फिलिप्पियों 4

पौलुस दी सलाह

1एस लेई ए मेरे प्यारे विश्वासी प्राओ, जिंदे बेच मेरा मन लगा दा रौंदा ऐ, जेड़े मेरा नन्द दे मोकट ओ, ए प्यारे प्राओ, प्रभु च इसै चाली टिके दे रवो।

2आऊँ यूओदिया क्न्ने अर्ज करना ऐ, ते सुन्तुखे क्न्ने बी, के ओ प्रभु च एक मन ओईयै रौन। 3ए मेरे क्न्ने सेवा करने आले सच्चे विश्वासी प्राओ, आऊँ तेरे कन्ने अर्ज करना ऐ, के उनै जनांनीयें दी मदद करो, किके उनै मेरे कन्ने शोभ समाचार दा प्रचार करने आसतै, क्लेमेंस ते मेरे बाकी सेवकें समेत मेंनत कित्ती, जिंदे नां जिंदु दी कताब च लिखे गेदे न।

मेशा खोश रवो

4प्रभु च मेशा खोश रवो; आऊँ पी आ आखना ऐं, खोश रवो। 5थुआड़ी लींमगी सारें मनुक्खें उपर परकट उवै। प्रभु कोल ऐ। 6किसे बी गल्ल दी चेंता मत करो; लेकन अर एक गल्ल च थुआड़े नबेदन, प्रार्थना, ते अर्ज थमां शुक्रगुजारी दे कन्ने परमेसर दे कोल आजर कित्ते जांन। 7ओस बेलै परमेसर दी शान्ति, जेड़ी सारी समझ थमां परे ऐ, थुआड़े दिल ते वचारें गी मसीह यीशु च सलामत रखग।

इनें गल्लें च त्यांन दियो

8एस आसतै ए प्राओ, जेड़ी-जेड़ीयां गल्लां सच्च न, ते जेड़ीयां-जेड़ीयां गल्लां आदर दे योग न, ते जेड़ीयां-जेड़ीयां गल्लां ठीक न, ते जेड़ीयां-जेड़ीयां गल्लां पवित्र न, ते जेड़ीयां-जेड़ीयां गल्लां सुहावनीयां न, ते जेड़ीयां-जेड़ीयां गल्लां मने गी भाने आलियां न, मतलब जेड़ीयां बी सदगुण ते तरीफ दियां गल्लां न, उन्दे उपर त्यान दिन्दे रवो। 9जेड़ीयां गल्लां तुसें मेरे थमां सिखियां, ते ग्रहण कित्तियां, ते सुनीयां, ते मेरे च दिखियां, उनेंगी गी मनदे रवो, ओस बेलै परमेसर जेड़ा शान्ति दा चश्मां ऐ थुआड़े कन्ने रौग।

पेंट लेई शुक्रगुजारी

10आऊँ प्रभु च मता खोश ऐं के ऊन इन्नें दिनें बाद थुआड़ी चेंता मेरे बारै च पी जागी ऐ; मिकी पता ऐ के तुसेंगी शुरू च बी एस दा वचार हा, लेकन तुसेंगी मौका नेई लगया। 11ए नेई के आऊँ अपनी घटी दे कारन ए आ आखना ऐं; किके मैं ए सिखे दा ऐ के जेस आलत च ऐं; उसै च संदोख करां। 12आऊँ दीन ओना बी जानना ऐं; अर एक गल्ल ते सारीयें आलतीं च आऊँ रजना, पुक्खे दा रौना, ते बदन ते घटना सिखे दा ऐ। 13मसीह जेड़ा मिकी शक्ति दिन्दा ऐ ओस च आऊँ सारा केछ करी सकना ऐं।

14तां बी तुसें पला कित्ता के मेरे कलेश च मेरे कन्ने शामल ओए। 15ए फिलिप्पियो, तोस अप्पुं बी जांनदे ओ के शोभ समाचार दी शुरुआत च, जेसलै आऊँ मकिदुनिया लाके थमां विदा ओया, ओस बेलै तुसेंगी छुड़ीयै ते कुसे कलीसिया ने लेने-देने दे बारै च मेरी मदद नेई कित्ती। 16एस लेई जेसलै आऊँ थिस्सलुनीके शैर च हा, तां बी तुसें मेरी कमी घटी पूरी करने आसतै एक बारी के वरन बड़ी बारी केछ पैसें दी मदद पेजी ही। 17ए नेई के आऊँ दान चांना ऐ लेकन आऊँ ऐसा फल चांना ऐ, जेड़ा थुआड़े फायदे आसतै बददा जा। 18मेरे कोल सारा केछ ऐ, वरन बद बी ऐ, जेड़ीयां चीजां तुसें इपफ्रुदीतुस दे अथ्थें पेजीहियां ओ मिलीयै मिकी सन्दोख ओई गीया ऐं, ओ ते सुखदायक सुगंध, ग्रहण करने दे योग कुर्बानी ऐ, जेड़ी परमेसर गी अच्छी लगदी ऐ। 19मेरा परमेसर बी अपने ओस तन दे मताबक जेड़ा मैमा दे कन्ने मसीह यीशु च ऐ, थूआडी अर एक लोड गी पूरी करग। 20साड़े परमेसर ते पिता दी मैमा योग-योग ओंदी रवै। आमीन।

नमश्कार ते शीर्वाद

21अर एक पवित्र जन गी, जेड़ा यीशु मसीह च ऐ नमश्कार आखो। जेड़े प्रा मेरे कन्ने न, तुसेंगी नमश्कार आखदे न। 22सारे पवित्र लोग, खास करियै जेड़े कैसर दे कराने दे न, तुसेंगी नमश्कार आखदे न।

23साड़े प्रभु यीशु मसीह दी क्रपा थूआडी आत्मा दे कन्ने रवै।

Currently Selected:

फिलिप्पियों 4: DOG

Highlight

Copy

Compare