2 थिस्सलुनीकियों 3
3
प्रार्थना दी अर्ज
1खीरी च, ए विश्वासी प्राओ, साड़े लेई प्रार्थना करयो, के प्रभु दा वचन तेजी कन्ने अर जगा फलाने दे जोग बनचै, ते उसी मैमा मिलै, जियां थुआड़े च ओया, 2ते साड़े लेई प्रार्थना करो के परमेसर असेंगी बुरे ते दुष्ट लोकें थमां बचा किके मते सारे न जेड़े एस शोभ समाचार उपर विश्वास नेई करदे।
3लेकन प्रभु परोसा करने दे जोग ऐ; ओ तुसेंगी आत्मिक रीति च तकड़ा करग ते दुष्ट शतान कोलां बचाग ते ओ थुआड़ा केछ नुकसान नेई करी सकग। 4प्रभु यीशु च थुआड़े उपर असेंगी विश्वास ऐ, के जेड़े-जेड़े उक्म असैं तुसेंगी दिते दे हे, उनेंगी तोस मनदे ओ, ते मनदे बी रौगे। 5अस प्रार्थना करनयां, के तोस परमेसर दे प्यार गी समझी सको ते मसीह सतावो च तुसेंगी बचा ते जियां ओस बचाया बी ऐ।
आलसीयें दे खलाफ चतावनी
6ए विश्वासी प्राओ, अस तुसेंगी अपने प्रभु यीशु मसीह दे नां च उक्म दिनयां न, के तोस अर एक ऐसे प्रा कोलां लग्ग रवो, जेड़ा आलस च रौंदा ऐ, ते ओ ओस शिखया गी नेई मनदा, जेड़ी असैं तुसेंगी दिती दी ऐ। 7किके तोस अप्पुं जांनदे ओ, के केस तरीके साड़े आला लेखा चलना चाईदा, किके अस जेसलै थुआड़े कन्ने रौंदे हे, असैं आलस नेई पर कम करदे हे, 8ते कुसे दी रुट्टी मोफ्त च नेई खादी, लेकन मेंनत ते कष्ट कन्ने रात देन कम तंदा करदे हे, के असैं थुआड़े कोलां केछ नेई मंगया, के तोस साड़ीयां जरुरतां पूरीयां करो। 9ए नेई के असेंगी थुआड़े उपर अख्त्यार नेई, लेकन एस आसतै के अपने आप गी थुआड़े लेई नमूंना बनचै, के तोस साड़े आला लेखा चाल चलो। 10किके जदू अस थुआड़े इत्थैं रौंदे हे, ओसलै बी इयै उक्म दिन्दे हे, के जेड़ा कोई कम करना नेई चा तां रुट्टी बी नेई खा। 11अस सुननयां न, के किन्नें लोक थुआड़े च आलसी चाल चलदे न, ते केछ कम नेई करदे, लेकन ओ लगातार दुए दे कम च बिगन पांदे न। 12ऐसे लोकें गी अस प्रभु यीशु मसीह च उक्म दिनयां ते समझानयां न, के चोप्प चाप कमाई करियै अपनी गै रुट्टी खा करो। 13ते तोस, ए विश्वासी प्राओ, पलाई करने च इम्त नेई छुडो, आलां के तोस थक्की बी जंदे ओगे।
14जेकर कोई साड़ी एस चिट्ठी गी शिखया दी गल्ल गी नेई मन्नें तां ओदे उपर नजर रखो, ते ओदे कन्ने संगति नेई रखो, जेदे कन्ने उसी शर्म आई जा। 15तां बी ओदे कन्ने बैर नेई रखो, लेकन अपने प्रा आला लेखा उसी समझायो।
खीरी शोभकामनां
16आऊँ प्रभु दे अगें प्रार्थना करना, के असेंगी शान्ति देने दा कारन जेड़ा परमेसर ऐ, तुसेंगी शान्ति अर बेलै ते अर चाली लगातार दिन्दा रवै। ते ओ थुआड़े सबनी दे कन्ने रवै।
17आऊँ, पौलुस, अपने अथ्थें कन्ने नमश्कार लिखना ऐं। अर चिट्ठी च मेरा इयै चेन्न ऐ; आऊँ इसै चाली लिखना ऐं। 18आऊँ प्रार्थना करना ऐं, के साड़े प्रभु यीशु मसीह दी क्रपा थुआड़े सबनी दे उपर ओंदी रवै।
Currently Selected:
2 थिस्सलुनीकियों 3: DOG
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
