Sakaria 14
14
Kemenangan sing pungkasan: Gusti dadi Ratu ing Yérusalèm
14:1-21
1Bakal teka dina sing ditetepaké karo GUSTI, terus barang duwèkmu sing dirampas bakal diedum-edum ing tengahmu. 2Aku bakal nglumpukké sak kabèhé bangsa, sing bakal pada ngluruk perang marang Yérusalèm, kuta kuwi terus bakal direbut, omah-omahé pada dirampas, wong wadon pada dirusuhi. Wong isiné negara separo digawa metu menyang pembuwangan, nanging turahé umat ora bakal dientèkké sangka kuta kono. 3GUSTI terus bakal maju perang nglawan bangsa-bangsa kuwi, kaya ing waktu dinané gègèré perang. 4Ing waktu kuwi sikilé ngidek ing gunung Saitun sisih ngarepé Yérusalèm nang sisih wétan. Gunung Saitun mau bakal disigar dadi loro, sangka wétan mengulon, terus nganakké legokan sing jembar banget; sigarané gunung mau sing siji minger ngalor, sijiné ngidul. 5Legokané gunung-gunung-Ku bakal ketutupan, awit legokané gunung kuwi bakal notok ing Asel; terus kowé bakal pada mlayu nylametké kaya waktu kowé mblayu awit sangka lindu ing jamané Uzia, ratu ing Yéhuda. GUSTI, Gusti Allahku terus bakal teka ditutké karo sak kabèhé para sutyi. 6Ing waktu kuwi#14:6 Ing waktu kuwi …adem. Pertaling liyané Dina kuwi ora ana pepadang lan dadi adem lan peteng. ora ana pepadang mbengi, nanging ana pepadang lan ora dadi adem lan ora dadi ès. 7Dina kuwi sing dingertèni karo GUSTI, sing tanpa mbengi lan tanpa awan nanging mbengi uga dadi awan.
8 #
Yeh 47:1; Yoh 7:38; Wah 22:1 Uga ing dina kuwi bakal ana banyu urip sing mili sangka Yérusalèm, sing separo mili menyang ing segara sisih wétan, separo mili menyang ing segara sisih kulon; bab kuwi bakal terus mengkono ing waktu panas lan ing waktu bediding. 9GUSTI terus bakal dadi ratu, ing sak lumahé bumi; ing waktu kuwi mung GUSTI sing dadi siji-sijiné lan mung asma-Né sing ana. 10Panggonané negara kono kabèh bakal malih dadi Araba-Yordan, sangka Géba tekan ing Rimon ing sak kidulé Yérusalèm. Nanging kuta kuwi bakal metongol duwur lan tetep manggon ing panggonané, wiwit sangka gapura Bényamin nganti tekan ing gapura sing lawas, ya kuwi gapura Pojok, lan sangka menara Hananéèl tekan ing peresané anggur kraton. 11#Wah 22:3Para wong bakal tetep manggon ing kono, awit karusakan wis bakal ora ana menèh lan Yérusalèm bakal tetep aman.
12Iki bebendu sing bakal ditibakké karo GUSTI marang sak kabèhé bangsa sing merangi Yérusalèm: dagingé wong-wong bakal dadi bosok ing waktu ijik ngadek lan mripaté bakal bosok ing growongané, mengkono uga ilaté bakal dadi bosok ing tutuké. 13Ing waktu kuwi bakal tukul gègèran gedé sing asal-usulé sangka GUSTI, nganti wong-wong pada tyekel-tyekelan lan lawan-lawanan ing antarané kantya pada kantya. 14Yéhuda uga bakal mèlu perang nglawan Yérusalèm, kasugihané sak kabèhé bangsa ing sak ubengé bakal diklumpukké, ya kuwi emas lan slaka lan sandangan sing tyatyahé ngluwihi okèhé. 15Bebendu kaya mengkono mau ya bakal nibani marang jaran, jaran bihal lan unta lan kimar, mengkono menèh sak rupané kéwan ing tarup-tarupé.
16 #
PI 23:39-43
Turahé sak kabèhé bangsa sing wis ngluruk perang Yérusalèm, kuwi saben taun bakal pada teka ngabekti marang Ratu, GUSTI sing ngwasani langit lan bumi lan ngramèkaké Riyaya Tarup Godong. 17Nanging yèn tunggalé para bangsa ing sak jagat ora menyang Yérusalèm teka ngabekti marang Ratu, GUSTI sing ngwasani langit lan bumi, kuwi bakal ora dikèki udan. 18Mengkono menèh yèn golongané bangsa ing negara Egipte ora teka ngadep, bakal katekan bebendu sing ditibakké karo GUSTI marang sak kabèhé bangsa, sing ora teka ngramèkaké Riyaya Tarup Godong. 19Kaya mengkono sing bakal dadi paukumané wong Egipte lan paukumané sak kabèhé bangsa sing ora teka ngramèkaké Riyaya Tarup Godong.
20Ing waktu kuwi uga klintingan jaran bakal ana tulisané sing muni: “Sutyi kanggo GUSTI!” Lan sak kabèhé wajan ing griyané GUSTI dadi pada karo bokor-bokor kanggo nyirami ing ngarepé mesbèh. 21Uga sak kabèhé wajan ing Yérusalèm lan ing Yéhuda bakal pada dadi sutyi kanggo GUSTI sing ngwasani langit lan bumi; sak kabèhé wong sing pasrah kurban bakal njupuk wajan mau, kanggo nggodok. Ing waktu kuwi ing griyané GUSTI sing ngwasani langit lan bumi bakal wis ora ana menèh wong sing dedagangan.
Currently Selected:
Sakaria 14: KJS17
Highlight
Share
Compare
Copy
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
