1 'Ba Korintoa 'Diyi 4

Azi ’ba ti opele ’diyini

1 # Tit 1:7 ’Ba ma la ama ovuzu ’ba ’ba azi ngapi Kristo ma palaa ’diyiru, azini ’ba e’yo ziza Munguni ma ageji tepi ’diyiru. 2#Luk 12:42Te ’doa, e’yo ’bani ndale ’ba agei tepi ’diyi ma eseliari eri ’di, yi ma isu eri ovuzu ’ba adaruni, 3Emini e’yo mani lizuri, kani ’bani ma e’yo lizu o’du azilerisiri, ovu ma milia e’yo werearu tu. Te mal lini e’yo ma ma ngulupini ku. 4#Zab 143:2Ma ngulupi nini e’yo onzi ma ndepiri ku, te lani ma kililiru e’yo ’dirisi ku; te ’ba ma e’yo lipiri eri Opi’i. 5#1 Kor 3:8E’yo ’dirisi emi ma li e’yo azini drio o’duni ecakokoru ku, de nga Opi ecani ku, eri’i ngapi afa zizaru angu bizania ’diyi ofupi diza ma alia, azini fepi e’yo otuza ’ba asia ’diyini yi e’dazuri’i. Te o’du ’dasi ’ba dria alu alu nga inzita ini isu Mungu vu.

6 # Rum 12:3 Te, ma adripi, ma oja e’yo ’diyi e’yo etiru emisi, e’yo amani ecezu Apoloniri be, ’dinile emi ma ovu ani imbazaru e’yo amanisi e’yo siza agazu ku, ’dini ’ba aluni emi eselia ma ovu afusi ’ba aluri ma ru eduzu’i, aziniri edezu, ’dini ku. 7#Rum 12:6Kini, A’di ’ba mi nduruni ya? Afa mini ovuzu eri be mini a’ile a’i kuri a’duni ya? Te mi ka eri a’i afa fezale, mi mi ekile mi a’ini eri kurile a’disi

8 # Eceza 3:17, 21 Curu’do emi tra eli ’bo! Curu’do emi ofu afa e’ipiru ’bo! Emi nya opi ama kokoru ’bo! Ka opi nya ada, ’yeke, ama te nga opi nya emi be indi beni! 9#Rum 8:36; Ebra 10:33Ma ega Mungu ece ama ’ba ti opele ’diyi ’ba vile asizuriru, ’ba dra lile yi ma dria ’diyile; a’disiku ’ba ama afa luzaru wudrikuru pi ma milia, malaika pie, ’ba pie dria. 10#1 Kor 3:18Ama ovu ’ba azazani Kristo ma e’yosi, te emi’i, emi ovu onduaru Kristo ma alia. Ama ovu okpo kokoru, te emi ovu okpo be. Emi ovu inzita be, re ama ovu inzita kokoru. 11#2 Kor 11:23-27Kpere etu andrurisi ama ovu abiri be, ama ovu yi avijosi, ama ovu pililiru, yi ama odi drisi, pari amani adrizu adari yo, 12#’Yeta 18:3; 20:34; 1 Tes 2:9; 2 Tes 3:8; Rum 12:14; 1 Kor 9:15; Zab 109:28ama ama ecandi, azi ngazu dri amanisi, Yini ama o’daria ama asi ndriza fe’i; yini ama inzaria ama ovu asi teza be; 13#Azi 17:7; 22:24yini ama aji diria ama yi asi omi’i; ’ba ama ovuzu ekile wudrikuru ma okurunyale, ekile afa dria ma ondile, kpere curu’do.

14Ma sini e’yo ’eliyi drinza fezu emi dri ku, te emi dri sizu anzi mani lele ’diyile. 15#Gal 4:19Te emi ka ovu ’ba emi imbapi ’diyi be alifu mudri Kristo alia ti, emi ovuni ata be kakau ku. Te Kristo Yesu ma alia ma ti emi e’yo barisi ma’i. 16#1 Kor 11:1; Fil 3:17Ma matu ’ba emi vu ani, emi ma si emi ovuzu mani ovulerile. 17#’Yeta 19:22; Fil 2:20E’yo ’dirisi ma pe bani Timoteo ma ti emi vu, eri mva mani lele tu azini ’ba adaru Opi ma aliari, eri nga fe emi ma ega adriza mani Kristo ma aliari ra, ekile mani imbale pari dri dria ikanisa dria ma aliarile. 18Te curu’do ’ba azini ovu afu be, ekile ma ngani eca kurile. 19#’Yeta 18:21; Yak 4:15Te ma ’ye mu emi vu mbeleru, Opi nde ka nga le raria, te ma ngani e’yo ’yoza ’ba nde afu be ’diyini ni ku, te okpo yiniri, 20#1 Kor 2:4; Luk 17:20A’elisiku suru Munguni Ovuni e’yo ’yoza tisirisi ku, te okpo ma alia. 21Mi le a’dini ya? Ma ma mu emi vu kali be, kani alesi orindi e’yereru be ya?

Currently Selected:

1 'Ba Korintoa 'Diyi 4: LB66

Highlight

Copy

Compare