Efésus 6
6
Anak-anak lan Wong tuwa
6:1-9
1 #
Kol 3:20
Para botyah, manuta marang wong tuwamu ing njeruhné Gusti, mengkono kuwi sing bener. 2#Pa 20:12; AT 5:16“Kowé ngajènana bapak ibumu”, iki pepakon sing gedé, kaya sing nyata ing perjanjian iki, 3“supaya kowé slamet lan dawa umurmu ing ndonya.”
4 #
Kol 3:21
Lan kowé para bapak, aja pada nggawé larané atiné anak-anakmu, nanging gulawentahen karo piwulang lan pepéling sing sangka Gusti.
5 #
Kol 3:22-25
Para batur, manuta marang bendaramu ing ndonya karo wedi lan geter lan karo sak tulusé ati, pada kaya enggonmu mbangun turut marang Kristus, 6aja mung yèn ing ngarepé waé kanggo nyenengké atiné wong, nanging kaya abdiné Kristus sing karo sak kabèhé ati nindakké karepé Gusti Allah, 7lan sing éklas enggoné ngladèni, kaya wong sing ngladèni marang Gusti lan ora marang manungsa. 8Kowé pada weruh, yèn saben wong, apa batur tukon, apa wong merdéka, yèn wis nindakké kabetyikan, bakal nampa upahé sangka Gusti.
9 #
AT 10:17; Kol 3:25; 4:1 Lan kowé para bendara, ya ngono uga tumindakmu marang para peladènmu lan aja nganggo antyaman. Elinga, yèn Gustiné wong-wong mau lan Gustimu ing swarga, lan Panjenengané kuwi ora pilih-sih.
Gamané perang kasukman
6:10-20
10Pungkasané, pada dadia kuwat ing njeruhné Gusti, lan ing kekuwatané pangwasan-Né. 11Pada nggawaa gegaman perangé Gusti Allah, supaya kowé bisa nglawan apus-apusané iblis; 12awit enggon kita perang kuwi ora nglawan daging lan getih, nanging para pemrintah, para pangwasa, para penggedéné jagat sing peteng iki, para roh ala ing langit. 13Mulané pada nggawaa sak kabèhé gaman perangé Gusti Allah, supaya kowé bisa nindakké lawanan ing tekané dina sing ala kuwi lan tetep ngadek jejek, sakwisé kowé ngrampungké kuwi kabèh. 14#Yes 11:5; 59:17Mulané pada ngadeka sing jejek, bangkèkanmu sabukana karo kabeneran lan nganggoa klambi waja rupa keadilan, 15#Yes 52:7sikilmu nganggoa sepatuné keéklasan kanggo ngabaraké Injilé katentreman; 16ing kahanan apa waé pada nganggoa pengandel kanggo tamèng, awit ya tamèng sing kaya mengkono kuwi sing kena kok enggo nangkis sak kabèhé panah geni sangka si duraka, 17#Yes 59:17karo menèh pada nampanana kupluké keslametan lan pedang Roh, ya kuwi pitutur-pituturé Gusti Allah, 18karo sak kabèhé pandonga lan penjalukmu, pada tansah ndedongaa ing kumpulané Roh, lan pada jaga-jagaa ing sak njeruhné pandongamu kuwi karo penjaluk sing tanpa mandek kanggo para sutyi kabèh; 19uga kanggo aku, supaya yèn aku ngomong, aku dikèki tetembungan sing bener, lan supaya karo kendel enggonku ngabaraké wewadiné Injil, 20sing tak ladèni nganti aku dadi utusan sing diukum. Pada ndedongaa, supaya aku bisa ngétokké bab kuwi karo kendel, awit pantyèn kudu mengkono.
Berkah Keslametan
6:21-24
21 #
PaRa 20:4; 2Tim 4:12 #
Kol 4:7, 8 Supaya kowé uga pada weruh marang kahananku, mulané Tikikus, sedulur kita tunggal pertyaya sing ditrésnani lan abdi sing temen ing Gusti, bakal ngekèki weruh marang kowé bab kuwi kabèh. 22Ya karo maksut sing mengkono mau enggonku kongkonan Tikikus nemoni kowé kabèh, supaya kowé pada ngerti kahananku lan supaya nglipur atimu.
23Katentreman lan katrésnan karo pertyaya sangka Gusti Allah, Bapak lan sangka Gusti kita Yésus Kristus nunggal ing para sedulur kabèh.
24Kawelasan nunggala karo wong kabèh, sing pada nrésnani Gusti kita Yésus Kristus karo katrésnan sing ora bisa entèk.
Currently Selected:
Efésus 6: KJS17
Highlight
Share
Compare
Copy
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
