Salmos 148
148
Canto de todas as criaturas
1Aleluia.
Loade o Señor desde o ceo,
loádeo alá nas alturas.
2Loádeo os seus anxos,
loádeo os seus exércitos.
3Loádeo, sol e mais lúa,
loádeo, lucentes estrelas.
4Loádeo os ceos dos ceos
e as augas dos espazos celestes.
5Loen o nome do Señor,
pois mandouno El e foron feitos;
6estableceunos para sempre
e deulles leis que non fallan.
7Loade o Señor desde a terra,
monstros e abismos do mar,
8raios e sarabia, neve e néboa,
furacán que cumpre as súas ordes,
9montes e todos os outeiros,
árbores froiteiras e mais cedros,
10feras e gando todo,
réptiles e mais paxaros;
11os reis e todas as nacións,
os príncipes e os xuíces da terra,
12os mozos e mais as doncelas,
os vellos e mais os neniños.
13Loen o nome do Señor,
pois só o seu nome é excelso,
a súa maxestade cobre a terra e mais o ceo.
14El ergue a cabeza do seu pobo,
loanza de todos os xustos,
dos fillos de Israel, os seus achegados.
Aleluia.
Currently Selected:
Salmos 148: ABGS
Highlight
Copy
Compare
Share
Want to have your highlights saved across all your devices? Sign up or sign in
Dereitos reservados: SEPT
