Baloma 12

Zyabuumi bupya bwa Bukilisito

1Lino nobakwesu, nkaambo Leza watufwida luzyalo lupati boobu, ndamukumbila kuti mulipe amibili yanu yoonse kuti mube cipaizyo cuumi, cisalala, cibotelezya Leza. Eeyi njenzila iini-ini yakukomba Leza. 2Mutayanzani abukkale bwabantunsi, pele Leza asandule buumi bwanu mukumupa myoyo mipya. Ndendilyo nimutizibe luyando lwa Leza, nkabela mulaziba zibotu, zilondokede, azimubotelezya Leza.

3Kwiindila munguzu zyandipa Leza muluse lwakwe, ndamwaambila kuti mutalitukumuni. Kwaambisya amulitesye mumizeezo yanu, kweendelana akukomena kwalusyomo oolo Leza ndwapa omwe-omwe wanu. 4Mumubili omwe muli zizo zinji, nkabela zizo eezyo zilijisi milimo yaandeene-andeene. 5Mbubonya oobo aswebo tobasyomi, nikuba kuti tuli banji, tuli mubili omwe muli Kilisito. Aboobo tuliswaangene umwi aumwi mbuli zizo zyamubili omwe. 6Tuleelede kubelesya zipego zyaandee-andeene nzyapa Leza muluse lwakwe. Naa cipego cesu ncabukambausi, atucibelesye kweendelana alusyomo lwesu. 7Naa ncabubelesi, atubeleke. Naa ncabwiiyi, atwiisye. 8Naa ncakuyumya-yumya bamwi, atubayumye-yumye ncobeni. Ooyo uupa, ape amoyo omwe. Ooyo musololi, asololele cabusungu. Awalo ooyo uufwida bamwi luzyalo, acite oobo calumwemwe.

9Luyando lwanu lutabi lwakuupaupa aameso. Amusesemwe bubi, mukakatile zibotu. 10Amuyandane kapati mbuli babunyina. Musungwaale mukulemekana. 11Mukubelekela Mwami, amusungwaale, mutabi batolo pe. 12Amukondwe mubulangizi bwanu. Amukkazike moyo muciindi camapenzi akukomba lyoonse. 13Amupe zyakugwasya Bakilisitonyoko babulide, alimwi amutambule beenzu amaanza obilo.

14Amukombe Leza kuti aleleke aabo bamupenzya. Iiyi, amucite oobo, mutasinganyi. 15Amukondwe abaabo bakondedwe, mulile abaabo balila. 16Amumvwane lyoonse. Mutalisumpuli, pele muyandane abantu buyo. Mutayeeyi kuti muli basongo.

17Muntu wamucita cibi, mutabweedezyi. Amucite zibotu kuti bantu boonse bazibone. 18Naa kakukonzeka amukkale muluumuno abantu boonse. 19Nobayandwa, mutabweedezyi muntu cibi, mumuleke buyo, nkaambo Leza uyoomusubula mubukali bwakwe. Kayi Malembe alati, “Amubaleke, ndime eensubula, njoobasubula, mbwaamba Mwami Leza.” 20Mbokuli boobo, amucite mbubonya mbuli Malembe mbwaaamba, “Naa kuti sinkondonyoko wafwa nzala, mupe cakulya. Naa wafwa nyota, mupe maanzi akunywa. Nkaambo wacita boobo, walo ulalemwa kumakosi.” 21Mutazundwi abubi pe, pele amuzunde bubi akucita zibotu.

Currently Selected:

Baloma 12: Tonga96

Highlight

Copy