मूल़ 36
36
एसाब अर तेऊए लुआद
1एसाब ज़हा लै एदोम बी बोला, तेऊए बी आसा खास्सी आद-लुआद।
2एसाबै बैही कनान देशे लोगा मांझ़ा का चअन बेटल़ी। हित्ती ज़ातीए एलोने शोहरी आदा, दुजी ती अने शोहरी आलीबामा ज़ुंण हिब्बी ज़ातीए सबोने पोची थिई।#मूल. 26:34
3चिऊथी ती इशमाईले शोहरी बासमत ज़ुंण नबयोते बैहण थिई।#मूल. 28:9
4-5कनान देशै रहंदी हुऐ एसाबे आपणीं चिई लाल़ी का पांज़ शोहरू। आदा का हुअ एलीपज अर बासमता का हुअ रूएल। आलीबामे हुऐ चअन शोहरू, जेऊश, ज़ालम अर कोराह।
6एसाब डेऊअ आपणीं सोभी लाल़ी, शोहरू, रिश्तैदार अर नोकर-च़ाकर डागै-चैणैं अर सारी ज़ैदात ज़ुंण तेऊ का कनान देशै ती, तेता संघा निंईं आपणैं बाब याकबा का दूर होरी देशा लै।
7किल्हैकि तिन्नां दुही भरैरा का गई ती खास्सी ज़ैदात, लोग अर डागै-चैणैं हई। तेऊ देशै निं एतरी ज़ैगा आथी ती कि तिंयां तिधी सोभै कठा रही सके।
8एसाब डेऊअ उझै धारा बाखे मुल्खा बाखा एदोम नाओंए ज़ैगा लै।
9-14एसाब बस्सअ धारा बाखे मुल्खै एदोम नाओंए ज़ैगा। तिधी रहणैं आल़ै एदोमी लोगो मूल़ दाद-बाब आसा सह ई। एसाबो खिंब आसा इहअ:
एसाबै आणी चअन बेटल़ी, आदा, बासमत अर अने शोहरी आलीबामा ज़ुंण सबोने पोची आसा। तिन्नों खिंब हुअ आजू इहअ:
एसाब अर आदा का हुअ एलीपज, एलीपजे हुऐ आजू तेमान, ओमार, सपो, गताम अर कनज।
एलीपजे थिई तिम्ना नाओंए एक होर बेटल़ी डाही दी अर तैहा का थिअ एक शोहरू हुअ द, तेऊ नाअं थिअ अमोलक।
एसाब अर बासमता का हुअ रूएल। रूएले शोहरू तै नाहत, जेराह, शमाह अर मिज़ा।
एसाब अर आलीबामा का हुऐ चअन शोहरू, जेऊश, ज़ालम अर कोराह।
एदोम नगरीए सैणैं
15एदोमे खिंबा दी हुऐ आजू तिन्नें हर टोली दी सैणैं। एसाब अर आदा का हुऐ दै शोहरू मांझ़ै त ज़ेठअ एलीपज।
एलीपजे टोली का हुऐ तेमान, ओमार, सपो कनज, 16कोराह, गताम अर अमोलक आपणीं-आपणीं टोली अर गोत्रे साबै सैणैं। ईंयां अर एसाबे खिंबे लोग रहा तै एदोम ज़ैगा दी।
17एसाब अर बासमता का हुअ रूएल। रूएले हुऐ नाहत जेराह, शमाह अर मिज़ा आपणीं-आपणीं टोली अर गोत्रे सैणैं।
18एसाब अर अने शोहरी आलीबामा का हुऐ जेऊश, ज़ालम अर कोराह अर ईंयां बी हुऐ आपणीं-आपणीं ज़ाती अर टोलीए साबै सैणैं।
19ईंयां सोभै टोली अर गोत्र आऐ एसाबा का ज़हा लै एदोम बी बोला।
सेईरे आद-लुआद
20एसाबे एदोम एछणैं का आजी रहा तै तिधी हूरी ज़ातीए लोग। सेईर त तैहा ज़ाती का तेऊए खिंबा का हुऐ आजू लोतान, शोबाल, सबोन, अना, 21दशोन, एसार अर दशान।
22लोताने शोहरू थिऐ हूरी अर हमान। लोताने बैहण ती तिम्ना।
23शोबाले शोहरू तै, अल्बान, मनाहत, एबल, शेपो अर ओनाम।
24सबोने शोहरू हुऐ, आया अर अना। अह आसा सह ई अना ज़हा गाधै च़राऊंदी बारी रेगीस्तानै तात्तै पाणींए छ़ो भेटै तै।
25अनो त एक शोहरू दशोन अर एक शोहरी आलीबामा।
26दशाने हुऐ आजू हीमदान, एशबान, इतरान अर करान। 27एसारे शोहरू तै बिल्हान, जाबण अर अकान।
28दशाने शोहरू तै ऊज़ अर अरान।
29हूरी ज़ातीए हुऐ तिन्नें आपणीं ज़ाती अर टोलीए साबै ईंयां सैणैं: लोतान, शोबाल, सबोन अर अना, 30दशोन, एसार अर दशान। ईंयां सोभै रहा तै सेईरे ज़ैगा।
एदोमे राज़ै
31ज़हा ज़मानै इज़राईली प्रैंदै कोहै राज़अ निं हंदअ त, तेऊ ज़मानै तै एदोम देशै ईंयां राज़ै:
32बोरो शोहरू बेला राज़अ, सह थिअ दिन्हाबा नगरी का।
33ज़ांऊं बेला राज़अ मूंअ, तेऊ बाद बणअ बोज़रा नगरीओ जेराहो शोहरू जोबाब तेऊए ज़ैगा राज़अ।
34जोबाबा मरनै का बाद बणअ तेऊए ज़ैगा, तेमानी ज़ाती मांझ़ा का हुशाम राज़अ।
35ज़ांऊं राज़अ हुशाम मूंअ, तेखअ बणअ बदादो शोहरू हदाद राज़अ, ज़ुंणीं मोआब देशै मिद्यानी ज़ातीए लोग जुधा दी हारै तै। तेऊए राज़धानी ती अबीत नगरी। 36हदादा बाद बणअ मसरेका नगरीओ समला सदोमो राज़अ।
37समला मरनै बाद बणअ फरात दरैऊए बाढै रोहबोत नगरी रहणैं आल़अ शाऊल तेऊए ज़ैगा राज़अ।
38शाऊला मरनै का बाद किअ अकबोरे शोहरू बालहानणै तेऊए ज़ैगा राज़।
39अकबोरे शोहरू बालहानणा मरनै का बाद बणअ हदर राज़अ। तेऊए राज़धानी ती पाऊ नगरी। तेऊए राणीं महेटबेल थिई मटरेदे शोहरी अर मेजाहबे पोची।
40ज़ुंण सैणैं एसाबे खिंबा का निखल़ै तिंयां आसा तिन्नें नाअं, टोली अर रहणें ज़ैगे साबै ईंयां:
तिम्ना, अल्बा, ज़तेत, 41आलीबामा, एला, पीनोन, 42कनज, तेमान, मिबसार, 43मगदीएल अर ईरम।
ईंयां टोली आसा एसाबे खिंबा का, ज़हा लै एदोमी लोगो दाद-बाब एदोम बी बोला। तिन्नें नाअं पल़ै तिन्नें रहणें ज़ैगे साबै।
Currently Selected:
मूल़ 36: OSJ
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
