1 Opi 19

Eliyani apazu Horebuari

1 # 1 Opi 18:40 Te Ahabu ece Yezibeli dri e’yo dria Eliyani ’yele ’bori, ece indi e’yo erini nabi dria ofuzu seisiri. 2#Rut 1:17; 1 Opi 2:23; 20:10; 2 Opi 6:31; O’be 27:1’Di ma vutia, Yezebeli pe ojio ma ti Eliya vu ’yozu, Adrou ma ’ye ma vu ’dini, ma ’ye azini di, ma ka mi idri fe ovuzu ekile yi ma alu ma idrile de dru etu ’doni ku. 3Eliya ka e’yo nderi ndre, eri nga, eri apa ra, ’dini eri kazu drazu ku beni, eri ca Beeri-seba aku Yudaaria, eri ku ati’bo erini ’dale. 4#Kal 11:15; Yer 26:14-18; Yon 4:3-8; Fil 1:21-24Te eri ngulupi mu acizu etuzu o’du alu roko dria, mu ri pati wereari ma etia; eri a’i dra i dri kini, Fu dri ma dri ’dipi ’bo; Yehova la, mi ’du curu’do idri mani ra; a’disiku ma agani ma a’bipi onyisi ku. 5#Zab 34:7; ’Yeta 12:7; Ebra 1:14Eri la va o’du kozu pati ekile urukoleri ma etia; te mi ne, malaika elo eri, ’yo eri tia kini, Mi nga, mi nya. 6Eri lu, te mi ne, enya ovuzaru aciolusiri ovu eri ma drilia ogogo, imvu yi be alenia indio Eri nya, eri mvu, la va dika. 7Te malaika Yehovani eca dika pale iri, elo eri, ’yo ra, Mi nga, mi nya, aci kazu mi okpo ndezu ku. 8#Efu 24:18; 34:28; Azi 9:9, 18; Mat 4:2; Luk 4:2; Efu 3:1Te eri enga, eri nya, eri mvu, eri mu okpe erini isule nyaka nderisirisi etu kali su, ini kali su, cazu Horebu oni Munguniria.

9 # Efu 33:21; Ebra 11:38 Te eri ca ’dale onigulea, la ’dale, te mi ne, e’yo Yehovani eca eri vu, ’yo eri tia, Mi ’doa a’di ’ye ya Eliya? 10#Rum 11:3; Efu 20:5; Kal 20:5, 11; Zab 69:9; 119:139; 1 Opi 18:4, 22; Mat 23:31-35Eri omvi kini, Ma ovi ndra a’ya be tu Yehova Mungu asikari ongulumuruniri ma e’yo ecazu curu’do; a’disiku anzi Israelini yi ku aziza mini ’bo, yi ogu pari edeta edezu mini ’diyi va ’bo, yi ofi nabi mini ’diyi seisi ’bo; te ma’i adaru ma ace ma’i a’dukule, te yi ndru ma fuzu. 11#Efu 24:12; Eze 1:4; 37:7Te eri ’yo, M fu amve, mi so pa oni dria Yehova drilia. Te mi ne, Yehova aga, akuluku amboru okpo be, osi on amboru, onyo oni kataru ’diyi nyingiriki Yehova drilia, te Yehova ovuni oli nderi ma alia ku; oli ma vutia ovakiani, te Yehova ovuni oya kia ma alia ku; 12#Kal 14:18; Neh 9:17; Yob 4:16; Zab 86:15; 145:8; Yak 5:11oyakia ma vutia acini, te Yehova ovuni aci nderi ma alia ku; aci ma vutia, o’duko were e’yereni. 13#Efu 3:6; Isa 6:2Te eri eca ’dini, Eliya ka eri ra, eri ombe mile ini bongo ’beza inisi, eri fu pa so amve onigule nderi ma tilia. Te mi ne, o’duko eca eri vu kini, Mi ’doa a’di ’ye ya, Eliya? 14Eri ’yo kini, Ma ovu ndra a’ya be tu Yehova Mungu asikari ongulumuruniri ma e’yosi ecazu curu’do; a disiku anzi Israelini yi ku aziza mini ’bo, yi ogu pari edeta edezu mini ’diyi va ’bo, yi ofu nabi mini seisi ’bo; te ma’i, adaru ma ace ma’i a’dukule; te yi ndru ma fuzu. 15#2 Opi 8:12, 13Te Yehova ’yo eri tia, Mi mu, mi mvi geri mini roko Damasikiarisi; te mi ka ca ’dale ra mi ma osu odu Hazaeli ma dria eri ’bazu opiru Suriaa; 16#2 Opi 9:1; Luk 4:27te mi ma osu odu Yehu Nimisi mvi ma dria, eri ’bazu opi Israeliniriru; te mi ma osu odu Elisa Safati mvi, engapi Abeli-meholaari ma dria ovuzu nabiru mi ma paria. 17#2 Opi 8:12; 9:14; 10:6; 13:3; Amo 2:14; 2 Opi 2:23, 24; Isa 11:4; Hos 6:5; Eceza 19:21Te eri nga eca ’dini, ’ba apapi Hazaeli ma seisiri Yehuni nga funi, te ’ba apapi Yehu ma seisiri Elisani nga funi. 18#Isa 1:9; Eze 6:8; 14:22; Yoe 2:32; Rum 11:4; Yob 31:27; Hos 13:2Te ma nga ’ba alifu aziri Israeli eselia ’diyi ku ma ngulupiniru, kumuti dria yi osipi va Baali drilia ku ’diyi, ti dria eri zipi o’bolo ndruzasi ku ’diyi.

Elisani omvezuri

19’Dini eri nga ’daasi, eri isu Elisa Safati mvini, erini nga ’yaria ti o’ile iri iri kali iri drini su ’diyi be i drilia, te eri ovu ti iri vile ’diyi be. Te Eliya eca eri vu ra, ’be bongo ’beza o iniri eri dria. 20Eri ku ti yi, eri nzu Eliya ma vutisi, eri ’yo kini, Ma matu ’ba mi vu mi fe ma ma mu ma ati pi zi ma andri be o’bolo ndruzasi, vutinia ma nga mi vuti bi. Eri ’yo eri tia, Mi mvi dika; te ma ’ye te mi vu a’dini ya? 21#2 Sam 24:22; Mat 4:18-22; Luk 5:27, 28; Efu 24:13Eri ku eri vuti bikokoru, mvi, ’du ti iri o’ile kulumbusi ’diyi, oli yi ra, a’di za yini afa tini sele diyisi, eri fe ’ba dri, yi nya ra. Vutinia eri enga, eri mu Eliya ma vutisi, eri ko eri ma aza.

Currently Selected:

1 Opi 19: LB66

Highlight

Copy

Compare