Intembauzyo 88
88
Kumweendelezi wanyimbo. Aimbye bwiimbwa Mahalati Leyanoti a Masikili aa Hemani Muezula. Lwiimbo lwabana ba Kola.
1O Mwami Leza wangu uundivuna, sikati amasiku ndalila kumbele
lyako kuyanda lugwasyo.
2Komvwa kukomba kwangu, cenjeka kutwi kukulila kwangu.
3Uzwide mapenzi muuya wangu, ndaafwiifwi kufwa.
4Mbalilwe akati kabaabo bayanda kufwa, ndimbuli muntu uutakwe nguzu.
5Ndimbuli muntu uufwide kale, mbuli bajaidwe balede mucuumbwe mbotacibambi naa kuyeeya.
6Wakandibikka mudindi damfu, mumpisi iisiya mbi.
7Bukali bwako bwandilimba, wandipenzya amayuwe aako.
8Wacita kuti beenzuma mbeyandisya bandimwaike, ndaba cisesyo kuli mbabo,
ndajalilwa, nsikonzyi kutija pe.
9Meso aangu oomfoka akaambo kamapenzi, mazuba oonse ndakwiita,
O Mwami Leza, ndatambika maanza aangu kulinduwe nekomba.
10Sena zigambya zyako ulazitondezya kubafu?
Sena bafwide balabuka kuti bakutembaule?
11Sena kwacivumwe kwaambilizigwa luyando lwako lutazungaani?
Sena kusyomeka kwako kulaambilizigwa mulunyonyooko?
12Sena zigambya zyako zilizizilwe mubusena bwamudima?
Sena milimo yako iiluleme ilaambilizigwa munyika yabatayeeyegwi?
13Mebo ndililila nduwe, O Mwami Leza, kuti undigwasye,
cifumo-fumo ndoompolola kulinduwe mukukomba.
14Ani wanditakatila nzi, O Mwami Leza? Ino undiyubila nzi?
15Kuzwa kubukubusi bwangu ndapenzegwa, ndikundomo yalufu,
wandikonga akundiyoosya, ndeempa, ndamana.
16Ndasubuka akaambo kabukali bwako, kundikonga, nkondikonga kwandinyonyoona.
17Buzuba boonse ndizingulukidwe mbuli zambangulwe,
ndisinkilizidwe koonse-koonse.
18Wanditolela balongwe abayandwa bangu, mudima uusiya mbi waba ngomweenzuma.
Currently Selected:
Intembauzyo 88: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
