Intembauzyo 76
76
Kumweendelezi wanyimbo. Aimbye bwiimbwa nyimbo yatungwali-ngwali. Lwiimbo lwa Asafu.
1Leza ulizizilwe mucisi ca Juda, zina lyakwe ndipati mu Isilayeli.
2Tente lyakwe lili mu Salemu, cikkalilo cakwe cili mu Ziyoni.
3Nkonkukooko nkwaakatyolweeda mimvwi, mivwi iibeka-beka,
ntobo amapanga, wakazityoloola zilwanyo zyabasinkondonyina.
4Ulaabulemu, O Leza, bulemu bwako bulabonwa, bulabonwa nopiluluka
kuzwa kutulundu, kutulundu ooko nkozundila bakulwana.
5Basicamba basaalwa boona nonzi zitabukwi, taakwe naba omwe
wabasintanze uunyanyaansya janza.
6Notapata, O Leza wa Jakobo, baladingamuka, baladingamuka basinkalaki abasimabbiza.
7Masimpe yebo ulayoosya! Nguni uukonzya kukwiimina, kwiimina bukali bwako bwanyefuma.
8Waambilizya lubeta lwako kuzwa kujulu, nyika ilayoowa, ilaumuna zii.
9Leza wakanyamuka kuti aambilizye lubeta, lubeta lwakufutula baabo badyamininwa munyika.
10Kwaamba masimpe bukali bwako kubantu buyookutembauzya,
aabo bayoosyaala kubukali bwako bayookkala munsi lyako.
11Amupe nzimwakakonkezya ku Mwami Leza wanu, boonse bamuzingulukide
babe zipego kulinguwe uuyoosya.
12Ulamanya bukali bwabami, ulayoowegwa abami banyika.
Currently Selected:
Intembauzyo 76: Tonga96
Highlight
Share
Compare
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
