Wahyu 22
22
1 #
Yeh 47:1; Sa 14:8 Aku terus diduduhi kali banyuné panguripan, sing bening kaya kristal, sing mili metu sangka damparé Gusti Allah lan damparé Tyempé. 2#Wi 2:9Ing tengahé dalané kuta kuwi, ya kuwi ing sak kiwa-tengené kali, ana wit panguripan sing ngetokké woh kaping rolas, saben sasi sepisan; lan godongé wit kuwi mau dienggo maraské para bangsa. 3#Sa 14:11; Wi 3:17Ing kana bakal ora ana bebendu menèh. Damparé Gusti Allah lan Tyempé bakal ing tengahé, lan para abdiné bakal pada ngabekti marang Panjenengané, 4lan bakal pada nyawang rupané lan bakal ketulis jenengé ing batuké. 5#Yes 60:19; Dan 7:18Ing kana bakal ora ana menèh wantyi mbengi, lan ora mbutuhké pepadangé dimar utawa pepadangé srengéngé, awit Gusti Allah bakal madangi, lan wong-wong mau bakal pada mréntah dadi ratu langgeng ing sak lawas-lawasé.
Tekané Gusti Yésus
22:6-17
6Aku terus diomongi ngéné: “Tembungé kuwi mau bener lan nyata. Lan Gusti Allah sing dadi Gusti rohé para nabi, wis ngutus mulékaté supaya nduduhké marang para abdiné apa sing mesti bakal gelis kelakon.”
7“Sak temené Aku bakal gelis teka. Rahayu wong sing netepi tembungé nubuaté kitab iki!”
8Lan aku, Yohanes, sing wis weruh lan krungu perkara kuwi mau kabèh. Sakwisé krungu lan weruh, aku terus nyembah ing sikilé mulékat, sing wis nduduhké kuwi mau kabèh marang aku, perlu nyembah. 9Nanging tembungé marang aku: “Aja mengkono! Awit aku iki abdi, pada kaya kowé lan sedulur-sedulurmu tunggal pertyaya, para nabi, lan sak kabèhé sing pada netepi tembungé kitab iki. Nyembaha marang Gusti Allah!” 10Aku terus diomongi menèh: “Tembungé kitab iki aja kok ségel, awit wantyiné wis tyedak. 11#Dan 12:10Sapa sing nggawé duraka, terusna nggawé duraka, sapa sing reget, terusna ngregeti awaké; lan sapa sing mlaku bener, terusna mlaku bener; sapa sing sutyi, terusna nyutyèkké awaké!”
12 #
Mas 28:4; Yes 40:10; 62:11; Yer 17:10 “Sak temené Aku bakal gelis teka, lan nggawa upah-Ku, kanggo mbales marang saben wong miturut penggawéané. 13#Yes 44:6; 48:12; Wah 1:17-18; 2:8Aku iki Alfa lan Oméga, Sing Wiwitan lan Sing Mungkasi, Sing Wiwitan lan Sing Pungkasan.
14 #
Wi 2:9; 3:22 Rahayu wong sing pada ngumbah sandangané. Kuwi sing bakal pada nduwé wewenangé kanggo panguripan, lan mlebu ing kuta, liwat gapura-gapurané. 15Nanging asu lan para tukang tenung, lan para lonté, wong sing matèni, lan sing pada nyembah brahala, lan saben wong sing seneng lan nglakoni goroh, kuwi pada ing sak njabané kuta. 16#Yes 11:1, 10Aku, Yésus, wis ngutus mulékat-Ku supaya nggawé paseksi kanggo kuwi kabèh marang kowé kanggo pasamuan-pasamuan. Aku iki tukulané, ya kuwi turunané Daved lintang panjer ésuk sing semlorot.”
17 #
Yes 55:1
Roh lan pengantèn wadon pada nyebut: “Tekaa!” Lan sapa sing krungu, kuwi ngomonga: “Teka!” Lan sapa sing ngelak, nyedaka lan sapa sing gelem, njupuka banyu panguripan tanpa mbayar.
Pepéling Pungkasan
22:18-19
18 #
AT 4:2; 12:32 Aku ngekèki paseksi marang saben wong sing ngrungokké tembung nubuat tembungé ing kitab iki: “Yèn ana wong sing nambahi apa-apa ing tembungé iki, Gusti Allah bakal nambahi bebendu marang wong kuwi, kaya sing ketulis ing kitab iki. 19Lan yèn ana wong sing ngurangi tembungé kitab nubuat iki, Gusti Allah bakal njupuk pandumané sangka wit panguripan lan sangka kuta sutyi, kaya sing ketulis ing kitab iki.”
Berkah Keslametan
22:20-21
20Panjenengané sing ngekèki paseksi kuwi mau kabèh ngomong ngéné: “Ya, Aku gelis teka!” Amin, ya Gusti Yésus, Panjenengan supaya teka!
21Kawelasané Gusti Yésus nunggal ing kowé kabèh! Amin.
Currently Selected:
Wahyu 22: KJS17
Highlight
Share
Compare
Copy
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
