प्रकाशितवाक्य 21

नमी सृष्टि

1पी आऊँ नमां अम्बर ते नमी तरती गी दिखया, किके पैला अम्बर ते पैली तरती जांदी रेई हे, ते समुंद्र बी नेई रेया। 2पी आऊँ पवित्र शैर नमां यरूशलेम गी सोर्ग थमां परमेसर दे कन्ने उतरदे दिखया। ओ उस्स प्यारी जेई हे जेकी अपने लाड़ी आसतै शंगार कित्ती दी ओए। 3पी आऊँ संहासन थमां कुसे गी उच्चे शब्द कन्ने ए आखदे दिखया, “दिख, परमेसर दा डेरा मनुक्खें दे बिच ऐ। ओ उंदे कन्ने डेरा करग, ते ओ ओदे लोग ओगन, ते परमेसर अप्पुं उंदे कन्ने रोह्ग ते उंदा परमेसर ओग। 4ओ उंदी अखीयाँ थमां सारे अथरू साफ़ करी देग; ते एस दे बाद मौत नेई रौग, ते नां बसोस, न रोना, नां पीड़ा रौग; पैलियां गल्लां जांदियां रेईयां।”

5जेहड़ा संहासन उपर बैठा दा हा, उस्स ने गलाया “दिख, आऊँ सब किश नमां करी देना।” पी उस्स ने आखया, “लिखी ले, किके ए वचन वश्वासयोग ते सच्चाई आले न।” 6पी उस्स ने मिकी आखया, “ए गल्लां पूरी ओई गेदियां न। आऊँ अल्फा ते ओमेगा, पैला ते आखर ऐं। आऊँ प्यासे गी जीवन दे पानी दे सोते बिचा मोफत पलागा। 7जेड़ा जीत पा उवै ऐ न चीजां दा वारस ओग, ते आऊँ उस्स दा परमेसर ओगा ते ओ मेरा पुत्तर ओग। 8लेकन डरपोक, ते अवश्वासीयें, ते घिनोने, ते अत्यारे ते ब्यभिचारयें, ते टूने, ते मूरतपुजके, ते सारें चुठे दा इस्सा उस्स चील च मिलग जेकी अग्ग ते गंधक कन्ने जलदी रौंदी; ए दुई मौत ऐ।”

मेम्‍ने दी लाड़ी

9पी जेड़े सत्त सोर्गदूतें कोल सत्त आखर बिपतियें कन्ने परोचे दे सत्त कटोरे हे, उंदे बिचा एक मेरे कोल आया, ते मेरे कन्ने गल्लां करियै आखया, “इत्थैं आ, आऊँ तुगी प्यारी मतलब मेम्ने दी लाड़ी दसगा।”

नमां यरूशलेम

10ओस बेलै ओ मिकी आत्मा बिच एक बड्डे ते उच्चे पाड़ उपर लेई गीया, ते पवित्र शैर यरूशलेम गी सोर्ग थमा परमेसर दे कन्ने उतरदे दसया। 11परमेसर दी मैमा दे च हे ते उंदी लो बड़ा के कीमती बट्टे, मतलब बिलोर जेया यशब जेई साफ़ हे। 12उस्स दी शैरपनाह बड़ी उच्ची हे, ते ओदे बारां दरबाजे उपर बारां सोर्गदूत हे; ते ओनें दरबाजे उपर इस्राएल दे बारें गोत्रें दे नां लिखे दे हे। 13चडदी आली बक्खी त्रै दरबाजे, जबाब आली बक्खी त्रै फटाक, दक्षिण आली बक्खी त्रै फटाक, ते करोंदी बखी आली बक्खी त्रै दरबाजे हे। 14शैर दे शैरपनाह दियां बारां निवां हियां, ते उंदे उपर मेम्ने दे बारां प्रेरितें दे बारां नां लिखे हे। 15जेड़ा मेरे कन्ने गल्लां करा करदा हा ओदे कोल शैर ते ओदे कोल दरबाजे ते उस्स दी शैरपनाह गी नापने आसतै एक सुन्ने दा गज हा। 16ओ शैर चौकोर बसे दा हा ते उस्स दी लमाई, चोड़ाई दे बराबर हे; ते उस्स ने उस्स गज थमां शैर गी नपया, ते साड़े सौ कोस दा निकलया; उस्स दी लमाई ते चोड़ाई ते उच्चाई बराबर हे। 17उस्स ने उस्स दी शैरपनाह गी मतलब सोर्गदूत दे नाप कन्ने नपया, ते एक सौ चरताली हत्थ निकली। 18उस्स दी शैरपनाह यशब दी बनी हे, ते शैर ऐसे सुच्चे सुन्ने दा हा जेड़ा साफ़ काच जेया ओए। 19उस्स शैर दी मनेदां अर चाली दे कीमती बट्टे कन्ने सजाई दियां हियां; पैली नींह् यशब दी, दुई नीलमणि दी, त्री लालड़ी दी, चौथी मरकत दी, 20पंजमीं गोमेदक दी, छेमी माणिक्य दी, सतरमीं पीतमणि दी, अठवीं पेरोज दी, नोमी पुखराज दी, दसमी लहसनिए दी, ग्यारवीं धुम्रकांत दी, ते बारमी याकुत दी हे। 21बारां दरबाजे बारां मोतियें दे हे; एक दरबाजे एक इक मोती दा बना हा। शैर दी सिड़क साफ़ काच जेई सुचे सुन्ने दी हे।

नये यरूशलेम दी महिमा

22आऊँ उस्स च कोई मंदर नेई दिखया, किके सर्वशक्तिमान प्रभु परमेसर ते मेम्ना उस्स दा मंदर ऐ। 23पस शैर च सूरज ते चान दे लो दी जरुरत नेईयै, किके परमेसर दे मैमा कन्ने उस्स च लो उआ करदी ऐ, ते मेम्ना उस्स दा दीया ऐ। 24दुई जातीयें दे लोक उस्स दी लों च चलघंन फिरघंन, ते तरती दे राजा अपने-अपने तन-दौलत दा लेखा उस्स च लाघंन। 25ओदे दरबाजे धयारे गी कदें बंद नेई ओगन, ते रात उत्थें नेई ओग। 26लोग दुई जातीयें दे तेज ते शानो-शौकत दा लेखा उस्स च लाघंन। 27लेकन उस्स च कोई अशोद्ध चीज ते उजाड़ने आली चीज जां बुरा कम करने आला, जां चुठ दा गढ़ने आला कुसे रीति कन्ने परबेश नेई करग, लेकन सिर्फ ओ लोग जिंदे नां मेम्ने दी जीवन दी कताब च लिखे न।

Currently Selected:

प्रकाशितवाक्य 21: DOG

Highlight

Copy

Compare