आयूब 36
36
1तेखअ बोलअ आजू एलीहू इहअ,
2“आयूब, सबर कर, हुंह खोज़ूं ताखा सत्त किज़ै आसा।
हुंह निं अज़ी परमेशरे पक्षा दी गल्ला करी मुक्कअ।
3मुखा आसा अज़ी बतेर्हअ ज्ञैन,
तेता ताखा खोज़ी करूं हुंह ऐहा गल्ला प्रगट कि ज़ुंणी परमेशरै हुंह
बणाअं द आसा, सह आसा शुचअ।
4मुंह खोज़णअ सत्त, झ़ुठी गल्ला निं हुंह करदअ,
एभै आसा ताल्है सह बोल्दअ लागअ द ज़हा का ज्ञैन ई ज्ञैन आसा।
5परमेशरा का आसा सारअ बल!
सह निं कोही बृथा समझ़दअ,
इहअ निं किछ़ै आथी ज़ेता सह निं समझ़दअ होए।
6कदुष्टा निं सह ज़िऊंणै दैंदअ,
रैनै-गरीबा लै दैआ सह कबल्लअ तिन्नों हक।
7तेऊ हआ धर्मीं मणछो कबल्लअ धैन,
सह दैआ तिन्नां राज़ै ज़िहअ राज़ करनै
ताकि तिन्नों सदा अदर होए।
8तिंयां च़ाऐ शांघल़ी-लोहै दी कशै दै होए,
अर तिंयां आफ़तीए ज़ज़ाल़ा दी होए शाचै दै,
9परमेशर हेरा तिन्नां का खोज़ी कि तिन्नां लै इहअ किल्है हुअ अर
सह रहैऊआ तिन्नां का तिन्नें पाप ज़ेथ तिंयां घमंड करा तै।
10सह फरेऊआ तिन्नों धैन आपणीं चतैनगी बाखा लै
ताकि तिंयां बूरै करनै का पिछ़ू हटे।
11ज़ै तिंयां ज़िहअ परमेशर बोला तिहअ ई करे,
तै ज़िऊआ तिंयां आपणीं सारी ज़िन्दगी राज्ज़ी-मौज़ी।
12पर ज़ै तिंयां तिहअ नांईं करै,
तै सका तिन्नां कुंण तलबारा करै मारी पाई
अर तिंयां मरनै बेसमझ़ी दी।
13पर ज़ुंण परमेशरा दी विश्वास निं डाहंदै, तिंयां रहा रोश्श करदै लागी,
परमेशरा का सज़ा भुगती बी निं तिंयां
तेऊ का मज़त मांगणा लै अरज़ करदै।
14आपणीं ज़िन्दगी शर्मिंदगी दी खतम करी
जाआ तिंयां खारकी अमरा मरी।
15दुख-तकलिफी करै दैआ परमेशर लोगा लै शिक्षा,
सह दैआ तिन्नां लै आफ़त पल़णै कि तिंयां तेऊए शुणें।
16आयूब, तेऊ करनी ताखा अह आफ़त दूर,
तूह पजैल़णअ तेऊ एही ज़ैगा
ज़िधी तूह राज्ज़ी-राम्बल़अ रहे,
ताखा हणअ खाणां पिणां लै बधिया का बधिया।
17पर एभै आसा तूह आपणैं कर्मे सज़ा भुगतदअ लागअ द,
तेता का निं तूह बच़ी सकदअ।
18पर तूह डाहै धैन हेरे, रेशपतै निं लोल़ी तूह कबाता पाअ,
किधी धन-माया ताह बरैबादी बाखा निंए।
19तेरी ज़ैदाता करै निं तेरअ किछ़ै भलअ हणअ,
तूह ला च़ाऐ आपणअ सारअ ज़ोर
तेता करै निं तेरी किछ़ै मज़त हणीं।
20इहअ बोल कि सह राच निं ताल्है लोल़ी आई
ज़ेभै देशे-देशे लोगा लै प्रल़या एछणी।
21तूह डाहै धैन! आप्पू हटै बूरै करनै का पिछ़ू,
एता ई लै ताल्है परमेशरै आफ़त पाई दी
कि तूह बूराई का दूर रहे।
22आद कर कि परमेशरा का भाल़ किहअ महान बल आसा,
तेऊ ज़िहअ महान गूरू निं कोहै आथी।
23तेऊ लै निं कोहै बोली सकदअ कि किज़ै करनअ,
नां तेऊ लै कुंण इहअ बोली सकदअ कि अह किअ तेऊ गलत।
24तेऊए कामां लै हआ सदा ज़ै-ज़ैकार ई,
ताह बी लागा तिहअ ई करनअ।
25तेऊए महान काम शुझिआ सोभी का,
पर हाम्हैं मणछ भेटा तिंयां दूरा ई का भाल़णैं।
26परमेशरे महान कामें बारै पठी थोघ निं कोही का आथी।
नां कहा का इहअ थोघ आथी कि तेऊए अमर केतरी हुई।
27धरना का पाणीं उझै घिशा सह परमेशर ई,
संघा बणाआं तेऊ पाणींए बादल़।
28सह बझ़ैल़ा तिन्नां बादल़ा का
सोभी मणछा लै सारै दी पाणीं बरशाऊंणै।
29एतो थोघ निं कोही का लागदअ कि बादल़ किहअ करै हांढा,
कि सरगै गुल़ूबिज़ल़ू किहअ करै लागा, ज़िधी परमेशर रहा।
30सह लाआ सारै सरगै बिज़ल़ीए झ़प्प-तल़प्पी,
पर समुंदरे थाल्लै डाहा सह न्हैरअ।
31आपणैं इना महान कामां करै धाचा सह देशा-देशे लोगा
संघा दैआ सह तिन्नां लै रज्ज़ी साल-फसल।
32सह ढाका बीज आपणैं हाथै, संघा शोटा सह
संघा दैआ सह तेता लै तिधी पल़णैओ हुकम ज़िधी सह च़ाहा।
33गुल़ूबिज़ल़ू खोज़ा कि परमेशर आसा अर
ढिश-बागरी का जाआ डागै-चैणैं अर बणें ज़ीबा का थोघ लागी कि तेऊ आई रोश्शै।”
Currently Selected:
आयूब 36: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
