1 तीमुथियुस 5
5
कलीसिया दे वश्वासीयें कन्ने सलूक
1अपने कोलां जादै उम्र आले मनुक्ख गी नेई डाँट; लेकन उसी अपने पिता आला लेखा समझाई ओड, ते जवानें गी अपने निक्के प्रा समझीयै सलाह दे; 2अपने कोलां बड़ी जनांनीयें गी अपनी मां आला लेखा समझीयै; ते अपने कोलां निक्कीयें गी पूरे शोद्ध मन कन्ने अपनीयां पैनां समझीयै समझाई ओड़।
विधवें दी मदद
3ओ जिंदा कोई खयाल करने आला नेई ते सच्च गै विधवां न, उन्दा आदर कर। 4जेकर कुसे विधवा दे बच्चे या पोत्रे-पोत्रियाँ ओंन, तां ओ पैलैं अपने गै टब्बरै कन्ने पक्ति दा सलूक करन, ते बच्चे अपने माता-पिता गी उन्दा आक्क देना सीखन, किके ए गल्ल परमेसर पले पांदा ऐ। 5जेड़ी सच्च गै विधवा ऐ, ते ओसदा कोई नेई; ओस परमेसर उपर गै आस रखनी चाईदी, ते मदद आसतै रात-देन अर्ज ते प्रार्थना करदे रौना चाईदी; 6लेकन जेड़ी पौग पलास च पेई गेई, ओ ओस मरे दे मनुक्ख आला लेखा जिंदे जी ओई गेई, जिंदु च जिंदी लेकन आत्मा च मरी दी ऐ। 7इनें गल्लें दा बी वश्वासीयें गी उक्म दे तां जे कोई उनेंगी लजांम नेई ला। 8लेकन जेकर कोई अपने रिश्तेदारें दी, ते खास करी अपने टब्बरै दा खयाल नेई करै, तां ओ विश्वास च मुकरी गीया ऐ, ते गैर विश्वासी कोलां बी पैड़ा बनी गीया ऐ।
9जेड़ी विधवा सठ साल दे उपर उवै, ओदा नां गै विधवें च लिख्या जा, ते ओ एक दी गै करेआली बनी दी रेई ओग, 10ते दुए लोकें गी पता चलना चाईदा, के ओनें पले कम कित्ते दे हे; जियां के अपने बच्चें दा पालन-पोषण कित्ता दा ओग, ओनें प्रोनें दी सेवा ते जेकर ओ सेवकन ऐ, तां ओनें दुए वश्वासीयें दी सेवा दीन ओईयै कित्ती दी ओना चाईदी, ते दुखियें दी मदद, अर चाली दे पले कम आसतै अपने आप गी सोंपे दा ओना चाईदा। 11लेकन जवान विधवें दे नां नेई लिखना, जेड़ा उनै विधवा ओदे ओई बी मसीह दी सेवा आसतै बायदा कित्ते दा ओंदा, बजाए एदे जेसलै उन्दिआं जिंदु दियां इच्छ्यां बदी जन्दीयां न, तां ओ शादी करना चांदियाँ न, 12ते दुई शादी करने कन्ने, ओ दोषी बनी जन्दीयां न, किके ओ अपने पैले बायदे च कैम नेई रेईयां, जेड़ा उनै परमेसर कन्ने कित्ते दा हा। 13ते एदे कन्ने-कन्ने ओ कर-कर फिरीयै आलसी ओना सिखदियां न, ते सेर्फ आलसी गै नेई, लेकन दुए दियां चुगलीयाँ करदीयां ते दुए दे मसलें च बिगन पांदियां न ते बेकार गल्लां करदीयां रौंदियां न। 14एसकरी आऊँ ए सलाह दिनां ऐं, के जवान विधवां शादी करन; ते बच्चे जम्मन ते कारबार गी संभालन, ते कुसे वरोधी गी बदनाम करने दा मौका नेई देंन। 15किके केई विधवें परमेसर दा उक्म मननां छुड़ी दिते दा ऐ ते ओ उवै करदीयां न, जे केछ शतान उनेंगी आखदा ऐ। 16जेकर कुसे वश्वासिनी दे कर च विधवां ओंन, ते उवै उन्दी मदद करै के कलीसिया उपर पार नेई उवै, तां जे कलीसिया उन्दी मदद करी सकै जेड़ीयां सच्च गै विधवां न।
वचन गी सिखानेवाले अगबें दा आदर
17जेड़े अगबें सेवा दा ठीक बंधोबस्त करदे न, खास करियै ओ जेड़े वचन सुनाने ते सखाने च मेंनत करदे न, दो गुन्नें आदर दे लायेक समझे जान। 18किके पवित्र शास्त्र आखदा ऐ, “खल जुगडे दे दांदें दा मुं नेई बननां,” किके “मजदूर अपनी मजदूरी दा अक्कदार ऐ।” 19कोई दोष कुसे अगबें उपर लाया जा तां बगैर दो या त्रै गुआईयें दे ओदी दोष आली गल्ल नेई सुनना। 20पाप करने आलें गी सारें दे सामने डाँट, तां जे दुए विश्वास बी डरन। 21परमेसर, ते मसीह यीशु, ते चुने दे सोर्गदूतें गी आजर समझदे ओई आऊँ तुगी चतावनी दिनां ऐं, के तू मन खोलियै इनें गल्लें गी मनदा रो, ते कोई कम तरफदारी कन्ने नेई करना। 22जलदबाजी च कुसे गी अगबा चुनीयें ओस उपर अथ्थ नेई रखयां, जेसलै तकर ओ मसीह लेई अपनी मांनदारी नेई दसै, जेकर तुं ऐसा करें तां ओदे पापें जिमेंबार तुं ओगा; अपने आप गी पवित्र बनाई रख।
23औने आले बेलै च सेर्फ पानी पीने आला नेई बन, लेकन अपने पेट दे ते बार-बार बमार ओनें दे कारन थुड़ा-थुड़ा अंगुरें दा रस बी लाज आसतै पिया कर।
24आऊँ तुगी आखना के जलदी अगबें गी नेई चुननां किके केछ लोक खुलेआम पाप करदे। ओ दुए वश्वासीयें दे सामनें गलत ते दोषी बी ओई जंदे न केई लोकें दे पाप परकट नेई ओदे लेकन बाद बेच परकट ओदे न। 25इसै चाली, जेसलै लोक पले कम करदे न, ओ दुए वश्वासीयें दे सामनें साफ़ लबदे, लेकन कदें ओ नेई बी लबदे, तां बी छपी नेई सकदे।
Currently Selected:
1 तीमुथियुस 5: DOG
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
