2 पतरस 1
1
1शमौन पतरस दी ओर दा, जेहड़ा यीशु मसीह दा दास अते प्रेरित ऐ, ऊन लोकें दे नाम जिन्ने साहडे परमेसर अते उद्धारकर्ता यीशु मसीह दी तार्मिकता रहें साहडे लेखा बहुमोल बश्वास प्राप्त कित्ता ऐ।
2परमेसर दी अते साहडे प्रभु यीशु दी पन्शान दे रहें क्रपा अते शान्ति थुआड़े च बडीयत कन्ने बढ़दी जाए।
विश्वास च तर्की
3कीहके ओहदी परमेसर समर्थ ने सारा केछ जेहड़ा जीवन अते पक्ति कन्ने सम्बन्ध रखदा ऐ, सानु उसै दी पन्शान दे रहें दिता ऐ, जिन्ने सानु अपनी हे मैमा अते सद्गुण दे लेखा बुलाया ऐ। 4जिन्दे रहें ऊन सानु मते मोल्ल अते मती सीई दिती ऐ; ताकि इन्दे रहें तुस ओस सड़ाहट कन्ने छुड़कियै, जेकी जगत च बुरी अभिलाषाओं कन्ने होंदी ऐ, परमेसर दे स्वभाव दे समपासे ओई जाओ। 5इस्से कारन तुस सारे चली दा यत्न करचै अपने बश्वास उप्पर सद्गुण, अते सद्गुण उप्पर समझ, 6अते समझ उप्पर संयम, अते संयम उप्पर धीरज, अते धीरज उप्पर पक्ति, 7अते पक्ति उप्पर पाईचारे दी प्यार अते पाईचारे दी प्यार उप्पर प्यार बढ़ानदे जाओ। 8कीहके जेकर ए गल्ला थुआड़े च चलदे रहे अते बढ़दी जाएँ, अते तुस गी साहडे प्रभु यीशु मसीह दी पन्शान च निकम्मे अते निष्फल नां होने देग। 9कीहके जिन्दे ए गल्ला नेईं, ओह अन्नां ऐ अते तुन्दला दिखदा ऐ, अते अपने पिछले पापे कन्ने तुलिये शुद्ध होने गी पूली बैठा ऐ। 10एस कारन हे भ्राओ, अपने बलाए जाने, अते चुनी लेई जाने गी सिध्द करने दा पली भांति यत्न करदे जाओ, कीहके जेकर ऐसा करगे अते कदें बी ठेडे नां तुस खागे; 11लेकन एस तरीके कन्ने तुस साहडे प्रभु अते उद्धारकर्ता यीशु मसीह दे अनन्त राज च मते आदर दे कन्ने प्रबेश करने तुस पागे।
पतरस दा खीरी बेला
12तां करी जेकर तुस ए गल्ला जांदे हो, अते जेहड़ा सच्चा वचन तुस गी मिलेया ऐ उन्दे च बने रैंदे हो, पी बी आऊँ तुस गी इन गल्ले दी सुधि दिलाने गी सदा तयार रौगा। 13आऊँ ए अपने लेई ठीक समझदा हां कि जदू तकर आऊँ एस डेरे च हां, अतुं तकर तुस गी सुधि दिलाई दिलाईये उभारदा रवा। 14कीहके ए जानदा हां कि मेरे डेरे दे गिराए जाने दा पक्त जल्दी औने आला ऐ, जियां कि साहडे प्रभु यीशु मसीह ने मेरे उप्पर परकट कित्ता ऐ। 15तां करी आऊँ ऐसा यत्न करगा कि मेरे केछ करने दे बाद तुस इन सारी गल्ले दी सदा जाद करी सको।
मसीह दी मैमा दे दर्शन
16कीहके जदू आसे तुस गी अपने प्रभु यीशु मसीह दी समर्थ दा अते आगमन दा खबर सनाई ही, अते ओह चतुराई कन्ने घड़ी ओई कहानियों दा अनुकरण नेईं हे लेकन आसे आपे हे ओहदे प्रताप गी दिखेया हे। 17कीहके जदू ऊन परमेसर पिता कन्ने आदर अते मैह्मा पाई अते ओस महामहीमन मैह्मा बिचा ए आवाज आई, “ए मेरा प्रिय जाकत ऐ, जिदे कन्ने आऊँ खुश हां।” 18पी आसे ओहदे कन्ने पवित्र पाड़ उप्पर हे अते सोर्ग बिचा ऐहे आवाज आंदे सुनी। 19साहडे कोल जेहड़ा नबीयों दा वचन ऐ, ओह एस घटना कन्ने पक्का ठैरे या। तुस ए छैल करदे हो जेड़ा ए समझीयै ओहदे उप्पर तयान करदे हो कि ओह इक दीया ऐ, जेहड़ा नेरी जगह च ओस पक्त तकर प्रकाश दिंदा रौंदा ऐ जदू तकर कि पौ नां फटे अते भोर दा तारा थुआड़े दिलो च नां चमक उठे। 20लेकन पैहले ए जानी लो कि पवित्र शास्त्र दी कोई बी पविखवाणी कुसे दे अपने हे बचारधारा दे आधार उप्पर पूरी नेईं होंदी, 21कीहके कोई बी पविखवाणी मनुक्ख दी मरजी कन्ने कदें बी नेईं ओई, लेकन भक्त जन पवित्र आत्मा दे रहें उभारे जाईयै परमेसर दी ओर च बोलदे हे।
Currently Selected:
2 पतरस 1: DOG
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
