1 Pétrus 5
5
Pepéling marang para Pangon
5:1-11
1Para pinituwa ing tengahmu kuwi tak pituturi, awit aku iki dadi kantya pinituwa lan seksi sangsarané Kristus, sing bakal pada olèh panduman kamulyan yèn mbésuk bakal dibukakké: 2#Yoh 21:15-17Kumpulan wedusé Gusti Allah ing kowé kuwi engonen, aja awit kepeksa, nanging karo sak legané ati sing tyotyok karo karepé Gusti Allah, lan aja awit sangka nguber untungé, nanging awit kuwajipané ngladèni. 3Kowé aja tumindak kaya arep ngwasani wong-wong sing dipertyayakké marang kowé, nanging dadia tulada kanggo kumpulan kuwi. 4Mbésuk yèn Pangon Gedé teka, kowé bakal pada nampani makutané kamulyan sing ora bisa rusak. 5#WB 3:34Semono uga kowé, hé para nom-noman, pada nuruta marang para wong tuwa, siji lan sijiné pada andap asor, awit:
“Gusti Allah nglawan marang wong sing gemunggung,
nanging ngekèki kawelasan marang wong sing andap asor.”
6 #
Mat 23:12; Luk 14:11; 18:14 Awit kuwi pada ngasorna awakmu ing sak ngisoré tangané Gusti sing rosa, supaya kowé pada diluhurké ing waktu sing wis ditemtokké. 7Sak kabèhé sumelangmu pasrahna marang Panjenengané, awit Panjenengané sing ngrumati kowé kabèh. 8Pada sadara ing pikiran lan ngati-ati, jalaran mungsuhmu iblis kuwi, klinteran kaya singa nggeruh-nggeruh nggolèki manungsa sing kena dipangan. 9Lawanen karo pertyaya sing kuwat, jalaran kowé pada mengertèni yèn sedulurmu tunggal pertyaya ing sak ubengé jagat, kabèh ya pada katekan ing sangsara kaya mengkono. 10Nanging Gusti Allah sumberé sak kabèhé kawelasan, sing wis nyeluk kowé kabèh ing Kristus marang kamulyan-Né sing langgeng, bakal nyampurnakké, njejekké, nguwatké lan ngukuhké kowé, sakwisé kowé pada ngalami sangsara sak untara waktu. 11Ya Panjenengané kuwi sing nduwé pangwasa langgeng sak lawas-lawasé! Amin.
Berkah Keslametan
5:12-14
12 #
PaRa 15:22, 40 Enggon-ku nulis tyekak marang kowé iki lantaran Silvanus, sing tak anggep sedulur tunggal pengandel sing kena dipertyaya, perlu ngomongi lan nyadarké kowé, yèn iki kawelasan sing tenan sangka Gusti Allah. Mulané pada ngadeka sing jejek ing sak njeruhné kawelasan kuwi mau!
13 #
PaRa 12:12, 25; 13:13; 15:37-39; Kol 4:10; Flm 1:24 Salam marang kowé kabèh, sangka sedulurmu sing dipilih ing Babilon lan uga Markus, anakku. 14Pada salam-salamana karo ambungan sing sutyi.
Katentreman anaa ing kowé kabèh ing njeruhné Kristus. Amin.
Currently Selected:
1 Pétrus 5: KJS17
Highlight
Share
Compare
Copy
Want to have your highlights saved across all your devices? Sign up or sign in
Tèks © Surinaams Bijbelgenootschap 2018
