1 पतरस 2
2
चुनी लेता दा पत्थर ते ओसदे चुने दे लोग
1तां करी सारे चली दा बैरपाव अते छल अते कपट अते डाह अते निंदा गी दूर करचै, 2नमें जम्मे होए बच्चों दे लेखा निर्मल आत्मिक दुध दी मीद करो, ताकि ओहदे रहें उद्धार पाने दे लेई बढ़दे जाओ, 3कीहके तुस प्रभु दी कृपा दा स्वाद चखी लेया ऐ।
4ओहदे कोल आईयै, जिसी मनुक्खे ने अते नकमा रख्या लेकन परमेसर दे कोल चुनेया ओया अते बहुमोल जीवता बट्टे ऐ, 5तुस बी आपे जिन्दे बट्टे दे लेखा आत्मिक कर बनादे जन्दे हो, जिदे कन्ने याजकों दा पवित्र समाज बनियै, ऐसे आत्मिक बलिदान चढ़ाओ जेड़ा यीशु मसीह दे रहें परमेसर गी गरैन ऐ।
6एस लेई पवित्र शास्त्र च बी आया ऐ; “दिखो, आऊँ सिय्योन च कोने दे सिरे दा चुने ओए दा अते बहुमोल बट्टे तरनाआ हां; अते जेहड़ा कोई ओहदे उप्पर बश्वास करग, ओह कुसे तरीके कन्ने टीठ नेईं हो गा।”
7आखर थुआड़े लेई जेड़े बश्वास करदे हो ओह अते बहुमोल ऐ, लेकन जेड़े बश्वास नेईं करदे उन्दे लेई “जिस बट्टे गी राजमिस्त्रियों ने नकमा रख्या हां, ओहे कोने दा सिरा ओई गीया,”
8अते “ठेस लगने दा बट्टे अते ठेडे खाणे दी चट्टान ओई गीया ऐ,” कीहके ओह ते वचन गी नां मनियै ठेडे खांदे न अते इस्से दे लेई ओह ठहराए बी गे हे। 9लेकन तुस इक चुने ओया वंश, अते राज-पदधारी याजकों दा समाज, अते पवित्र लोक, अते (परमेसर दी) निज प्रजा ऐ, तां करी कि जिन्ने तुस गी नेरे बिचा अपनी अद्भोद लों च बुलाया ऐ, ओहदे गुण परकट करो। 10तुस पैहले अते केछ बी नेईं हे लेकन हुन परमेसर दी प्रजा होए; थुआड़े उप्पर दया नेईं ओई हे लेकन हुन थुआड़े उप्पर दया ओई ऐ।
परमेसर लेई जीनां
11हे प्रियो, आऊँ थुआड़े अगें बिनती करदा हां कि तुस अपने आप गी परदेसी अते यात्री जानियै ऊन सांसारिक अभिलाषाओं च जेकी आत्मा च लड़ाई करदी ऐ, बचे रवो। 12अन्य जातीयें च थुआड़ा चलना-फिरने ठीक होए; ताकि जिन जिन गल्ले च ओह तुस गी गन्दे कम जानियै बदनाम करदे न, ओह थुआड़े ठीक कम्में गी दिखियै उनी दे कारन अच्छे दे धयारे परमेसर दी मैह्मा कर।
मालकें दे दीन रौना
13प्रभु दे लेई मनुक्खे दे ठहराए होए अर इक प्रबन्ध दे थलै रवो, राजा दे तां करी कि ओह सारे उप्पर प्रधान ऐ, 14अते मुखीओं दे, कीहके ओगन्देकिमयों गी सझा देने अते सुकर्मियों दी प्रशंसा दे लेई ओहदे पेजे होए न। 15कीहके परमेसर दी मरजी ए हे कि तुस पले कम करने दे रहें निर्बुद्धि लोकें दी बेबकूफी दी गल्ले गी बान्द करी देओ। 16अपने आप गी ठीक जानो, लेकन अपनी एस छैली गी बराई दे लेई आड़ नां बनाओ; पी अपने आप गी परमेसर दे दास समझीयै चलो। 17सारे दा आदर करो, पराए कन्ने प्यार रखो, परमेसर कन्ने डरो, राजा दा सम्मान करो।
मसीह दे दोख दी मसाल
18हे सेवको, अर चली दे डर दे कन्ने अपने स्वामियों दे थलै रवो, नां सिर्फ उन्दे जेड़े पले अते नम्र होन लेकन उन्दे बी जेड़े कुटिल होन। 19कीहके जेकर कोई परमेसर दा वचार करचै अन्याय कन्ने दुःख उठान्दा ओया क्लेश सहदा ऐ अते ए सुहावना ऐ। 20कीहके जेकर तुस पाप करीय मुके खाओ अते चुप चाप रौगे, अते एदे च के बड़ाई दी गल्ल ऐ? लेकन जेकर पला कम करीय दुःख उठान्दे हो अते चुप चाप रोंदे हे, अते ए परमेसर गी पादा ऐ। 21अते तुस इस्से दे लेई बलाए बी गेदे हो, कीहके मसीह बी थुआड़े लेई दुःख उठाईये तुस गी इक आदर्श देई गीया ऐ कि तुस बी ओहदे चलना-फिरने उप्पर चलो। 22नां अते ऊन पाप कित्ता अते नां ओहदे मुंह च छल दी कोई गल्ल निकली। 23ओगाली सुनीयै गाली नेईं दिंदा हे, अते दुःख उठाईये कुसे गी बी तमकी नेईं दिंदा हां, लेकन अपने आप गी सच्चे न्यायी दे अथ्थ च सौपेद हे। 24ओह आपे हे साहडे पापे गी अपनी देह उप्पर लेई यै सूली उप्पर चढ़ी गीया, जिदे कन्ने आसे पापे दे लेई मरीयै तार्मिकता दे लेई जीवन बिताएँ; उसै दे मार खाणे कन्ने तुस चंगे होगे। 25कीके तुस पैहले पटकी ओई पिड्डें दे लेखा हे, लेकन हुन अपने प्राणों दे रखवाले अते अध्यक्ष दे कोल चली आए हो।
Currently Selected:
1 पतरस 2: DOG
Highlight
Copy
Compare
Share
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
