Intembauzyo 85
85
Kumweendelezi wanyimbo. Aimbye bwiimbwa nyimbo yabana ba Kola.
1Wakaimba kabotu nyimbo yako, O Mwami Leza, wakabukulusya zileleko zya Jakobo.
2Wakalekelela zibi zyabantu bako, wazimaanya zinyonyoono zyabo zyoonse.
3Wakaleka bukali bwako boonse, wakasiya kulutila kwako.
4Utubukulusye alimwi, O Leza mufutuli wesu, uleke kubijilwa akaambo kesu.
5Sena unootukalalide lyoonse? Sena unootunyemenede kwamazyalani oonse?
6Sena tokootubukulusya, kuti bantu bako bakasekelele mulinduwe alimwi.
7Tutondezye luyando lwako lutazungaani, O Mwami Leza, tupe lufutuko lwako.
8Zyoonse nzyataambe Mwami Leza, ndaziswiilila,
usyomezya luumuno kubantu bakwe basalala,
tayandi kuti bapilukile kukucita zyabufuba-fuba.
9Masimpe ulibambilide kufutula baabo bamulemeka,
kuti bulemu bwakwe bukkalilile mucisi coonse.
10Kusyomeka aluyando, eezi lyoonse zyeendelaamwi, bulemu aluumuno tazisiyani.
11Leza ulalulamika kuzwa kujulu, bantu bakwe basyomeka ansi aano.
12Mwami Leza ulapa zibotu, nkaako nyika yesu iyoozyala micelo yayo.
13Bululami bulikumbele lyakwe, buya bumunikila nzila.
Currently Selected:
Intembauzyo 85: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
