria, jo Yehovani pie, abi kaliru Yerusalemu ageia kuru kururi pie. 2#Lev 17:3; Azi 12:2; 1 Opi 22:43Te ’ba yi adri edeta ede pari uruleru ’diyia ’dani, a’disiku joni ovule nga sizaru Yehova ma rusi ecazu kpere o’du nderia kurisi.
Sulemanini ondua zizu Mungu tiari
3 #
Azi 6:5; 10:12; Zab 31:23; 145:20; Mat 22:37; Mar 12:30; Luk 10:27; Rum 8:28; 1 Kor 8:3; 1 Yoh 5:3; 2 Yoh 1:6 Te Sulemani le Yehovani ra, eri aci azita i ati Daudini vusi; te di kiri eri adri edeta ede azini obiese ve pari uruleru ’diyia. 4#1 Sur 16:39Te opi mu ndra uru Gibeonia edeta edezu ’dale, a’disiku ’dari ovu pari uru agapi turi’i; Sulemani fe ndra pari edeta edezu nderi ma dria edeta vezaru alifu alu. 5#1 Opi 9:2; 2 Sur 1:3; Kal 12:6; Mat 1:20; 2:23; Yoh 15:7Yehova e’da i Sulemani ma milia orobi alia inisi Gibeonia ’daa; te Mungu ’yo, Mi zi e’yo mini lele ma ma fe mi driri. 6#2 Sur 1:8Te Sulemani ’yo Mi ece yiki ale be ambori ati’bo mini ma ati Daudi dri, lekile erini acile e’yo adarusi, azini e’yo kililirurisi, azini asi onyirurisi mi driliarile; azini mi mba yiki ale be amboru ’diri ma ta eri dri, mini mvini fele eri dri rizu oguna eriniri ’ma driarisi ekile andrurile. 7#1 Sur 29:1; Ekl 10:16; Yer 1:6; Kal 27:17; Yob 32:6-8Te di, Yehova Mungu mani la, mi ’ba ati’bo mini opiru ma ati Daudi ma paria, te ma ovu kiri mvaani; ma nini fuzu kani fizu ngoni ngoni yari ku. 8#Azi 7:6; E’do 13:16; 15:5Te ati’bo mini ovu suru mini opele ’diyi ma eselia, adaru suru amboru ongulumuru, ’bani ani ecole lazaru ku ’diyi, econi kalafe yini nizaru ku indi. 9#2 Sur 1:10; Zab 72:1; O’be 2:3; 16:16; Yak 1:5; Ebra 5:14E’yo ’disi mi fe ati’bo mini dri asi onduaru suru mini ma e’yo lizu, ’dini ma ma eco e’yo onyiru pi ma esele cozu e’yo onzi be beni; te a’di eco suru amboru mini ’dori ma e’yo lizuni ya? 10E’yo nde Sulemanini zileri fe ayiko Opi dri. 11#Yak 4:3Te Mungu ’yo eri tia, Mini zile mi ngulupi dri ovuzu idriru izu kurisi, azini mini zile mi ngulupi dri ovuzu afa e’iru kurisi, azini vini mini zile ari’ba mini ma odra ra kurisi, te mini ondua zile ’dini mi ngulupi dri e’yo liza kililiruri amazurisi, 12#1 Yoh 5:14; 1 Opi 4:29; 5:12; 10:23, 24; O’be 3:13-18; 8:1-36; Ekl 1:16mi ne, ma ’ye ekile mini ’yolerile ’bo Mi ne, ma fe mi dri asi onduaru e’yo vazuri, ’dini mi drilia ’ba aluni yo ovupi ekile mile, azini mi vutia indi ’ba aluni ngani efu ekile mile ku. 13#Mat 6:33; Efe 3:20; 1 Opi 4:21, 24; 10:23; O’be 3:16; 1 Kor 3:21-23Ma fe vini mi dri afa mini zile kuri drinia, lonyi pi inzita be iri tro, ’dini ewu minisi dria opi azini ’diyi ma eselia, ’ba ngapi ovupi mileni yo. 14#Zab 91:16; O’be 3:2Te mi ka nga ad geri mani ma alia, azini e’yo mani azile ’diyi ma ta mbazu azita mani be, ekile mi ati Daudini acilerile, ka’dini ma nga ewu mini se izu.
15 #
E’do 41:7; Yer 31:26; E’do 31:54; 40:20; 1 Opi 8:65; Esi 1:3; Dan 5:1; Mar 6:21 Te Sulemani oru ra, te mi ne, eri orobini. Te Sulemani mvi Yerusalemua, eri so pa sanduku aziza Yehovaniri ma drilia, eri ofe edeta wezaru azini edeta asi anzuruni ’diyi ra, eri ’ba omu ati’ba erini ’diyi dri dria.
Ondua Sulemanini pi lonyi erini be
16 #
Lev 19:29; Azi 23:17; Kal 27:2 Te oku awuru ali o’bapi ’diyi iri emu opi vu, pa sozu eri drilia. 17Te oku alu ’yo eri ria, Opi mani la, ama adri oku ’dori be jo alu ma alia; mani mva osiria de eri jo nde ma alia indi. 18Eri eca ’dinile, o’du na mani osizuri ma vutia, oku ’diri osi indi; ama ovu tualu eri be, ’ba azini jo alia ama be yo, ama ovu eri be joa kiri iri. 19Te oku ’diri ma mva dra inisi erini lale driniarisi. 20Te iniayii eri enga agupimva mani ’duzu ma vusi, pari ati’bo minini o’du koria, eri ’ba eri i ma ogulupi ma agatia, la mva avu iniri ma agatia. 21Te mani engaria o’bitisi ba feria mva driria, mi ne, ma isu de dra ’bo; te mani eri iniria o’bitisi, mi ne, eri ovuni mva mani, mani osileri’i ku. 22Te oku aziniri ’yo ra, Yo, mva idriruri mani, avururi mini. Te aziniri ’yo ra, ’Dini ku, avururi mini, idriruri mani. Yi ’yo ’ dini opi drilia. 23Te opi ’yo ra, ’Ba alu ’yo ra, Idriruri mva mani, avururi mva mini; aziniri ’yo ra, Yo, te mva miniri drapi ’bo ’di, mva maniri idriru ’di. 24Opi ’yo ra, Mi eji mani sei. Yi eji sei opi drilia ra. 25Te opi ’yo ra, Mi ali mva idriru ali ali, mi fe alini aluri oku aluri dri, alini aziniri oku aziniri dri. 26#E’do 43:30; Isa 49:15; Yer 31:20; Hos 11:8Te oku mva idriru ma andriruri, eri ma asini lile mva erini ma e’yosirisi, ’yo opi tia, Opi mani la, mi fe mva idriru eri dri fo, mi fu eri aluani ku fo! Te aziniri ’yo ra, Ma ovu mani yo, mini yo jodi; ma ali eri ali ali. 27Te opi omvi e’yo ’yo ra,Mi fe mva idriruri eri dri, mi fu eri aluni ku; mva andrini eri’i. 28#Ezr 7:25; Ekl 7:19; Isa 11:3; Dan 1:17; 5:11; Kol 2:2, 3Te Israeli dria eri e’yo liza nde opini lileri ra; yi ru opini ani, a’disiku yi odre ondua Munguni e’yo lizu kililiruri ovu eri ma alia.
Currently Selected:
1 Opi 3: LB66
Highlight
Copy
Compare
Share
Want to have your highlights saved across all your devices? Sign up or sign in
Bible in Lugbara © United Bible Societies, 1966.
