Salmos 24
24
(23) O rei glorioso
1Salmo de David.
Do Señor é a terra e canto a enche,
o orbe e canto nel habita.
2El é quen a fundou sobre os mares
e quen a asegurou sobre as correntes.
3Quen poderá subir ó monte do Señor?
Quen poderá quedar no seu santuario?
4O que ten as mans limpas e puro o corazón,
o que non pon a mente en cousas vas
e non xura nunca en falso.
5Ese recibirá do Señor bendición
e xustiza de Deus, o seu salvador.
6Así é a liñaxe dos que o buscan,
dos que buscan a presenza do Deus de Xacob.
7Erguede, portas, os linteis,
alzádevos, antigos portais,
para que entre o rei da gloria.
8Quen é ese rei da gloria?
O Señor, forte e valente,
o Señor, valente nas batallas.
9Erguede, portas, os linteis,
alzádevos, antigos portais,
para que entre o rei da gloria.
10Quen é ese rei da gloria?
O Señor dos exércitos,
El é o rei da gloria.
Currently Selected:
Salmos 24: ABGS
Highlight
Copy
Compare
Share
Want to have your highlights saved across all your devices? Sign up or sign in
Dereitos reservados: SEPT
