आयूब 23
23
आझ़ निस्सअ मेरै बोल़णैं बाझ़ी रहूई
1आयूबै दैनअ एलीपजा लै इहअ ज़बाब,
2“मुंह लणी अज़ी बी आझ़ परमेशरा सेटा आपणीं खरी खोज़ी,
किल्हैकि सह फिरअ मुल्है बेघै बूरअ
हुंह थक्कअ आपणीं धअक गोटी-गोटी।
3ज़ै मुखा सिधअ इहअ थोघ हंदअ कि परमेशर किधी भेटणअ अर
तै डेऊणअ त मुंह तैहा ज़ैगा लै ज़िधी बेशी सह नसाफ करा।
4तै करनअ त मुंह तेऊ सेटा आपणअ दाऊअ कि हुंह आसा नर्दोश
अर तेऊ का खोज़णीं ती मुंह पठी गल्ला आप्पै कि हुंह किहअ शुचअ आसा।
5तेखअ मुखा बी जाणअ त थोघ लागी कि
सह किज़ै च़ाहा अर तेऊ मुल्है किज़ै ज़बाब दैनअ।
6तेऊ कै मुंह संघै हठ करना लै आपणअ सारअ ज़ोर लाअ लाई?
मुखा आसा थोघ सह निं इहअ करदअ,
तेऊ हेरनी ती मेरी गल्ला शूणीं संघा करनअ त तेऊ शुचअ नसाफ।
7तेऊ सेटा पुजी सका त हुंह हठ करी
किल्हैकि हुंह आसा मानदार,
मेरअ नसाफ करनै आल़अ आसा सह ई तेऊ हेरनअ त हुंह नर्दोश काढी।
8हुंह लागअ आजू पुर्बा बाखा अर पिछ़ू पछ़मा बाखा परमेशरा लोल़अ,
पर मुंह निं परमेशर किधी भेटअ।
9हुंह लागअ तेऊ दैहणीं-बाऊंईं बाखा सारै दी भाल़अ,
पर मुखा निं सह किधी शुझुअ आथी।
10पर तज़ी बी हआ परमेशर मुंह गंईं-गंईं हांढदै भाल़अ लागअ द,
पर ज़ेभै सह मुंह परखे,
हुंह निखल़णअ च़ोखै सुन्नैं ज़िहअ शुचअ।#1 पत. 1:7
11-12हुंह रहअ कबल्लअ ज़ेसी तेऊ बोलअ तैहा ई बाता हांढदअ लागी,
तेता का निं हुंह ओर्ही नां पोर्ही डेऊअ।
ज़िहअ तेऊ हुकम किअ, मंऐं किअ तिहअ ई,
मंऐं निं कधि आपणीं मरज़ी किई अर मंऐं किअ तिहअ ई ज़िहअ सह च़ाहा त।
13ज़ुंण तेऊ सोठी हेरअ, तेता लआ सह करी ई,
तेता का निं तेऊ कोहै रोक्की सकदअ अर
नां कुंण तेऊए सोर बदल़ी सकदअ।
14ज़िहअ तेऊ मुल्है आसा सोठअ द,
सह बी लणअ तेऊ ज़ाथी तिहअ ई करी।
15-16सह परमेशर ज़हा का सारअ बल आसा,
तेऊए बारै सोठी छ़ुटा मुंह डरै काम्मणीं।
हुंह निं न्हैरै का डरदअ पर परमेशरा का लागा मुंह डअर।
17मुंह फेर आसा नटिप्प न्हैरअ
पर हुंह निं तेथ तज़ी बी च़ुप्पी रहंदअ।”
Currently Selected:
आयूब 23: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
