भज़न 124
124
ज़ीत दैणा लै बिधातो शूकर
हांढा लै राज़ै दाबेदे गिह
1इज़राईली दैआ ऐहा गल्लो ज़बाब!
तै किज़ै हणअ ज़ै बिधाता हाम्हां बाखा नांईं होए?
2ज़ै बिधाता हाम्हां संघै नांईं हंदअ,
तै हेरै तै हाम्हैं म्हारै दुशमणै कधू धर
3फेरा-फेर गोट दैई ज़िऊंदै ई घुटी!
तिंयां थिऐ हाम्हां लै रोश्शै लाल पिंऊंल़ै हुऐ दै।
4हाम्हैं जाणैं तै डुघै पाणीं जैंदरी डुबी
अर तेता काढणैं तै हाम्हैं घर्होहल़ी करै किधी दूर अर
5समुंदरे क्रुंगदी छ़ाल्ली निंणै तै हाम्हैं तेभी बहाऊई।
6बिधातो करा शूकर कि
तेऊ निं हाम्हां दुशमणे हाथै मरनै दैनअ।
7म्हारी ज़िन्दगी छ़ुटी च़ेल्लू ज़ेही शकारीए ज़ज़ाल़ा का,
ज़ज़ाल़ धेल़्हुअ पोर्ही अर हाम्हैं निखल़ै ज़िऊंदै बच़ी।
8म्हारी मज़त करनै आल़अ आसा सह बिधाता
ज़ुंणी सारअ भ्रमंड आसा बणाअं द।
Currently Selected:
भज़न 124: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
