Masmur 83
83
Masmur 83
Pandonga njaluk pitulungan nglawan mungsuh
83:1-19
1Masmuré Asaf: sakwijiné kidungan.
2Duh Gusti Allah, Panjenengan supaya aja meneng,
aja mung mangku tangan, duh Gusti Allah!
3Awit mungsuh Panjenengan pada gembruduk,
wong sing pada sengit marang Panjenengan pada kemetak,
4pada ngrantyam tyara-tyara ala nglawan Panjenengan,
lan pada bebarengan bakal nglawan para sing Panjenengan ayomi.
5Omongané mengkéné: “Hayuk kita pada ngentèkké bangsa kuwi
supaya jenengé Israèl ora katyeluk menèh!”
6Tenan, wis pada bebarengan ngrantyam,
pada nggawé perjanjian nglawan Panjenengan:
7Sing pada manggon ing tarupé bangsa Edom lan Ismaél,
bangsa Moab karo Hagar,
8Gebal lan Amon lan Amalèk,
Filistèn bareng karo wong ing Tirus,
9uga Asyur pada dadi siji karo wong-wong iki,
pada dadi tangan-sikilé taleré Lot. Sela
10 #
PRk 4:6-22; 7:1-23 Kabèh kuwi pada dadèkna kaya bangsa Midian,
kaya Siséra lan Yabin ing tyedaké kali Kisyon,
11sing wis pada dientèkké ing Endor,
pada dadi rabuké lemah.
12 #
PRk 7:25; 8:12 Para penggedéné pada dadèkna kaya Orèb karo Seèb,
lan kabèh penggedéné kaya Sébah lan Salmuna,
13sing pada omongan: “Hayuk pada ngenggoni
panggonané omahé Gusti Allah.”
14Duh Gusti Allah kula, wong kuwi pada dadèkna kaya dedak sing mabul-mabul,
kaya kulit gabah sing kabur karo angin.
15Kaya geni sing ngobong alas,
lan kaya urupé geni sing nggosongké gunung-gunung,
16pada diuyaka karo lésusé Panjenengan,
lan dadèkna kagèt karo lésus Panjenengan.
17Rainé pada kebuntela karo kisinan,
supaya pada nggolèki asma Panjenengan, duh GUSTI.
18Ya bèn pada ngalami kisinan lan kagèt tekan sak lawasé,
pada kisinan lan terus pada entèk,
19supaya pada weruh, yèn mung Panjenengan sing asma GUSTI,
sing Mahaluhur lan ngwasani ing sak lumahé bumi.
Currently Selected:
Masmur 83: KJS17
Highlight
Copy
Compare
Share
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
