Masmur 105
105
Masmur 105
Kidung pamuji kanggo penggawéané Gusti Allah
105:1-45
1Pada ngluhurké GUSTI, pada sebuten asmané,
penggawéan-Né pada kenalké ing antarané para bangsa!
2Pada ngidunga kanggo Panjenengané, kidungna karo masmur;
sak kabèhé penggawéan-Né sing nggumunaké pada tyeritakna!
3Pada gunggung-gunggungen asma-Né sing sutyi,
atiné para wong sing pada nggolèki GUSTI bèn pada bungah.
4Pada nggolèkana GUSTI lan kekuwatan-Né,
pada tansah nggolèkana praupan-Né!
5Pada ngélingana marang mujijat sing wis pada ditindak-Ké,
tanda-tanda mujijat lan keadilan sing diutyap-Ké,
6hé para anak-putuné Abraham, abdiné,
hé para anaké Yakub, pilihan-Né!
7Ya Panjenengané kuwi GUSTI, Gusti Allah kita,
keadilan-Né rata ing sak lumahé bumi.
8Panjenengané éling karo perjanjiané nganti tekan sak lawas-lawasé,
ya kuwi pitutur-pitutur sing wis didawuh-Ké marang 1000 turunan,
9 #
Wi 12:7; 17:8; 26:3 sing wis ditalèni karo Abraham,
lan sumpah marang Isak;
10 #
Wi 28:13
sing ditetepaké dadi pernatan kanggo Yakub,
dadi perjanjian langgeng kanggo bangsa Israèl,
11mengkéné tembungé Gusti: “Kowé bakal Tak wènèhi negara Kanaan,
dadi negara panduman sing ditemtokké kanggo kowé.”
12Waktu tyatyahé durung sak piraa,
mung setitik, dadi wong mantya ing kono.
13Lan pada nglembara sangka panggonané bangsa sing siji, menyang panggonané bangsa liyané,
sangka kraton sing siji menyang panggonané taleré bangsa liyané;
14 #
Wi 20:3-7
Panjenengané ora nglilani yèn nganti pada dianiaya karo sapa-sapa,
para ratu pada diukum awit sangka dèwèké kabèh;
15tembungé: “Para sing Tak jebatani aja nganti kowé ngganggu-gawé,
lan aja nindakké sing ala marang para nabi-Ku!”
16 #
Wi 41:53-57
Waktu Panjenengané nekakké pailan ing negara kono,
lan sak kabèhé tandon pangan dientèkké,
17 #
Wi 37:28; 45:5 terus ana wong sing diutus ndisiki dèwèké kabèh:
Yosèf sing didol dadi batur tukon.
18 #
Wi 39:20—40:23
Sikilé diketyèk,
guluné diranté karo wesi,
19nganti tekan ing waktuné tembungé Gusti kelakon,
lan putusané GUSTI mbenerké dèwèké.
20 #
Wi 41:14
Ratu terus ngongkon ngluwari,
pangwasa para bangsa pada ngluwari dèwèké.
21 #
Wi 41:39-41
Terus didadèkké pemimpiné omahé,
lan ngwasani apa sak duwèké kabèh,
22dililani ngwasani para penggedéné abdiné sak karepé piyambaké,
lan mulangi kawityaksanan marang para pinituwané.
23 #
Wi 46:6; 47:11 Mengkono Israèl terus teka ing negara Egipte,
lan Yakub dadi wong mantya ing tanahé Ham.
24 #
Pa 1:7-14
Gusti Allah terus ndadèkké umaté tangkar-tumangkar,
didadèkké kuwat ngungkuli para mungsuhé;
25atiné mungsuhé mau diwalik nganti pada sengit marang umaté Gusti Allah,
lan abdi-Né pada ditindes.
26 #
Pa 3:1—4:17
Gusti Allah terus ngutus Moses, abdi-Né,
lan imam Harun pilihan-Né.
27Loro-loroné nganakké tanda-tanda-Ku ing tengahé,
lan mujijat ing tanah Ham.
28 #
Pa 10:21-23
Gusti nekakké peteng ndedet, nganti awan dadi peteng,
nanging pada mbangkang marang tembungé;
29 #
Pa 7:17-21
banyuné didadèk-Ké malih dadi getih,
lan iwak-iwaké pada dipatèni.
30 #
Pa 8:1-6
Kodok-kodok pada uyel-uyelan ing negarané,
malah nganti tekan ing kamar-kamaré ratuné.
31 #
Pa 8:16-17, 20-24 Gusti Allah ngetokké tembung, terus katekan laler,
lan lemut-lemut ing sak tanahé kabèh;
32 #
Pa 9:22-25
Panjenengané nibakké udan ès dadi gantiné udan ing kono,
lan geni sing mulat-mulat ing negarané;
33wit anggur lan anjir pada dirubuhké,
lan kabèh wit-witan ing panggonané disempali.
34 #
Pa 10:12-15
Gusti Allah ngetokké tembung, terus ana walang,
lan kuwi walang lumpatan sing tanpa itungan okèhé,
35terus mangan sak kabèhé tetukulan ing negarané,
lan mangan pametuné lemahé.
36 #
Pa 12:29
Gusti matèni sak kabèhé anak mbarep ing negarané,
wohé kekuwatané sing wiwitan.
37 #
Pa 12:33-36
Umaté terus dituntun metu karo nggawa slaka lan emas,
lan tunggalé kabèh taleré ora ana sing kejengklok siji-sijia.
38Waktu metuné wong Egipte pada bungah-bungah,
awit wong Egipte pada katekan wedi marang dèwèké kabèh.
39 #
Pa 13:21, 22 Gusti Allah nggelarké mendung digawé mayungi umaté,
lan geni sing madangi ing wayah mbengi.
40 #
Pa 16:2-15
Para leluhuré pada ndedonga, Gusti Allah terus nekakké manuk gemak,
lan mareki umaté karo roti sangka langit.
41 #
Pa 17:1-7; It 20:2-13 Gusti mbengkahké watu, terus ana banyu mantyur,
sing mili kaya kali ing lemah garing.
42Kuwi awit Panjenengané éling marang tembungé sing sutyi,
marang Abraham abdi-Né.
43Gusti Allah nuntun umaté metu karo bungah-bungah,
lan pilihan-Né karo surak-surak.
44 #
Yos 11:16-23
Pada dikèki negarané para bangsa,
nganti pada nampa olèh-olèhé rekasané para bangsa,
45supaya pada tetep nindakké pernatané Gusti Allah,
lan nggatèkké marang sak kabèhé piwulangé.
Haléluya!
Currently Selected:
Masmur 105: KJS17
Highlight
Copy
Compare
Share
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
